معاي فضايح كنترول التصحيح كلها !!!!

قوة بنات 12 شلونكم

ادري الشهادة

اول شي بدون مقدمات

بالفيزيا

اجاباات وايد غلط لازم تكون نموذجية كل المدرسين اللي من الكنترول لقيتهم بالمدرسة يوزعون الشهايد قالوو انه لازم نموذجية

مثال

في امتحان الفيزيا 97 % من الطلبة كتب باكمل فراغ قاعدة اليد اليمنى

غلط

انصدمت

تعالي

الاجابة الصحيحة قاعدة اليد اليمنة r.h.r1

فهمتو

الانجليزي

الانجليزي يقول الناس ولت بالورقة الثانية لانه يقول فوق 85% من الطلبة مولين بشيين 1- الترجمة 2- التلخيص

الرياضيات

يقول لازم اجابات نموذجية يعني واحد كاتب نص حل ومو مكمل يدور درجة يقول هذا رأفة بس عطيناه 1 من 7

الاحصاء نفس الشي

العربي

يقول الامتحان مراعيين بالتصحيح لاقصى درجة ويقول السبب بتزفيتتنا هو انه الاسئلة اللي ما قدرنا نحلها حاولو يعضونا اياه باسئلة اخرى يعني نص منيه نص منيه فهمتو

الاحياء يقول نبي اجابات نموذجية

المواد كلها اجابات نموذجية

بالمختصر

المدرسين كلهم اجتمعو على اجابة وحدة

( اجابة نموذجية …ملتزمين بنموذج الاجابة )

وقاعد اليد اليمنى ابسط مثال على هالكلام

صح والله مايصيير نكتب الاجابات النموذجيه نحل على فهمنا وكل إيجاباتنا صح ماتوقع فيه خطأ

بس وين الله يوفقنا والمصححين مصاروه … وحتى الادبي مايكتبون الاجابه النموذجيه ويعطونهم درجات كامله

إلا حنا وقفت علينا يعني .. مانقول الا الشكوى لله

وبعدين الرياضيات مثلا نحفظ كل الاجابات الي بالكتاب شلون خطواتها !!

واتحدى كل مدرس يطلع خطأ واحد بحلي بالمقالي بس أكيد منقصيني لما قايلين ببس

لان يبون خطوه خطوه ××××××××××××××× << من قلب طالعه لووووول

شنو يعني اجابة نموذجية يعني المطلوب نحفظ الكتاب و الا نفهمه
احنا علمي و الا ادبي مو كافي زايدين علينا ادب و بلاغه ( مواد ادبية بحته )
و بعدين حتى لو كان ادبي هذا مو ( قران والا حديث شريف ) ( استغفر الله ناس مثل الوزاره ماشفت )

أصلا حراام جذي الي يصعب ع الناس ربي يصعب علية شنو هذا خل يشوفون الدول المتقدمة مو مهم انهم يخلصوون المنهج و مرتاحين الطلبة عندهم و مع هذا مطورين و أحسن منا مو احنا لازم حفظ الكتاب من اليلدة لليلدة و مع هذا مخووخنا كلها مقفلة ما أقوول الا الله يهدينا و يهديهم .

اتمنى تفاعلكم معاي

في وحده فييكم عاجبتها الشهادة وفي وحده حست انها مظلوومه !!!!! انا ايي

أولآ موضوع يتفاعل معاه الجميع ولازم الكل يوقف معانا أنا بعاشر وفيه مواد ممشينها ومواد واقفين لنا عليها
والله حرام عليهم حيل حيل مشددين أنا ماتوقعت الثانويه جذي كلش عبالي سهالات بس وين الله يعافينا ويقدرنا ونخلصها بـآسرع وقت

وااي عااشر صج صج الله يعينكم صج انتو اول سنه ثنويه المفرووض يساعدونكم … الشكوى لله
الله يسهل عليج حبيبتي وبالتوفيق
ومشكورة على المرور

انا درست حيل واحس قدمت عدل ولما شفت شهادتي انصدمت ماتوقعت جذي درجاتي احس اني مظلومه وبروح اراجع المنطقه التعليميه

الله يسلــمج ويوفقا كلنـآ يا رب ..

اي انا حاسه اني انظلمت بتصحيح الانجليزي والفرنسي ,
والعربي بعد تقريبا ,

الله فوقهم وحسبي الله عليهم

,

أممممم أنآ درجآتي زينه بس بـ آلتآريخ وآلفرنسي أنصدمت من آلدرجه
لأنه حآله عدل وتوقعت أجيب أعلى , وهم بـ آلعربي وآلأنجليزي أنزل درجتين عندي !

انصدددددددددددمت من الانجليزي والعربي وبموت من حرتي بعد

انا اشهد على الكلااام اللي تقولونه و شنو اجابه نموذجيه صج انه لازم يميزون العاديه من المتفوقه و ماكله الكتاب بس هم ما نظلم اللي حاله صح و الخطوات و ترتيب الحل كله صح فا لي بغينا ما انقصهم على اتفهه الاسباب و مثل ما قالت احل انا احنا علمي و مو ادبي (معه احترامي حق بنات الادبي ) بس احنا ميولنا فهم و ليس حفظ و لو كان حفظ (اعوذ بالله من الشيطا الرجيم من كلمة لو ) جان ما تعبنا عمرنا ولا عورنا قلبنا و دشينا علمي !! فا يا ريت يعيدون حساباتهم

سراحه انا ماجفت في ظلم بالدرجات كلش ..

درجاتي مثل ماتوقعتها ، وبالعكس انا جفت الاحياء انصدمت اتوقعت اقل بوايد بس طلع عندي بس غلطه وحده !

any way
شدوا حيلكم وربي ايوفقكم =)

لحين بنات بسالكم الي حاسه انه ضالمينها بالدرجه ومسقطينها شتسوي؟؟
وين تراجع عشان تتاكد انا اختي مسقطينها ونبي نتاكد شلون

انا بعد انصدمت من الشهادة وانا توقعت اكثر في الكيمياء والرياضيات ابيه نزلت وايد
يعني شنو يبون منه احنا بشر مو اليات نحفظ كل شئ من متي صار الرياضيات حفظ الرياضيات علي الفهم

انا بالهندسة الحين بس بشارك معاكم لاني قبل سنة كنت بالثانوية

والي بط جبدي عدل ان انا ولا عمري نقصت بالرياضيات كلللللش ما انقص

وخطواتي نموذجية بس نقصووني درجة قولوا ليش؟

لاني الجواب النهائي رفعته للاس نص وتييني الابلة المحترمة وتقول لي لا المفروض تحطين جذر بغيت اذبحها شنو الفرق بين الجذر واس نص!!!!!!!!!!!! صج تخلف

ومرة بعد سؤال ما انساااه وليلحين باط جبدي سؤال صح وغلط حاطين لي غلط وانا متاكدة انه صح ويوم سالت دكتورتي الحين مالت الجامعة قالت لي انتي صح مليوون بالامية وابلتكم اهي الغلط << والله ماقدر اقول غير تخلف والله

حسبي الله ونعم الوكيل هذا اللي اقدر اقوول
كفاااااااايه القهر اللي فيني

والله ما ادري شقول

انا وايد منصدمه من درجاتي اصلا بجيت لما قلت بس

بس شسوي

بغيت اسألكم الحين نص الكورس شلون يعرفون متفوقه ولا لا يحسبون بس الفتره الثانيه ولاا الثانيه مع الاولى اللي تعرف بليز ترد علي

يسلمو صاحبة الموضوع