معهد الكويت للأبحاث أو البنك المركزي

مساء الخير

أناعندي بكالوريوس علوم كمبيوتر (صائغ برامج)
وقبلت في البنك المركزي ومعهد الأبحاث وما ادري شنو الأفضل
خصوصا ان ما عندي اي فكرة عن معهد الأبحاث ؟
فااللي عنده اي خبره ياليت تساعدني.. وشكرا

انا اتوقع البنك المركزي خوش مكان ومعاشهم قوي (أهم شي ) هههههههههههههه واللة يوفقج

اهم شى وين بالضبط بالبنك المركزى راح اتم توضيفج

شنو وين يتم توظيفي ؟ بيوظفوني بالبنك في ادارة تقنية المعلومات
ليش راح يفرق شي؟

البنك المركزي

اعتقد ان البنك المركزي افضل والف مبروووووووك حبيبتي

أنا وايد يقولولي ان معهد الأبحاث وايد مميزاته قوية ؟ لكن كل ما أسأل عن رواتبهم وومميزاتهم
محدد يفيدني بهالموضوع ….. فاللي عندها اي فكرة عن معهد الأبحاث وخصوصا للي نفس تخصصي
ياليت تفيدنا ؟ لأن وايد لقيت عن البنك المركزي معلومات لكن مالقيت شي عن معهد الأبحاث

حبيبتي ليش ما تستفسرين من معهد الابحاث نفسه ؟؟؟

قبل لا يضيع عليج الوقت ونتي معلقه والمكانين يبونج ؟
واستخيري احسن لج دام انج محتاره بين المكانين
والله يوفقج

مشكورين على ردودكم .. بس ياليت أي احد عنده خبره بمعهد الأبحاث يفيدنا

السلام عليكم
بس بسأل عن الشغل في لجنه المناقصات المركزية ؟؟؟؟؟؟؟؟؟ اذا سامعين فيه اشرايكم فيه وشلون المكان وكم الراتب لتخصص هندسة الكمبيوتر وانا قدمت على البنك المركزي ومعهد الابحاث وين احسن مكان وليش؟؟؟؟؟؟؟؟؟؟؟؟
وشكـــــــــــــــــــــــــــــــــــــرا

طبعا بالبنك المركزي بلامنازع اصلا حمدي ربج انج انققبلتي الناس طق مطاقق عالبنك و الراتب وايد يفرق اكثر من الابحاث …. بنت خالي مهندسة بالابحاث انا راتبي اعلى من راتبها مع اني تمويل … اهي طاقة جبدها بتطلع

بنات شنو مميزات البنك المركزي واللي يعافيكم ؟؟؟

https://www.q8yat.net/showthread.php?t=516981 حبيبتي هذا رابط انا كتبته عن معهد الابحاث وانشاءايفيدج

وليلحين فيه احد يرفع الموضوع اشواااا

شوفي حبوبه q8 pearl
انا اقترح تروحين القسم اللي انقبلتي فيه بالبنك وتسالين القسم نفسه بالموظفين عن مميزات المكان وعيوبه ونفس الشي تسوين مع معهد الابحاث وقرري عشان ما يظيع عليج الوكت
وهذا الرابط عن موضوع معهد الابحاث يمكن يفيدج
https://www.q8yat.net/showthread.php?t=520132l
موفقه انشالله

حبيبتي انا كنت مفكره اقدم بمعهد الابحاث لانه توني متخرجه وبكالريوس وتخصصي احصاء ومساندي حاسوب
بس دخلت موقعهم ومن شروط القبول يكون معدلج العام 3 وتعرفين محادثه انجلش
فما اقدر اقدم : (
انتي مادري اذا عندج هاللي طالبينه