|
|
السلام عليكم….امس كنت عند دكتورتي قلت لها انا باخر ولاده لي انفتحت علي فجااه موية الراس ماكنت احس قبلها بااي عوارض قالت تسعين بالميه من اعراض نزول الماء المفاجيء تكون التهاب اول مره اسمع هالمعلومه قلت انا ينزل مني افرازات دايم واساال الحوامل الي حولي يقولون لي انهم ينزل منهم افرازات بنفس وصفي وانه عادة ماينزل منهم الحوامل هالافرازات . عاد تتعرفون صعب الكشف بالحمل بالثامن وماودي الصراحه خصوصا اني لا اشكي من حكه او اي شي من هالقبيل …..انا الافرازات التي تنزل معاي بيضا تقريبا مو كثيره بس يوميا, تكون ثقيله شوي مالها ريح هل هاذا صار معكم ؟؟….والسؤال الثاني المعلومه الي قالتها الدكتوره صحيح؟
اب
لا ماتوقع الان انا. ينزل معاي هالشي وانا حامل مثلج بالثامن
وانا لما كنت حامل بولدي كان ينزل هالافرازات البيضه
و ماسببتلي شي ﺂلحَمدُللّھٓ
واتوقع لابد في افرازات للحامل
طبيعي جدا
طول ما ان مافيها ريحة وبيضة يعني مو التهاب افرازات عادية
لكن اذا كانت مايلة للاصفر او صفية و لها ريحة معناته التهاب سمله عليج
تطمني
و لا تحوسين بهالمنطقة و انتي حامل
افرازات عاديه ولا ماي البيبي
انا كانت تنزل علي هالافرازات بس مرات احسها تنزل فجأة كاني عزج الله ابول و بسرعه توقف
و يصاحبها الم بسيطو هالشي تكرر معاي مرتين
و كنت اتوقع انه هالشي عادي بس يوم رحت اراجع في أول اسبوع من التاسع كنت اسولف للدكتورة و قالتلي لي لييش ما قلتيلي من قبل لازم نتاكد هالافرازات عادية ولا ماي البيبي
وفعلا يوم خذت مسحة طلع ماي البيبي
كان ينزل شوووي .. حتى الدكتورة نفسها تنبأت لي بولاده مبكره بس ظليت لي قبل موعدي بعشر ايام
يعني حتى الافرازات هذي مو شرط انه الولاده قربت
اي صح كلام الدكتورة لانه صار فيني هذا الشي
ونزل ماي وصج كان التهابات بس تروح اذا وصفتلج
الدكتورة تحاميل
وبعدين الافرازات عادية حبيتي كل حامل يصير فيها جذي
وماتشوفين شر
روحي سوي الفحص مؤ خسرانه شي
وعلى فكره انا كنت مثلج
وكان معاي افرازات وعلى بالي طبيعيه
ونزل الماي
ولما فحصت طلع التهاب
يعني اللي يستدعي ولاده ولا اللي خفييييييف مرااااا
انا بحملي فجأه ومن غير سابق انذار نزلت علي مويه الراس
وكان رحمي مفتوح 3 سم وانا باول الثامن
وماافي طلللق ومااعتقد فيه التهااب
وبحثت وكان من اسباب نزول موية الراس والولاده المبكره
لان السائل الامينوسي كثير وماقدر يستوعبه الرحم
ادخلي ملفي الشخصي وبتشوفين قصة ولادتي بالتفصيل
ربي يهون عليك ويتمم حملك