معيد بالجامعه

السلام عليكم

بنات بغيت اسال المعيد بالجامعه جم معاشة وشهادته بكالوريوس؟؟؟

الصراحة معاش المعيد ماعندي فكرة جم بالضبط لكن المعيد لازم يكون عنده ماجستير اذا كان معيد بجامعه الكويت .

مو كل المعيدين عندهم ماستر انا كنت بادارية وايد ماكان عندهم
وكان في دكتور يتحلطم ما يرضى يحل لنا مسائل يقول روحوا حق المعيدة تاخذ 1700 عشان انا احلكم
عاد ماادري صاج ولا لا الدكتور

شلون معيد وشهادته بكالريوس ؟؟
يصير !
يريت تفيدونا .. واي كليات

Nonosha كلامج صحيح كان في السابق تقدر اي خريجة تقدم على الجامعه و تصير معيدة بكل سهوله لكن للأسف المعيدات الي تم توظيفهم ما كانوا بالمستوى و الكثير من الطلبة يشكون منهم خصوصاً قسم التمويل فاصدروا قرار ان يكون شرط التوظيف لأي معيد ان يكون عنده ماجستير اما الي توظفوا قبل القرار و شهادتهم بكالوريوس فعطوهم فرصه ان يكملون ماستر اذا يبون يستمرون بوظايفهم بس اعتقد للمعيدات القدم الي صار لهم عشر سنين مثلاً تم استثناءهم من هالقرار لان عندهم الخبره الكافيه الي تخولهم ان يستمرون بوظايفهم الصراحه بعض المعيدات القديمين بالمهنه شرحهم لا يعلى عليه ممكن يكون احسن من ماستر و احتمال يكون احسن من بعض الدكاترة بعد!!
هذا الكلام بالنسبه لكليه العلوم الاداريه اما بالنسبه للكليات الباجي الصراحه ما عندي اي فكره!

ماادري والله بالضبط بس صح قسم التمويل تقريبا كل المعيدات بس بكالريوس
حتى بس وحده ايامها كملت حتى مو ماستر دبلوم عالي
بس على هالشرط والله ما عندي علم

بس في واحد يصيرحق فيجتي صار معيد بهندسة وتوه متخرج
فصراحة شلون الطريقة وهل في شروط عل ىحسب الكلية كلش ماعندي علم

بـ gust عندنا المعيدين كلهم بكالريوس وكنت اشوف جم وحدة منهم تدرس ماستر بنفس الوقت بالجامعة يعني يعطونا تتوريال ومن العصر تبلش كلاساتهم الماستر بس طبعا بجامعتنا يقولون مافي اي مميزات حق المعيدين اللهم خصم 25% حق الماستر بس والمعاش تقريبا مع دعم العمالة 800 وشي هذا الي سمعته

منو يقول معاشات الدكاترة بالجامعة 3000 اصلا معاشاتهم الدكاتره 4000 والحين قاعدين يزيدونهم

والمعيد معاشه 3000 وشي