|
|
السلام عليكم ….ياليت تساعدوني …أنا عندي عرس شهر 4 واحد من أخواني بغيت وقفتكم …
بغيت أسامي جميع الفنانات ( اللي يسمونهم طقاقات) المشهورات والغير مشهورات توهم طالعين ..بغيت أسامي جميع الطقاقات وأسعارهم وأرقامهم ..
وبسألكم …شنوا قدمتوا لهم من هدية تقديرية ؟؟ وشنو لازم نسوي في الصالة ؟ بصراحة ضايعة في الطوشة ؟ ما أعرف أي شي عن بلاوي العرس وشنو يبي ؟ ابي فزعتكم ؟ يعني كراسي للحضور والطقاقة؟؟؟ كوش ذربة وسعرها مناسب ؟ حلويات شنو ؟
الله يوفق كل وحدة عندهم عرس ؟؟؟بصراحة ياكثرهم اللي خرعوني عن متطلبات العرس ؟ لا وما تدرين المعاريس توفق ولا لا؟؟
إنشالله يوفق عرسنا يارب ؟؟
إدعوا لنا ؟؟؟وأفيدونا ؟؟؟
وشكراااااااااااا لكم على إطلاعكم للموضوع
هدية تقديرية للعروس ساعه حلوة تكون ماركه بحدود 350 او 500 تكون ذربة وحتى اذا الساعه 900 او الف بعد الخصم تطلع 600 وشي
البوفيه عندج الوطنيه يهبل ومايفشل كلش معاهم الحلو واذا بتزيدين من عندج حلووو بعد هم عادي
والطقاقه عند هيام ام طلال بس ماعرف رقمها
وام فجر
الكووشه حبيبتي ماعرف الا تناغرا للكوش رفيجتي كوشتها منهم وكانت 1000 بس ذربة هذا اللي اقدر افيدج فيه
بس أقصد هدية للطقاقة ….ومشكورة ما قصرتي تسلمين
حجز الصالة بيكون 200 دينار
والطقاقة ممكن تسويلها درع او باقة ورد راقية
الفندق بيكون على حسب المينو وبيدى الشخص من 17 دينار
وانا ارشحلك قاعة حولى بارك راقية ونفس نظام الفنادق وبوفيهم راقى جدا وتقريبا الحجز فى حدود 2500 دينار
وبحاول اشوف ارقام الطقاقات واكتبها مرة ثانية
والكوش شوفى توقيعى وان شاء الله مانقصرمعاك
بالتوفيق
أتمنى من زميلاتنا في المنتدى يرشحولي سعر معقول …تعرفون الطقاقة كوثر المهنا ..إهي تصير حق إيمان المهنا …وجم أسعار الطقاقات ..وممكن ترشحولي أحلى الدوجيهات ….شاكرة لكم تعاونكم.
والله هذا أول عرس ولد عندنا
ماعندي فكرة بس حبيت ابارك وارفع الموضوع ان شاء الله البنات يفيدونج 
اذا على الطقاقه باقة ورد وحاولي بالعرس تضيفونها عشان ماتقلب عليكم وتبوسمو لها واضحكوا لها
واسعا الطقاقات من من 1000 وفوق
وعندج ديجي الكادي وروتانا بس ارشح لج الليلك
لــيــش ما تاخــذون دي جي وايــد احلــى 
ماعــرف ولا شــي عـن الطــقـاقــات 
بصراحة حيل متعب عرس الولد ومكللف
انا قبل عرس اخوي جاني ارق مو طبيعي
النوم ماعرفه ابد
بس الحمدلله بفضل الدعاء تم كل شي على احسن وجه
والى الان الكل يتكلم في عرسنا
لي رجعة باذن الله لموضوعك
بس طبعا نديبة التوب
ومصمم الديكور انصح وعن تجربة بالمالك
مبدع لاقصى درجة
والطاولات والكراسي عاد على حسب
واذا نظامكم بس كراسي استأجري كراسي نابليون للقاعة بيكون شكلها حلو وغريب
والنعومة والذربة اهم شي
البوفيهات ابحار
او بوفيهات الفنادق
ساس بوفيهم روعة بس مادري اذا عندهم طلبات خارجية