معقولة تعب هالسنين يضيع

السلام عليكم خواتي معلمات المهنة الشاااااااااااااااااااااااااااقة عسي الله ياجرنا أفيدونا ضحاوي ولك قير وغيرهم من الاخوات
بدخل بالموضوع علي طول اختي بعد معلمة ومن المعلمات الممتازات وحصلت علي أعمال ممتازةودائما تقريرها فوق 94 طيب مو هذي المشكلة المشكلة يا طويلات العمر انها ولدت وجابت توأم الله يخليهم لها وبعد خبرة عشر سنين حبت تاخذ اجازة امومه شهرين بعد مو اربعة وبعد ما داومت حست انها محتاجة الي راحة مع العلم كل سنة لها انشطة علي مستوي وزارة ومنطقة ومعروفة من الجميع بس لها حق ترتاح وانا اسميه استراحة محارب اهي مو مقصرة بحصصها مبدعه فيها الزبدة

تتوقعون ممكن ينزلون من تقريرها من امتياز الي جيد عشان الامومه مع ان الناظرة تحبها والموجهه كذلك

:krkrkr:

والله أنا إلي أعرفة إذا غابت المعلمة أكثر من 15 يوم ماتاخذ امتياز .. بس احنا بالتربية نمشي ورى مقولة ليه حبتك عيني ما ضامك الدهر
.. خليها تستفسر من الناظرة أحسن والمشكلة بعد مو بالتقييم .. المشكلة المعلمة إذا خذت أمومة على طول تنقل من المدرسة … فالأحسن لها ان تسأل الناظرة وتتأكد .. والله يوفقها إن شاء الله .

مشكورة حبيبتي اهي ما نقلونها ردت مدرستها والناظرة تبيها بس اهي خايفة من تقريرها ينزل
وشاكرة مرورج يا الغالية

خل تكلم النااااظره …شتسوي بعد…

ما يبيلها شي .. تسأل الناظرة و اهي تقول لها

كل شي بإيد الناظرة
اذا اتحبها بتعطيها الامتياز المرتفع بعد
او بالكثير فوق التسعين يعني

اما اذا حالها حيل غيرها بالمحبة فممكن ينزل

اي والله كل شي بيد الست الناظره

تصدقون انا مدرسة والله مافكر بالامتياز هالمهنة بروحها عذااااب وااجري عن رب العالمين اما من الناظرة ولا الموجة مابي منهم شي
اسوي الى علي والباجي على الله امتيازي اخذة بالاخرة انشالله

اذا غيابها قبل الاجازة كثير ما راح تعطيها امتياز بس اذا لا اجازة الامومة ما تأثر اذا المديرة بتعطيها عطتها وأتوقع راح تاخذ امتياز بس حد الامتياز

تسال رئيسة القسم وتفهم بعد من المديرة

معاك حق حبيبتي .. والله العظيم أجر المعلمات .. أقصد المخلصة واللي تخاف الله على رب العالمين . أنا . أعمل في مدرسة كلها ظلم في ظلم .. وقلة أدب من الإدارة والناظرة لا بعد والموجه ورئيسة القسم ألعن من بعض يعني أعمل في مملكة الشياطين والله اني في حياتي عمري ما شفت مدرسة مثل مدرستي هذه في الكذب والغش والفساد بكافة أنواعه بس تدرين أنا ما يهمني .. أعطي لوجه الله فقط لا أريد حمدا ولا شكورا من الناظرة وحاشيتها .. بصراحة تعبت نفسيا من المدرسة .. ودائما صحتي في النازل .. لكن ما يهمني غيابي لا تعدين حتي زميلاتي مدرسات المدرسة من كثر الظلم حطمن الرقم القياسي في الغياب .. لكن ما يهمني .. مادام ما عملت شئ يغضب الله خلاص .. كل الذي فوق التراب .. تراب.. وشكرا .

السلام عليكم جميعا الموضوع شدني يا حبيباتي بصراحة انا صارلي 6 سنين خبرة واعطي حصصي بضمير و الله العالم لكن للحين اتا معلم د ما ادري شسوي وانا كل ما اروح للناظرة تمدح فيني حيل لكن ما اظن تعطيني امتياز

مشكورين يابعد عمري علي ردودكم الطيبة
والله انا بعد اقولها كل شي بيد الناظرة بس اهي حراااااااااااااااااااام اشوفها حتي بالزوارة تاكل في عمرها الله يعين
والله وباذن الله اجرنا ماراح يضيع عند رب العالمين

حبيبتي اذا خذت امتياز لج اللي تبينه مستحيل مدرسه ماخذه امومه تاخذ امتياز على حسب كلام ناظرتنا

مو شرط الناظره تنزلها

اذا الناظره تقدرها وحقانيه ما تنزلها لانها عارفه مستواها

قولي لها عادي تناقش الناظره بهالموضوع لانها مو يديده عشان تحدد مستواها مستواها معروف

والله يوفقها