معقدينكم الرجال ؟ عيل دخلواااااا

نصيحه متواضعه تقبلونها مني؟

انا انسانه عاديه وبسيطه ولا احمل الا الحب في داخلي للناس كلها وانتوا كلكم خواتي واحبكم في الله وربي يشهد نــــــــــصــــــــــــــــــيـــــــــــــــــــ ـــــحــــــــــــــــــــــــــــــــــــــــــــ ـــــــــــــــــــــــــــــه

ابي اقدمها لكم وسمعوها مني ترى والله والله ماتندمون وكلنا نحتاج النصيحه في ايامنا هذي

اقرأ كل يوم مشاكل كثير من المتزوجات حتى اني كثر ما اتعاطف ابجي في بعض الاحيان من صعوبة الامر

احس بآلالامكم سواء متزوجات او غير متزوجات كلنا نعاني لكن معاناة الحياه الزوجيه اكبر

لان في قلة وعي وادراك للمسؤوليه المشتركه بالذات عند الرجال لان تلاقون المرأه تحاول حتى لو تفشل مقابل هالشي الرجل متكبر وعمره ما يحاول

نصيحتي لكم

تبين ريلج مثل ماتحبين ؟ وكلي ثقه بكلامي

لازم من البدايه تفرضين كلامج آرائج قبولج ورفضج في كل الامور بحياتكم لاتعطينه فرصه يقول شي انتي مالج راي فيه

ما اقصد كلامي ان تقومون تناطحون الزوج !! بالمشاكل وعوار الراس

لا المعامله الراقيه وبليز لاتقولون ماتنفع لان المناطح هذا اولا يقتل انوثتج بعينه وبعينج بعد وثانيا هم ماينفع انتي تفكرين تطلعين حرتج بس باالعكس انتي اللي تحرين روحج

الحل السحري في بداية العلاااااااقه لازم يفهمج ……

الريال لو مايعرف يحب ولا يحترم تقدر البنت تحسسه بس اهم شي تكون بنت حقيقه مو شكل بنت ولي حاجته صبيك اعذروني بس لان هذا السر اللي يخلي الريال يعرف حدوده عدل

ولو تعداها لاتحسسينه انج خايفه ……….. خلي عزة النفس موجوده بتلاقين يبوس ايدج عشان ترضين

واكو مثل اؤمن فيه جداااااااااااا

ولدج على ماربيتيه وزوجج على ماعودتيه

ولدج على ماربيتيه وزوجج على ماعودتيه

ولدج على ماربيتيه وزوجج على ماعودتيه

سامعيييين

وووو انا افهم في نفسية الرجال كثر ماعقدوني منهم لله ……….. فصدقوني الريال

اول ماتشوفينه تحسين شي صعب صعب

بس لما تبحثين في دواخله تكتشفين ان من اسهل ما يكون خداعه واستمالته

طبعا الخداع اللي اقصده …… اهوا الذكاء مو المكر طبعا لاني ضده مهما كانت الاسباب

وتحياتي للجميع ……… احبكم في الله

صـــح لسانج حواء << قايله قصيده

لابجد كلامج صحيح مليون بالاميه وانا اقرا بعلم النفس وايقنت ان الرجل ماهو الا { طفل }

كلكم تعرفونها بس مو كلكم يعرفون يتعاملون مع هالطفل

واول سنه زواج انا اعتبرها حجر الاسااااااااااس

وصاجه لازم من البدايه تثبتين وجودج ويكون لج كلمه بس مو باللسان الطويل ولا بالعناد

بالاسلووووووووب الراقي المقنع !

جربوا اقروا كتاب الرجال من المريخ والنســآء من الزهره

.:.

والف شكر حوا على هالطرح المميز !

مشكوره ياعروس الكون على هالتجاااااوب الجميل جدا والراقي

بس عاد تدرين اني عرفت هالشي بحدسي من غير الكتاب والله صج

احلل الرجل بكل مافيه

ولازم الرجل قبل لا يسأل تكونين عارفه الجواب

لما تكونين فاهمه نفسج ( بس ) هني تعرفين تحسسينه بوجودج

والله الكلام وايد وايد وايد وانا خاطري اعزز الشعور الايجابي واسوي كتاب للرجال فقط لول

لابد يكون في توعيه بهالخصوص واللي اهم ؟؟ منه

لابد تؤمن المرأه بحقوقها الزوجيه وتطالب فيها بكل ذوق وتعاون ومحبه

صدقوني الريال يظل يتمادى لي ماسمع كلمة ( لا ) لا ولازم تكون واضحه جليه وعنيده ولاتكون بارده
وهامشيه

وبين الرفض والقبول الريال يتأدب ويحبج اكثر واكثر لما يعرف شنو داخلج

بس اهم شي التحلي بالاخلاق والصبر … والانوثه والعاطفه

من غيرها احلا انثى تكون ريال

تحياتي

((كلكم تعرفونها بس مو كلكم يعرفون يتعاملون مع هالطفل))

جمله جميله تدل على جمال عقليه مثل اصحابها

بس يبون البنات زوم عليها عشان يركزون

بس على فكره اتعرفين لما تعاملين الروح كطفل؟؟ لكن تحاكين عقله محاكاة الانسان البالغ الواعي

لابد انها تنسيه اتعابه في التدليل اللي بمكانه الصحيح والوقت المناسب

ولابد من العقاب عشان يحس بالمسؤوليه

يعني تخلقين موزانه عشان الطفل الكبير ما يفسد وينسى ان كبير ومسؤول ولا ان تحطينه بالمسؤوليات فا يكبر قبل عمره بكثير

وتقتلين الفرح في داخله

السعاده ماتكون موجوده من روحها … لا شعاري احنا اللي نخلق السعاده

بهذى انا بصم لج بالعشرة

^
^
^
^
^^
^
^
^ اعرف وحدة جذى

ماتناطح زوجها على قولتج لا

ولاتخليه يغمع <<<<<متعوب على الكلمة ترا

ولايغمع رايها لا

وشوفية والله حيل حيل حيل يحترمها ودايما اشووفه يخاف تاخذ عنه فكرة يحب دوم يكون بصورة حلوة جدامها واهى تستاهل بصراحة ربي يهنيهم ماااااااااااااااااااااااشاااااااا ءالله

بس كلامج عدل عدل عدل

بيارق الحب اسمج اينن

شفتي اشلون؟

انا عاد مثل هالوحده

ما شالله كلام صحيح وواقعي مية بالمية وانه ابصملج عليه………

لاني جربت هالشي مع ريلي من بداية زواجنا والحمدلله النتيجة نفس ما قلتي الحمدلله ياااااااااااااااااااااااااارب

عين العقل

آنا أعرف وااااايد حريم رياييلهم مستقوين عليهم

و موعادين لهم اي احترام

و لما اقولهم تكلموا دافعوا عن حقوقكم

يقولون عقب ماااشاااب ودوه للكتاب !!!!

احنا غلطنا من البدايه و الحين ما ينفع الندم!!

كلامج عدل 100%
مشكورره

كلامج عدل وصاجة بكل كلمة قلتيها وهذا دايما تفكيري او كان تفكيري
بس اسمحيلي اختلف معاج ان هالكلام نظري اكثر منه عملي او واقعي يعني ما تقدرين تطبيقنه الا اذا كان الزوج او الرجل بشكل عام متقبل او مثقف (ثقافة اجتماعية مو ثقافة علمية) ويتقبل هالاسلوب ويتجاوب معاه

وانا اعتقد انج مو متزوجة للحين صح؟ لان كلامج يدل على انج ما تعاملتي مع الزوج الكويتي

عموما مشكورة عى هالموضوع القيم والمفيد

مشكورين حبايبي على الردود الحلوه

لي رجعه

انا مو متزوجه اي حبيبتي لكني على ( وش جواز ) مثل مايقولون

انا اعرف الكويتي واعرف اطباعه عدل عدل عدل وعيوبه ومزاياه

صدقيني وايد وايد مثلج يقولون لي ان كلام نظري

وانا ارد اقول ان الكلام النظري مايكون عملي الا لو آمنتي فيه بقناعه خالصه مو مثلا قبل الزواج تكونين مفكره بطريقه وبعد الزواج تغييرين طريقتج فقط لان الزوج مو واعي ……..

انزين الحين الوحده تسأل روحها ليش؟ متزوجه …. مظهر ؟ اجتماعي ؟؟ بس

لو حس الريال انج واثقه بنفسج وافكارج ما يقدر يهزج حتى لو تعمد الجرح والاستهانه

انت يتقدرين توقفينه عند حده ( حقريه ) ولا كأنا موجود ( فتره ) ليما يحس وان ما حس

لا تحاولين تدللينه ولا تعطينه اهتمام ( باستثناء الحقوق والواجبات ) هذي تسوينها من طيب اصلج

لكن لاحظي الكويتي لما يتزوج اجنبيه او عربيه يتحول 180%

ما سألتي روحج ليش؟؟؟

لان المرأه الغربيه عندها كيان وجود لكن تعرف تتعامل مع الرجل ونفسيته

والرجل شي ما يخوف لي عودتي روحج انج تطيعينه بالصح وبس وبالغلط ابدا ما تدوسين على روحج عشانه

اكو وايد حريم في مستوى من السذاجه لدرجه لي زوجها غلط عليها بسرعه وبدون ماتوصل له نقطه معينه يفهمها تروح تسامحه وتلاقيه يكررها يكررها الف مره

لكن لو كانت تستوقف على تصرفاته وتنتقده بشكل راقي يخجله مو بشكل خشن ينفره

راح تكسبه واللي تقول غير هالكلام سمحي لي اهي نفسها ماعندها دافع تعطي ولا تصلح شي

اهي تبي معجزه او *** يحقق الانسجام بينها وبين زوجها وهالشي مو من المنطق ولا العقل !

لكن لما يكون الزوج في افكار غلط او عقد لابد ان الزوجه تكون قادره على ملامسة الافكار الغلط هذي وفتحها معاه الحوار فيها بدون صوت عالي ولا نرفزه

لان الصوت العالي اصلا يقتل الحوار….. ولي كان عدم التفهم من جانبه اهوا …. لازم توضح له ان هذي مشكلته

لابد تشعره ان اهي شي مفروض عليه وواجب عليه ينصت لها

واكره ان الوحده تستعطف يحاجيها جنا قاعد عفوا ( تطر ) منه يقوم عاد اهوا يطنشها ويطلع ويسكر الباب هذا الموقف صار لوحده مقربه لي ولما قالت لي انا مت من القهر

بس سألتها لما رجع شنو سويتي ؟ قالت ولا شي

مو هني الغلط ……… لي رجع لاتناقشينه بالموضوع ولا حتى سؤال حقريه والله ان المرأه لما تحقره تخليه يحترق

بس لفتره معينه مو ( تمصخها ) مو المشكله اكو بنات مايعرفون الاعتدال

يا اما تيأس بالمره وتقول ماينفع ……… او تتذلل له لاقصى درجه تلاقيه يمسح فيها الارض

وتسأل ليش ؟ رغم حبيته وسويت له كل شي

بس الخلل وين يكمن فينا ؟؟؟ كله بعدم الموازنه بالامور حبيبتي

اكو امور عاديه ماتحمل اكبرها واكو امور لا والله مو عاديه ولابد يكون للمرأه وقفه فيها حتى لو كلمه

وعلى فكره مو شرط لو اعترضتي يتجاوب معاج ممكن جدا يرفض لكن يكفي سمع صوتج وعرف لج راي !

مع الايام راح يتقبل لي شافج ثابته على راي واحد راح يحترم قناعاتج لان انتي نفسج احترمتيها

هذا راايي واحترم رايج ياقلبي واتقبله بكل رحابة صدر

بس انتي مثلج عارفه الموضوع متشعب جداااا

مشكوووووووره اختي على الكلام فعلا انا اوافقج 100%

بس حبيبتي الحين بالنسبه لنا الفاس طاح بالراس شترقعينها

شكرا بنات على الردود

رشيقه

المشكله الكبيره لما البنت ماتخلي زوجها يفهمها من اول الايام والزوج طبعه ما ينفتح على انسانه اساسا ما تنفتح عليه لان الرجل يتطبع بطبائع زوجته مع العشره والايام …

لنفترض سويتي له اكله فاجأتيه فيها ماعجبته او حتى قال وع شنو هذا ؟؟ وحسيتي ان اعترض وقالج مره ثانيه لاتسوينها

جدامج خيارين ( يا اما ما تسوينها )

يا اما تقولين له اوكى حبيبي انت ماتحبها بس انا اكلتي المفضله واحبها تكون جذي

وتظلين تقدمينها على السفره كل يوم

راح يتقبلها بيوم وراح ياكلها بيوم ويقول مو بايخه ! وراح هم يقول بيوم لي حبها ان كان غلطان وان الاكله حلوه بس ان كان ظالمها وتسرع في الحكم عليها

الاكله ( شبهتها بطباعج ) اللي لازم تكون صح ( مو تكون غلط مثلا ) وتبين يحبها لا طبعا ( كل شي بالعقل )

انزين هذي شغله

شغله ثانيه صج ان التغيير من البدايه وان صعب بعدين

لكن مو مستحيل

اهم شي تعرفين شنو تبين اول ؟ تفهمين روحج وبالتالي تكلمين زوجج باللي انتي حابته

ومهدي روحج للرفض ( يعني توقعي اي ردة فعل سلبيه ) عشان ما تنصدمين

وخلي رفضه دافع يخليج تغيرينه اكثر … بس بدون اعلان عن النوايا

كل شي ممكن لي صار زوجج اهوا قبل كل اولوياتج وكل الدنيا بعدين وزوجج اول بين كل اولوياتج

هني الرجل ما يلاقي تقصير من الزوجه فشنو بتكون اعذاره ؟

وتكونين مسكتي العصا من النص مثل ما يقولون

واهم شي طولة البال و الابتسامه في وقتها … والجديه مهمه بوقت الجد او الزعل

مع الايام الزوج يعرف اطباع زوجته كلها حتى ردات فعلها

اهم شي يابنات تختارون الاوقات المناسبه للكلام …… ماتكون وقت مو مناسب ديرو بالكم

لازم يكون مسترخي وهادي …. وحتى كلامج لاتقلبينه نكد لا خليه من القلب للقلب