معلمات مدرسة هدية الابتدائية بنين

السلام عليكم يا حلوات

أنا معلمة لكني بسألكم كولية أمر ولدي ان شاء الله السنة اليايه عندكم في أولى ابتدائي بغيت أسألكم عن المدرسة تعرفون أكيد من ناحية الادارة والجهال هناك والمعلمات جزاكم الله خير … يعني تصلح أدخل ولدي فيها ….. وأتمنى كل التوفيق لعيالكم …. ويا ريت الي عندها معلومة سواء مدرسة أو غير مدرسة ما تبخل علينا جزاها الله خير

ولد اختي هناك من ناحيه الاداره صراحه الناظره ماتقصر
واشوف اختي تمدح الاداره من ناحيه التدريس ماعندي فكرا صرآحه

اب لعيونكم عشان تستفيدون

شدعوة يا بنات …….. جزاها الله خير الي ولدها في مدرسة هدية تدخل عفية وتفيدني جزاها الله خيروالله أحاتي ولدي … تسهلون علي الأمور الله يسهل عليكم أموركم

انا عيالي فيها
اداره زينه
مدرسات حبوبات
بس مزدحمه شوي

أنا معلمة فيها 0 الصراحة المدرسة كبيرة عبارة عن مدرستين في مدرسة وحدة يعني كثافة طلابية 800طالب تقريبا كله طق ومطاقق وطعن أقلام لا الاخصائية ملحقة ولا المناوبات في الفرصة بس تمشي وسوالف وغياب المعلمات من صوب ثاني0 الصراحة ودي ولدج مدرسة ثانية

جزاج الله خير على النصيحة …… يعطيج العافية