معاناة الصداع وحبوب الفوليك اسيد :(

السلام عليكم ورحمة الله وبركاته

قبل جم يوم كان عندي موعد بالمستشفى
الدكتور شافني وقاس وزني قال انتي ضعييييييييفة ولونج اصفر شااحب
وقالي خل اكتبلج فيتامينات ,, عبالي فيتامينات عاادية .. بس لما رحت اصرفهم من اصيدلية طلعوا حبوب الفوليك اسيد !!

دورت عنهم بقوقل طلعوا ينصرفون للحوامل واللي يبون يحملوون بس قلت اكيد مفيدين لي عشان جذي صرفهم واهو خوش دكتور يعني اكيد يعرف وعنده خبرة

المهم قمت اكلهم يوميا وصار فيني صداااع فضيييييييييييييييييع وتعب ودوخة
لدرجة ان حتى عيوني تعورني واحس بنبض براسي .. حتى لما اقعد من النووم صداااع وبكل وقت

بنات شرايكم يعني الدكتور غلط لما صرفلي هالحبوب؟؟ اقطعهم ولا عادي بس اول الايام يصيرلي جذي ؟؟
وداام انهم فيتاميناات وفوليك اسيد ليش يسببولي صدااااااااااع ؟

شكو حبيبتي؟

انا عندي فقر دم بسيط واهو يسبب الشحوب واللون الاصفر بالويه والدوخه والتعب

وصرفولي الصيدليه حبوب فقر دم مع فوليك اسيد

لإن الفوليك اسيد ضروري مع الحديد

المهم شي زين مو للحوامل بس

والصداع مادري انا راجعت عند ابن سينا بسبت الصداع وعطوني ادويه اكملها 6 شهور حبه صبح وبليل والثالثه للضروره
والله مااستخدمتهم الا مره طيحوني بالفراش

الحين الحمدلله مافيني شي تأقلمت بس كلما اييلي صداع اخلي الوضع اييزي اقول مابي جسمي يتعود عالحبوب..
بس حل جذري مادري والله ؟؟

ان شاء الله البنات يساعدونج

مادري بس آنا عندي فقر دم وآخذهم

وآنا أصلا ماني متزوجة

بالعكس آنا أرتاح لهم وتروح عني الدوخة لما آخذهم

يمكن الصداع سببه شي ثاني أو دوا ثاني اهو عاطيج إياه

عيل ليش ما نفعوني وسببولي صداع ودوخة قبل ما كنت اكلهم وما كنت احس بهالشي

انتي سوولكم جذي اول ما كليتوهم ؟

انا هذا اسم دواي انتو شنو اسم حبوبكم?

pregnaplan

انا الحمدلله ما يسببلي شي لمن اكله وحتى لمن اييني صداع ماكان منه
مادري من شنو بس لاحظت لمن اعدل نومتي ومااسهر واكل عدل يقل حييل الصداع مادري انتي شنو سببه عندج

المهم ادويتي
عندي واحد اسمه folicron من المستوصف

ولمن خلص ماكان لي خلق اروح المستوصف فاشتريت نفس نوعيته حديد مع فوليك اسيد من الصيدليه

اسمه ferose-f

استشيري الدكتور مره ثانيه مادري اكو ادويه معينه يتحسسون الناس منها ..

الله يشافيج حبيبتي

مشكووووووووورة حبيبتي

رااح الصدااع امس الحمدالله

والله يشافي كل مريض ان شاءالله

ماعليج شر حبوبه

ربي يشافيج و يشافي كل مريض

انا صرفوهم لي اول حمالي عشان البيبي بس ماقدرت اكملهم صار فيني مثل ماتقولين وقمت ارجع كل مااخذهم

ولا تقولي الدكتوره خلاص وقفيهم مدام قاعدين يسون فيج جذي وسبحان الله من وقفتهم صرت احسن بوايد

اب
اب
اب
اب

بالعكس الفوليك اسيد روعة حتى بشرتج تتغير
جربي وقفيهم وشوفي يروح الصداع ولاا لااااا

انا كنت اخذهم بحمالي وكان فعلن راسي يعورني

انا خذت الحبوب اللي تقولين عندهم وقت الحمال

الحمدالله وايد زينين معاي بس وقفتهم لأن كانوا يسوون شوي امساك ( عزج الله)

بس ما انتبهت للدوخه .. لن الحامل عموما تحس بدوخه

فما أدري منهم و لا لأ

بس ترى الدكتوره قالت لي اخذيهم قبل ما تفكرين تحملين ب ثلاث شهور

لأنهم يمدوون الجسم بكل شي يحتاجه من نواقص من الفيتامينات و الحديد

مشكووووووووووورين حباايبي والدوخة والصداع راحوا الحمدلله
يمكن لاني تعودت عليهم او يمكن سبب ثاني الله اعلم
مشكورين وايد

من ناحيهً ضعفً الحال انصحكً من كلً قلبيً تستخدميً (حبوبً سيبرو فيتا) متواجدهً عندكم بكثرهُ
للاسف ما تعرفون قيمتها عدلً
تدرون احنُا بالسعوديهُ ندفعً عشانها الملايينً عشان نلقى احدً يجيبها من عندكمً بالكويت..!!
لان مالها وكيلً موزعً بالسعوديهً ..
وربي راح تدعين لي كثيرً ومسسسسسسستحيل احد يستخدمها ويقول ما فادتنيً
اما بالنسبه للحبوب خوذي لفقر الدم غير هذي ً وخليً الدكتور يصرف لك غيرهمً يمكن ماناسبوكً
وانتيً خليكً ذكيهً واقريً اعراضً الحبوب ً بالتعليماتً اليً وياهاً يمكن ماناسبتك ..
واللهً معاكً

يا حياتي مشكورة
وحبوب سبروفيتا عندي وجربتهم قبل سنتين

وزادوا وزني وخلوووه حلوووو بس المشكة ان بعد شهرين ما قاموا يأثرون فيني يعني ما يفتحون شهيتي مثل اول ورديت ضعفت

مشكووورة ع النصيحة الحلووة وشكلي برجع عليهم لان بمتن ولوو بشكل مؤقت والله يوفقج يا رب