معقوله حبوب رفع الدوره لها تأثير على نشاط البيبي الرضيع . بنات عطوني راااايكم

والحين صايره تنام بليل 7 ساعات ونص و احيانا 5 ساعات و نص

(((( متواااااااااصلين يعني ماتقعد كلش تشرب حليب و تنام))))

لها ثلاث ايام على هالحال !!!!!!!!!!!!!!!

مع اني متعوده عليها قبل تصحيني كل ساعتين او 3 بليل وتكون ميته يووع تشرب حليب وترد تنام

بس الحين مستغربه وضعهاا اليديد

بنات هالتغير طبيعي لانها قاعده تكبر ؟؟ او بنتي مررريضه ؟؟؟؟؟

انا شاكه بالحبوب مالت رفع الدوره

لان من صارلي 38 بنفاسي نزلت علي اخت النفاس

واستمرت معاي 13 يوم خفت ةرحت لدكتوره امراض نساء

قالت لي ان الهرمونات متخربطه بسبب هرمون الحليب لاني ما ارضع

(( موكيفي ما ارضع بس مااكو حليب بصدري يمكن نقطتين يالله يالله ))

قالت بعطيج حبوب تنشف الحليب فرفضت قلت عطيني حبوب تساعد على ان الحليب يدر

فعطتني حبوب اسمهاا بريمولوت نور (primolut nor)حبتين باليوم لمدة 20 يوم
وحاليا لي اربع ايام مستمره على هالعلاج و بنتي لها 3 ايام على هالحال

احس ويمكن صدفه صار هالشي ان بنتي صارت تنام ساعات متواصله مثل ما وضحت لكم

معقوله هالحبوب قاعده تضرها لاني ارضعهاا من صدري

يعني نقطيتن او ثلاث ممكن تأثر ولا انا قااعده ابالغ و بنتي ما فيهاا الا العافيه