معلمات المرحلة الثانوية بغيتكم بكلمة راس تعالوا شوي

السلام عليكم ورحمة لله وبركاته
بدخل بالموضوع على طول عشان ما اطول عليكم
حبيبتي انا معلمة جديدة والتوجيه رشحني للمرحلة الثانوية ومتخوفه حدي لاني ماعمري درست ولا طبقت بمدارس وابي فزعتكم فديتكم
1-هل اقدر اغير المرحله ووين اروح عشان اطلب تغييرها؟
2- اذا لاسمح الله تميت بالمرحله الثانوية شلون اتعامل معاهم شنو الاسس الي مشي عليها في الحصة الاولى ؟وما بعدها
3- الطالبات المشاغبات شلون التعامل معاهم؟ واي شي تقدرين تفيديني فيه قوليه
الله يوفق كلمن ترد علي ويخليلها من تحب وييسر لها امرها

هلااااااااااااااا و حبيبتي لا تخاااااااافين ولا شي

أنا مثلج وظفووووووني بالثنويه و الحمدالله الوضع أوكي و البنات يحبوووووووووون الابله و يحترمووووونها و بعد كل هذا يرجع للاداره

أذاااااا كانت شديده على الطالبات و لا لا

إذا كانت شديده على الطالبات تكون احسن لانهم يخافون من الفصل

و بعدين انا شكلي اصغر منهم و الحمد الله للحين الوضع حلو
(((((((((((( استخيري )))))))))))))))

والله انا نفسك كنت ابي الابتدائي وتخصصي قالولي لازم الثانوي وكنت نفسك خايفة اشلون اتعامل مع بنات كبار وغيرها من الافكار ؟؟
بس انا الحين صارلي بالثانوية سنتين ومرتاحة اولا لأن كبار يخافون على علاماتهم وبعدين تعتمدين عليهم بالطلبات مثل التصوير وغيرها واذا نفستي عليهم يخافون شوفي..انا انفس عشان اتصير حصتج هادية ولابأس من الضحك احيانا ولكن اذا من اول شي اتضحكين راح يمسخرونج ويقطوم عليج اسألة محرجة انا كنت اول شئ جذيه بعدين تغيرت …سمعي كلامي لأن اهما ماينعطون وجه صيري جدية تشوفين حصتج حلوة مع ان انا دمي خفيف ولكن نفس الوقت احب كل شئ منظم ..اما عن المادة اليي معاج يساعدونج مايقصرون ورئيسة قسمج بعد واول فترة صعبة شوية عليج انا تحبطت اول 3اسابيع بس بعدها اوكي

لا يحووووشك الثانوي شنو تخصصك و اقولك

شقصدج ملامح برئة وضحي
انا اسلامية فهل معناتة بعاني من بنات الثانوي
وما علمتونا شنو افضل اسلوب لمعالجة المشاغبة عندهم من وجة نظركم وخبرتكم الشخصية
شنو نفع معاهم؟؟ظ
وهل تايدون ان اطلب متوسط بالواسطة لاني جربت المتوسط حلو بس الاعجاب والحب والدلع فيها وايد
شرايكم يا المجربات؟؟؟؟؟

اختي فلونة البنات مو مثل اول يصدعون راسك و يبيلهم فن بالتعامل شدة مع لين يعني انا ما عرف هالسوالف اشد يحقدون علي يتصيدون الغلط و المنهج يبيله حفظ يعني المادة العلمية متعبة يعني يتاخرون عن الحصص اشكره يقولولك ملينا ما نبي درس و تلحقينهم بالدفاتر و الانشطة و تتوهقين فيهم و هذا اللي عندي الصغار ارحم مو خسارة فيهم التعب انا الحين احس وراي هم الشرح باكر ادور كل يوم طريقة ابسط الدرس فيها حتى نغزات قاموا يقطون انك تقرين او تمشين الدرس
و الحمدلله و الشكر

الله يوفقكم ويسعدكم يالي رديتوا علي
بس اختي ملامح خوفتيني اكثر ماني خايفه .. وانا صراحه ماقدر احفظ الذاكره فل ويبيلها فورمات … طيب بنات وشلون نقدر نغير المرحله؟؟؟؟ لازم واسطه؟

ملامح بريئه.. تخصصي اجتماعيات

صدقيني أحسن مرحلة الثانوية آنا كنت بمرحلة ثانية وحولت والحين الحمد لله مرتااااااحة لأن البنات يخافون من الدرجات وبعدين الوسائل المستخدمة في الثانوي أبسط من باجي المراحل

بالعكس الاجتماعيات مادة حلوة وسهلة والطالبات يحبونها ورح يساعدونج فيها

ابحاث ووسائل وتحضير وشرح كمجموعات

والطالبات حسب شخصيتج اضبطيهم من اول شي وارتاحي بعدين

والثانوية حلو لان بسرعة تترقين مو نفس المتوسط والابتدائي

والله يوفقج

انا نفسج توني مخلصه من المقابلة و كانت الاسبوع الي طالف قالتلي الموجهه بنحطج ابله ثاناوي فلسفة او علم نفس و انا اصلا تخصصي علم اجتماع قتلها انا ما اعرف شي بالفلسفه اشعرفني قالت تدخلين دورة تتعلمين فيها و ماني عارفه ليما الحين شنو اسوي عقب المقابلة

و مثلج خايفة شوي بس الي مهونها علي ان البنات كبار و فاهمين مو مثل اليهال يعني بنظرة حاده منج يخافون و يتادبون ان شاء الله و هدديهم بالدرجات و تشوفينهم متادبين

الله يوفقنا كلنا ان شاء الله اجمعين

انا بعد منت ابي ابتدائي بس بيحطونى ثانوي

تخصصي حااسووووب وما ادرى شلون اتعامل مع البنات

سألت بنات رفيجاتى قالوا انه الحاسوب ماده حلوه ويحبون ابلاتهه لانه ماده خفيفه ومره او 2 بالاسبوع

الله ييسر اموركم ويسعدكم يارب ويوفقكم
وين الابلات الخبرات ساعدونا واحتسبوا اجرنا الله يجزاكم خير

الابلات اللي يمدحون الثانوي انا معاكم ان البنات اكبار و فاهمين بس صعب التعامل معاهم اللي تحس انها قوية و لها شخصية تقعد عندهم و اللي ما تقدر راح تمر بضغط نفسي الا في حاله وحده تدخل و تكون ثقة و ما يهمونها وتدقق على درجاتهم بتنظيم و لا تخلي فرصة لاحد يمسك عليها شيئ هذا اذا فضيتي ما كرفوك بالانشطة و الشغل و اسفه على الاطالة اذا تبين مساعدة دزي على الخاص

تسلمين ياقلبي بس ابي اعرف شلون نضبطهم وش نسوي معاهم