معاناتي بعد الفطور:(

قوة بنات

انا عندي معاناة بعد الفطور

احس بقمته بصدري
واحس قلبي يرقع
لبيش

لا تقولولي خففي اكل

اصلا مااكل الا نتتتتتتتتتتتتتفه بالفطور
يمكن 4-6 لقمات تشربيه
واشرب قلاص واحد فيمتو

وبسسسسسسسسسسسسسسسس

واذا في قطايف كليت 1-2

بس احس برقعه بقلبي ودوخه

ليش تتوقعون؟ والقمته بصدري تذبببببببببببببببببببببببببببببح

انا مثلج احس بدوووخه مو طبيعيه احس روحي صج بطيح
و ترى انا من اشرب فيمتو احس بالغمته ترى صج لاحظت هالشغله
شوفي باجر لا تشربينه شوفي يتكرر الشي معاج ؟

يمكن شي مو مقنع بس صج انا احس جذي
جربي

تصدقين باجرب

شورج وهداية الله

مشكورة عالرد ياعمري

امبيه نفس حالتي بالضبط حتى ما اقدر اقوم اصلي احس مو قادره اقوم من مكان .. واذا صعدت الدري لا تشوفيني كل دريه اوقف والرقعه مو طبيعيه ودي اشق هدومي والعرق يصبصب

بس انا اعتقد مو من كثر الاكل يمكن لان طول اليوم صيام ومره وحده ناكل ونثقل بروحنا بدون شي ثقال ههههه

الله يهون عليج وعلينا

انا على طول عقب الوجبه بربيكان

يهضم البربيكان
ههههههههههه

تدرين احس انه مال ريايل ههههههههههه لان كله ابوي يشربه عقده فين يمن وانا صغيره ان هالشي حق رياييل

الظاهر ابوي كان يقص علينا عشان ما نشرب منه
هههههههههههههههههه

نفس الحاله

شيووخ شوفي انا احين ما فيني لوعه و لا دوخه و لا شي هاا
بس احين يبت فيمتو بشربه و انطر ساعه و بيي اقولج اني احس بانتفاخ و بتشوفين

نطريني هاا

خففي التشريبه لانها دسمه

واااااااااااااي نفس الحاله انا بقصه وقمته وغلقه وكل شي مرات احس ان جسمي من الانتفاخ بيطير ولا لي خلق اطلع اصلاً ما أطلع بس والله نفس الكميه مادري ليش هالحاله واذا حامل شاي اخضر ما يصير ومشروبات غازية ما يصير شنسوي

تصدقون باغير اكلي اللي اكله وباشوف

ههههههههه ضحكتيني شيوخه ليش مكتوب عليه للرجال فقط

انا ريلي كله يشرب منه واول يوم رمضان قالي شربي يهضم شربته وماخليت منه ولا بطل كل يوم عقب الفطور واحد يقول هاا اشوفج اختربتي خخخخخخخخخخخخ

عادي حبيبتي لانج صايمه فا لما تتفطرين الضغط والسكر يتغيرون عندج

واااي نفس اللي احس فيه

اول شي احس اني اعرق و بعدين راسي يدور وعقبها عاد الرقعه القويه اللي احس فيها بظهري

انا بعد نفسكم بس تدرون شنو اسوي وارتااح .. عقب مااخلص فطوور واكل على كيف كيفي >> المشكله ترى مو من نوع الاكل << على طول اروح اصلي واناقاعده وبعدين اروح انسدح لمده ربع ساعه ولما ارتاح اقوم اشرب فنجان قهوة واستكانة شاي عشان الدوخه وعوار الراس يختفي ووالله يابنات عقب ماسويت جذي ماقمت احس بالقمته ولا الدوخه ولا رقعة القلب …! اهم شيئ الراااااحه

ما تشوفين شر شيوخ

بس سوي تحليل لان إذا فيج فقر دم لا سمح الله تصير رقعه