معلمات الثانوية تأيدوني أطلع من التربية

حبيباتي أبي رايكم تأيدوني أطلع من مهنة التدريس بالثانوية الى وظيفة ادارية بوزارة ثانية ودي اعرف الاراء لاني محتارة!!!!!
بنفس الوقت متحسفة على العطلة والراتب بس الوظائف الثانية أريح من ناحية ماكو شرح ولا التحضير .
ومادري اشرايكم منو تايدني ومنو تعارضني؟

حبيبتي مرحلة الثانوية أحلى مرحلة للتدريس ، وما فيها تعب وايد مع الطالبات اللهم إلى بالمادة العلمية لازم تثقفين نفسج بمادتج ، وصراحة مدرسة وراتب حلو وإجازات ولا وظيفة مكروفة فيها ومعاش يفشل ما تسوى دراستج

هذا يرجع للمكان اللي انتي فيه اذا مرتاحة والا لأ
وبالنسبه للعطل والمعاش والله حبيبتي بهالزمن راحت علينا العطل قبل ثلاث شهور والحين كل مالهم يقللون وبالنسبة للمعاش شدعوه يقعد معاش المدرسة من هالعيون اللهم ياكافي \\ بس الصراحة التدريس بالثانوي احلي واحسن والبنات تكسبينهم كأخت واذا مرتاحة بالقسم والادارة حلوه فماكو تعب نا صارلي 9سنين ثانوي حييييييييييييييييييييييييييييييييييييييييل مرتاحة الله لا يغير علي

حبوبة شنو تخصصج لأنة يعتمد

ليش …!!!

حسافة والله

حسبالج الموظفين مرتاحين لاوالله

خل اقولج انا خواتي مدرسات حيل حيل مرتاحين عسى الله يتم عليهم مو مثلي داشه وطالعه اتحلطم .. درجة اني افكر اقعد بالبيت وارتاح

فكري شنو المميز عندنا البصمه ولا الإجازات ولا الإختلاط ولا الروتين اليومي الممل …..

أستغفر الله العظيم

جزاكم الله كل خير حبيباتي على مروركم وردودكم الحلوة ويارب يوفقكم ويسهل أموركم يارب
بس عيب المدرسة همها تييبينه البيت وشغل كمبيوتر هذا اللي مخليني ودي أطلع يعني الموظفات ماشاء الله من يطلعون من باب الدوام ينسون كل شي الا المدرسة تظل تفكر أغلب الوقت واذا غابت تحاتي بناتها في الصف .
قاعدة افكر واستخير والله كريم والله يكتب الخير.

فكري واستخيري ولا تستعيلين

لان كل الوظايف فيها زينها وشينها

ووظيفتج وايد يتمنونها

انا بصراحه مدرسة وتعبت حيييييييييييييل من مادتي لأنها صعبه وقاعده احاول أحول للمساند شوفي مساندج اذا اسهل حاولي تحولين له او حولي مدرسه بالاوقاف حييل أريح ونفس المعاش ونفس العطله

جزاج الله خير أول مرة اسمع بالاوقاف وين يعني المدارس الدينية (المعهد الديني ) والا في مكان ثاني ؟؟؟؟؟؟؟؟

والله على حسب ميولج وراحتج ..

ألزم ماعلى الواحد راحته ,, أنـا بالنسبة لي تعجبني مرحلة الثانوي

إستخيري يا الغلاااااااااا

جزاكم الله كل خير لمروركم ونصيحتكم

الى فورلا العزيزة ……….والله كانك تتكلمين بلساني ……انا عندي رغبة كبيرة بترك التدريس وتخصصي حلو (اجتماعيات) ثانوي يعني نصابي بالكثير 8 حصص بالاسبوع ومجموعة روعة والادارة اروع لكــــــــــــــــــــــــــــــــــــــــــــــن التدريس متعب متعب متعب ولعدة اسباب
1- اشراف ولحقة ورى البنات ليش حاطة مكياج ليش مضيقة ثوبج لاتحطين مسكرة
2- سوى امتحان منتصف الفصل والامتحانات الشهرية
3- مراقبة الامتحانات وتصحيح ثانوية عامة
4- سوي درس نموذجي-او ندوي اوي شيء المهم سوي
5- تردين البيت مستحيل تكونين فاضية مهما كان ……..زوهذا يقابله تقصير مع عيالج
والله اني اشوف اوجيه المدرسات جنهم عمال الوحدة تعبانه مالها خلق……………روحي مثلا للبنوك شوفي الموظفات تحسين انها مستمتعة وعارفها شغلها احنا بالتدريس كل شيء جديد المدرسة الاولى تامر والموجه يامر والناظرة تامر وولي الامر يامر واحنا مثل المسبهين واغلطي لو غلطة بسيطة او يصير لج ظرف وغبت كانج ماسويت شيء الدنيا تقوم وتقعد كان مافي غيرج ………………..ولاحظي كل المدرسات يشكون من الالام العظام !!!! ما ادري هذا راي وانشاءالله ماحبطتج …………..زانا بدور وظيفة ثانية

مساكم ورد
احب اقول رايي
انا معلمه و ماحب التدريس مع اني ماذكر في سنه ماخذت امتياز لاني اشتغل حيل بس لاني ماحب التدريس متضايقه و تعبانه نفسيا و اذا احصل شغل مكان ثاني بروح لان هالشي يحطم النفسيه
فانتي يابعد قلبي اذا مو حابه التدريس لا تجبرين روحج كل مكان اكو فيه مميزات و اشياء زينه و انشالله يوفقج و يكتب لج اللي فيه الخير

صااااااجة والله الميزان

ياحلوه الوحده اللي قاعده بمكان مو عاجبه ومو مقتنعه فيه ما راح تنجز أي شي ولا راح تعطي في هالمكان فالأفضل أولاً صلي صلاة الاستخاره وشوفي
فكري عدل قبل كل شي وتوكلي على الله