|
|
السلام عليكم بنات ….. من خلال فرارتي على مواضيعكم بالمنتدى لاحظت انه في بنات عندهم حساسيه من خالاتهم … و اتوقع هل حساسيه تكون اصلا موجوده عندهم … بسبب مشاكل مرت فيها الوالده او احد من اهلهم فالاستعداد لعدم تقبل الخاله اصلا موجود … و التشنج بالمعامله يكون ناتج عن هل شي …
انا ودي كل وحده لي يت تزوج تحط ببالها انها بتصير خاله و انه امها الي تحبها و تموت فيها هم خاله و رفيجتها بتصير خاله و كل الي تحبهم بيصيرون خالات انشالله …. انزين ليش هذيل محبوبين و الخاله لأ ؟؟؟؟
لا تعاملين ام ريلج على انها شريكتج بريلج ؟؟؟ لا عامليها على اساس انها وحده من الاهل المقربين
عشان لي قالت لج كلمه لا تفسرينها على طول على كيفج … خلي استعدادج لتقبل كلام الخاله مفتوح …
يعني اذا قالت لي اي شي مو قصدها هل كلام … و ما قالته بس عشان انت جنتها .. لا عادي قالتع وحده كبيره لوحده صغيره …. انا ما اقول امشي و بالروحه و بالرده بوسي راسها و دهني طوفه من الكلك و جدامها هالله هالله و من وراها يعلم الله … لا خلي تصرفج طبيعي معاها …. كل شي طبيعي بيكون حلو و نتايجه احلى .. و دمتم
بصراحة انا خالتي انزل ابوس ايدها وراسها كل ماشوفها لانها بالفعل امرأة عظيمة ماشالله عيالها اخلاق ولو انه في بعضهم فيهم شطانة >>>تدرين قصدي عن منو بس الشهادة لله انا احبها واعزها بس انا بحالي وهي بحالها وما اندخل باي شي وحتى لو انقطت علي كلمة اطوفها ماحب المشاكل وعلى قولتج باجر بصير خالة >>> معني كله اقول ودي اشوف عيال ولدي بس مابي اشوف مرته تاخذه مني>>>> خخخخخ انا بطلع الي ماصار علي
الله يجزاج خير على هالموضوع
الله يجعله في ميزان حسناتج
لان فعلا في بنات من تملج تحط
في بالها ان خالتها شريجتها
واي كلمه او تصرف منها تاخذه بحساسيه
وتفسره على هواها واهنيه المشكله تكبر
وتبدأ عاد التراكمات والنفسيه ليما تنفجر جدام خالتها
وانا اعرف وحده من الملجه وهي تقول الله يعينني
على خالتي مع ان خالتها هاديه وخلوقه والكل عارفها
وقلت لها هالشي تتوقعون شنو ردت علي؟؟؟
قالت وييييه ماتدرين حبيبتي الخاله لازم قبل لاتخطب لولدها بسنه تتسنع وتصير خووووش
وحده عشان الكل ياخذ بناتها والبيت اللي تخطب منه لعيالها مايرفضونها
انا لما شفتها جذيه خليتها لان الكلام معاها مامنه فايده..
فمشكوره على هالموضوع لان فعلا الدنيا كما تدين تدان
وباجر اللي بتسوينه بخالتج بتطلعه عليج مرت ولدج"جنتج"
ههههههههههههههههههههههههههههه
الحمد لله اني افتكيت من قيفتها وقيفة ولدها
اتا خالتي تعد نفسها بعمري واي شي اسوية تسوي مثلي 
حتى لو خالتج شوكه ببلعومج طوفي طنشي لا تمسكين كل صغيره و كبيره و تقولين سوت و قالت … طوفي طوفي
جنج مو سامعه شي ما بتخسرين ترى بالعكس بتربحين راحة بال … ليش احنا نحب المشاكل و نركض وراها ؟؟؟
حتى لو المشاكل يت لي عندنا نلف ويهنا و نمشي والله الواحد يكبر عقله عن هل امور …وايد احسن له