مطلووووب مساعده من ذوات الخبرة بالهامسترز .

السلاااااام عليكم

شلونكم ؟ و شلون هامستراتكم ؟
لاحظت في بنات بالمنتدى مشالله عندهم خبره بالهامسترز فقلت دام جذي خلي أسال و انشالله بتساعدوني
عندي مشكله ضروري ابي حل لها
قبل اسبوعين يبنا هامسترين الصغار الروسين اللي فيهم خط بظهرهم (وشحلاتهم فدييييييتهم)
ذكر و انثى و الذكر اكبر من الانثى اول اسبوع شحلاتهم مع بعض و لامين بعض و ينامون و يدفون و ياكلون مع بعض
بعدين بدا الذكر يتهاوش معاها و يفقصها و يعض رقبتها و الله ينزل من البايب لي القفص كل ما حطينيها عشان يتهاوش معاها, قامت تتسلق القفص و تنحاش منه او تفتح باب القفص (مادري شلون تعلمت!!!,,,الظاهر موريها نجوم الظهر) و تطلع منه و ما نصيدها الا بليل لما تطل من دهالز بيتنا ماندري وين تنخش و تصدقون هاذا الموال صارله 5 ايام,و المشكله ما عندنا قفص ثاني فحطيتها قبل يومين بصندوق كرتون قلت ابعدهم عن بعض بس ماكووو فايده ظل الذكر يطقها ,و الانثىقرمت بالكرتون و انحاشت منه اليوم الصبح
وصادوها الخدم و حطوها بالقفص مره ثانيه مع المتوحش
وقبل شوي رحت اشوف اجيك عليهم و لا وعليه عليها حابسها بالزاويه و مفقصها و يطقها هم و لما طلعتها عن القفص لاحظت ان ريولها الخلفيه ما تقدر تمشي عليها عدل مادري كسر مادري رضه بس ماعتقد كسر لأن مو وارمه و تمشي عليها بس مو بقوه ,, حتى قامت ما تمشي بسرعه مثل امس واذا حاولت تقلب على ظهرها لا شعوريا !!!!!!
فبعد اللي شفته هذا كله طلعت قفص قديم لعصافير و بيتغسل الصبح انشالله وبحطها فيها اريح
بس
بنااات عفيه أريييييييييد حلااا
ابيهم يردون يعيشون مع بعض نفس اول اسبوووع؟!!
و ابي اعرف صج ريولها فيها شي ولاعادي الهامستر الصغيرون يقلب من الزحلقه على السيراميك يمكن !!!
مادري
شلوووون؟

ياقلبي مكسرها صج متوحش

والله ماعندي خبره ان شاء الله مافيها الا العافيه

والبنات يفيدونج ان شاء الله

في عده اسباب ..
اول شي يمكن الذكر يحاول يزاوجها والنثيه صغيره ترفض عشان جذي .. ويمكن الذكر اكبر منها ويحاول يسيطر على القفص وانا عندي نثيه نفس مشكلتج كل مادخل عليها احد بالقفص تنقض عليه وجرحت اذن الذكر… واتوقع ان النثيه متعوره

الحل شنو …
اول شي تغسلين القفص وتغيرين النشاره وتحطين النثيه في بروحها لمده اسبوع كامل عشان تنشر ريحتها في وعقب اسبوع دخلى الذكر عليها عشان يعرف ان المكان مومكانه وراقبيهم وانشاءالله ومايتعافرون

مافيها شي

ببساطه اقولج مبروك

والنثيه حامل

الروسي دايما اول ايام تشوفينههم يونسووون مع بعض ومن يبتدون يتناجرون يعني النثيه حامل

النثيه ترفض التزاوج معاه واهو يبي يغصبها .. علشان جذي تنحاش منه و ترفض >> دايما لما تكون الهامستره حامل ترفض التزاوج

و ريولها احتمال فيها رضه واهي تنحاش منه وتتسلق القفص تلاقينها طايحه او واهيه تطلع من القفص طايحه على السيراميك او شي

كلها اسبوع وتتعدل دام انها تمشي عليها يعني مو كسر

وتتقلب بالسراميك تبي تنشر ريحتها لان المكان يديد عليها .. حتى لاحظيها لو تحطينها بقفص يديد راح تحك جسمها فيه وتتقلب

حده عااادي

و بشرينا عليها .. طبعا الحمل ماراح يبين عليها الحين الا بعد فتره يعني على اخر 5 ايام من الحمل راح ينتفخ بطنها جنه حاطين كره داخلها خخخخخ

وبس اتمنى اني افدتج

حبييباتي
daloo3ah و miss colors
مشكووورين و الله يعطيكم العافيه و فعلا فدوتي و جوابكم منطقي
راح أسوي اللي قلتوا عليه هالاسبوع و أشوف شيصير وأن شاء الله يتسنعوووون الشيااطين

دلوعه وفت وكفت ماشاء الله عليها
دايم استفيد من خبرتها ..

يعطيج العافيه .. ونفس معاناتي مع هامستراتي . بس انا العكس الأنثى هي القشرا