|
|
السلاااام عليكم ورحمة الله وبركاته
شلووونكم بنات ان شاء الله طيبين
حبيت اسالكم شنو احسن المراحل حق البنين للتدريس
اول ولا ثانيه ولا ثالثه ولا رابعه ولاخامسه 
انا مدرسه يديده ولمن جربيت الميداني صراحه كنت مدرسة بنات وحبيت رابع وخامسه لسهولة انظباطهم وفهمهم بعرف هل البنين نفس الشي
وشنو المراحل الي ترشحوني اخذهم .gif "Eh S(1)")
بالمناسبه انا مدرسة دين
يعني على حسب شخصيتك شوفي انتي شنو تحبين ؟
اما الانضباط المراحل الخمس اذا كانت شخصيتك قويه راح يكون في انضباط بالصف اما اذا رخيتي معاهم وتعالي شوفي صفك سمردحه
|
المشاركة الأصلية كتبت بواسطة رضاهم جنه
 انا احب آخذ اولى اكثر شي لان احب الصغار وزميلاتي بعضهم يحبون خامس لانهم كبار وما يعرفون يتعاملون مع الصغار
يعني على حسب شخصيتك شوفي انتي شنو تحبين ؟ اما الانضباط المراحل الخمس اذا كانت شخصيتك قويه راح يكون في انضباط بالصف اما اذا رخيتي معاهم وتعالي شوفي صفك سمردحه |
جزاج الله خير وبارك الله فيج وعسى ربي ينولج الي تتمنينه
انا احب اتعامل مع الكبار بس شخصيتي موقويه يعني وايد ارخي 
شسوي وما احب لصغار دوشتهم وايده
|
المشاركة الأصلية كتبت بواسطة um fawaz
عن نفسي احب الكبار راكزيين اكثر … حتى القعده بالصف تلقينهم منتبهين ويااج بس الضغار تلقينهم يحووسون حتى الكرسي ما يقعدون عليه عدل ….والله يوفقج
|
اي والله مجربه اليهال حوسة وماكو انظباط عكس خامسه ورابعه 
اسم الله عليهم
حسب مدرستج وحسب بيئتهم
يعني أنا أخذت خامس في مدرسه بالجهراء أول ما تعينت .. لقيت إن يبيلهم فعلا شخصيه قويه قويه قويه
ورابع نفس الشي
فالأحسن الأمر الوسط إذا تقدرين إخذي ثانيه وثالثه تعلمي فيهم لأنهم بين الكبار وبين الصغار , فتقدرين تاخذين خبره بالتعامل معاهم على الناحيتين
والله يوفقج ويعينج
وسلامي
بس هالسنه خذيت خامسه لان منهجهم عاجبني وفي مجال الواحد يبدع ..والله يعيني على شطانتهم ..
وتسلمين
ثالثة الافضل
ورابعة وخامسة هم زينين بس شوفي المنهج الي افضل بالنسبة لخبرتج
وبالتوفيق
بس حبيت اقول ان بالاول و الاخير الامر راجع لج انتي ..
عموما .. في اغلب المدارس ما يعطوني التعيين الجديد الصف الاول .. لان هذيلا يبيلهم تأسيس فما ينفع تمسكهم معلمه
جديده توها تتعلم اتدرس و تمسك الصف !!
الصف الاول فيهم طفوله و تلقينهم الى نص السنة عايشين جو الروضة ..! و تعالي علمي مسكة القلم و علمي الانضباط و غيره
الصف الثاني ممتع اذا انتي تحخبين الصغار .. و يبين فيهم التعب اسرع من اولى
الصف الثالث و الرابع حلوين اذا ضبطتي الصف .. و الخامس كبار يبيلهم تعامل غير شوي .. يحبون يستعرضون عضلاتهم
موفقه يا رب
|
المشاركة الأصلية كتبت بواسطة مشغوله و محتاسه
البنات ما قصرو
بس حبيت اقول ان بالاول و الاخير الامر راجع لج انتي .. عموما .. في اغلب المدارس ما يعطوني التعيين الجديد الصف الاول .. لان هذيلا يبيلهم تأسيس فما ينفع تمسكهم معلمه الصف الاول فيهم طفوله و تلقينهم الى نص السنة عايشين جو الروضة ..! و تعالي علمي مسكة القلم و علمي الانضباط و غيره الصف الثاني ممتع اذا انتي تحخبين الصغار .. و يبين فيهم التعب اسرع من اولى الصف الثالث و الرابع حلوين اذا ضبطتي الصف .. و الخامس كبار يبيلهم تعامل غير شوي .. يحبون يستعرضون عضلاتهم موفقه يا رب |
جزاج الله خير ياقلبي ماقصرتي عسى ربي يوفقج ان شالله وينولج كل ماتتمنين بهذا اليوم المباررررك بصراحه عطيتيني الزبده والمختصر .gif "Eh S(6)")
هذي ثاني سنه ادرس بنات بس والله العظيم ان الصبيان احسن واذكي من البنات على الاقل تعبج ما يروح على الفاضي ويشاركون بالحصه ويبيضون الوجه اذا جاج اي زائر …. بعكس البنات جني أكلم الطوفة …..
موفقه ان شاء الله