معلمات الأوقاف ممكن شوي ***

السلام عليكم و رحمته الله و بركاته
شلونكم؟
أبي اسئلكم أنا مستجدة بالجامعة و أبي أحول
لشريعة و لأني بتوظف بالأوقاف و ما أدري شنو شغل الأوقاف بس تحفيظ لأني أنا نوع ما ملولة
أحب أنوع بشغل و لا بعد في
و بليز قولولي شنو شغلتها بعد ….. يعني مثل أقدر اطلع مدارس و ألقي محاضرات…..
لأني أنا أحب ألقي محاضرات و أحب انصح
* أنزين بنات حلوة الشغلة و لا لا *
و لا فيها تعب

بليز لا تحرموني ردودكم هذا مستقبلي………..

آنا بقولج اللي سمعته من موظفات بوزارة الأوقاف سواء بالسراج المنير أو دور القرآن

إنتي تختارين التخصص اللي تبين تدرسينه للطالبات وبعدها يعطونج كتب وتدرسينها ويسئلونج أسئلة من المناهج اللي اخذتيها بشكل عام وفي اختبار شفوي عن طريقة الشرح ……إلخ

الدوام حلو وخفيف وفيه أنشطة وممكن يتعاونون مرات مع وزارة التربية ويروحون معلمات الأوقاف لمدارس التربية ويلقون محاضرات ويسوون أنشطة

وهمن بعد في مجال إنج تلقين محاضرات في دار القرآن نفسه اللي إنتي متوظفة فيه وإنتي وشطارتج ….

موووووفقة

وهذا الحجي اللي سمعته والله أعلم حبوبة

وعليكم السلام ورحمة الله وبركاته
الي اعرفه انج تقدرين تلقين محاضرات او ندوات ماادري شنو الاسم بالضبط بالمدارس احنا كل اربعه ياخذونا بنات الاوقاف لمدة كورس كامل والاسبوع الايام اخر اسبوع لهم لانه بيخلص الكورس كانو يتكلمون عن حب الله والرسول صلى الله عليه وسلم يعني يوم عن معاناته يوم عن حياته يوم عن صفاته يوم عن مواصفاته وجذي وفي يعني اشياء نطبقها بالحصه ع الدرس الي اخذناه وااايد وناسه وشي حلو

مشكووووة ي قلبي …..و شاكرة مرورج حبيبتي

يعطيج العافية. حبيبتي ………………… منورة يا الغلااا

انزين معلمات الأوقاف جم معاشاتهم

ما أدري بالضبط حبيبتي بس حسب ما سمعت أنها نفس معاش المدرسات
بس ما ترقي بسرعة نفس المدرسات المدرسات كل سنتين و أهي كل ثلاث سنين.

اختي الاوقاف تنقسم ادارات عندج الخاصه بدار القرآن وعندج السراج المنير وعندج الاترجة وفيه الداعيات في الامانه العامه للاوقاف وهذولا كلهم يقبلون خريجات الاوقاف وانصحج بقوه بالتحويل للشريعه لانج راح تستفيدين دين ودنيا

ريح الصبا

فديتج حبيبتى………….مشكورة اختي