معاناتي مع بلغم في البلعوم وفتات الأكل)أعزكم الله)

السلام عليكم ورحمة الله وبركاته

خواتي الله يرضى عليكم اللي عندها خبرة تساعدني لأني تعبت بمعنى الكلمة وأنا من النوع اللي أكره روحه الطبيب والمستشفيات وعبالتهم

لي سنة وفي بلعومي بلغم ويجمع فتات الأكل ليما يتكور ويبقى فيه رحت للطبيب تقول لي ما في شي رحت المستشفى قال ممكن يكون عندج التهاب ببلعومج فلازم تسوين منظار والمنظار ما أستحمله أكره شي يدخل حلجي

أخذت مذيبات شكثر عشان تذيب البلغم يوم إلى يومين ويرد أبي مضاد حيوي يرحني وأرتاح

الله يعنيج اختي ويشاافيج

مثل ما قال الدكتور سوي منظااااار … ويشخصون لج المرض على اساااسه

يزاج الله خير … الله يعين بس ماودي أسويه استغفر الله تلوع جبدي

أنطر بعد اللي لهم خبرة

حياتي انا يصير فينى بلغم لما اكل اكل دسم او حلويات لان انا فيني ربو

بس شنو اطلعه وانتو بكرامه ما خليه يعنى اكحكح لما يطلع و اشرب شي دافي الى حار ينزلة

ماخذ مذيبات انا اعتمد على الحرارة و انى اطلعه

بس لازم تفحصين توكلي على الله و شوفي

حبيبتى ربى يشفيك ويشيل عنك ان شالله

معليه حبيبتي ولا تظايقين

انا اعرف وحده سوو لها منظار فالمعده و فالامعاء بعد ، لمرض ثااني ..

اما انتي المنظار بسيط … بس فالمريئ

انا سمعت عن مشروب اوراق اللبلاب للبلغم ، تلقينه فالصيددليه مرسوم على العلبه ورقة شجر خضرا

، ، مادري يناسبج حالتج والا لاء، بس جربي

والي عندها خبره اكثر ……… ان شاء الله بتفيدج

يزاج الله خير أختي … مو دايما كرمج الله يطلع دايما محكور بالبلعوم … ويا كثر ما أشرب شي حار نفس الشيء والحمدلله رب العالمين على كل حال

آمين وعن كل مسلم يزاج الله خير أختي عسى ربي لا يراويج مكروه

الله يجزاج خير أختي .. بالنسبة للمشروب أخذته أختي بس يذيب البلغم اليوم وباجر يرجع

السلام عليكم

للبلغم شربي عسل organic

 مشروب له قدرة على إخراج المخاط والبلغم مغلي 40 أو 50 غ من التمر في لتر ماء

 الحلبة تغلى وتشرب تلين الحلق والصدر والبطن وتطلع البلغم والربو وعسر النفس

المردكوش يساعد الجسم على التخلص من السموم عن طريق الاكثار من افراز العرق 00مطهر للقصبة الهوائية من المواد المخاطية وذلك باستنشاق البخار المتصاعد من غليه او الدخان الناتج من احتراقه

تقدرين بالليل قبل لا تنامين تحطين في قدر اعشاب مثل المردكوش والزعتر والزوفا وتركها تغلى على النار لمدة 10 دق
وثم فتحه وانت تحت بطانية مع الاحتراس من الماء الساخن والاستنشاق تحسين براحة فورية

راح تستغربين راح اقولك اكلي فلفل احمر حار جدا

الفلفل الحار حين يتناوله المرء تدمع عيناه ويسيل انفه فان الرئة وممرات الشعب الهوائية ينتجان إفرازات مائية حيث يكون المخاط رقيقا ويكون السعال سهلا وينقشع البلغم بسهولة

اعطيك وصفة معبوج صحي ومفيد

زيت زيتون معصور على البارد وبضع حبات ثوم وفلفل احمر حار جدا
لا تشترين فلفل مطحون اشتري ناشف وانت اطحنيه بالبيت

عسى ربي يستر عليج دنيا وآخرة ويسهلها وين ما كنتي بإذن الله بجرب كذا طريقة منهم بس تتوقعين أختي شنو أحسن شي إنتي مجربته ؟

نسيت أسئلج أختي شنو العسل organic اللي ذكرتيه ووين أحصله ؟

نسيت أسئلج أختي شنو العسل organic اللي ذكرتيه ووين أحصله ؟

السلام عليكم
عسل organic يعني عسل من غير مواد كيمائية او هندسة وراثية
طبعا ابتعدي عن الانواع الموجودة بالجمعية كلها انواع مغشوشة وفيها كورتيزون

تلاقينهم في لولو هايبر وجيان ومركز سلطان مكتوب عليهم اورغانيك
وراح تحسين بالطعم غير والفايدة
انا افضل ماركة ارض الطبيعة

اشربي العسل على معدة فاضية ملعقة على كاس ماء دافي
وشربيه وقاية طول عمري
فايدة العسل عجيبة مضاد حيوي ويقوي المناعة وزين حق كل شي بالجسم
ويكفي انه انذكر بالقران