مطلوب بنات الحقوق فقط تعالوا ساعدوني

[B][b]قوه بنات ؟اشلونكم شخباركم ؟

انا ان شا الله مفكره احول كلية الحقوق باذن الواحد الاحد واذا بحول اكون مو بالسنه هاذي السنه الي وراها …
شسوي تاخرت سنتين عالفاضي يلا ما عليه مثل ما يقولون الجامعه مالها عمر …اهم شي اني ادش الكليه وقلبي مرتاااح
بس انا بغيت اسال عن كلية الحقوق بنات ساعدوني …انا سمعت وايد بنات يقولون عنها صعبه موووت
لي درجة ما يطلعون ولا يروحون بس قاعدين مجابلين الكتب وسمعت عن هالكتب يقولون ان كل واحد اكبر من الثاني
وانج تدرسين الامتحان قبله باسبوع ….هاذي عن الدراسه …
اما عن الوظيفه يقولون لي ليش اتصيرين محاميه وااايد شباب الكويت جايين من الاردن والي جاي من مصر صار محامي والكويت انترست من المحاميين يعني حتى لو تخرجتي تتاخرين سنه مثلا عن الوظيفه …والكل طبعاا بيشتغل يا بالفتوى والتشريع وطبعا هاذي موت صعبه الا بالواسطه لان اكثر واقوى راتب ومكان راقي ..يا تشتغلين بالبلديه يا تشتغلين بمادري وين ..وهاذي اقوى واكبر رواتب للمحاميين …بس اما اذا بتشغلين باحدى الوزارات بيصير معاشج حال اي موظفه عاديه …
ساعدوني بنات عفيه …اشلون عن دراستها وتوظيفها ؟؟؟وانا بعد الله يهديني اذا بحول يمكن اقعد 6 او 7 سنين بعد التحويل لاني محوله ؟؟؟ساعدووووووووني

الدراسة وايد صعبة

اقص عليج اذا قلت لج سهالات واحنا مرتاحين !

حشا والله بالحقوق ماتذوقين طعم الراحة

دراسة بدراسة

واللي تقولج غير هالحجي يا ماتدرس

يا مركزة على مواد على حساب مواد ثانية

غير هالحجي مايدور عندنا لوول

يعني اذا انتي متعودة على سستم دراسة معين وسهالات مانصحج تحولين

لان حتى دكاترتنا عسرين :

وبالنسبة للوظايف كل مكان يبينا ، واذا عندج واسطة لا تشيلين هم

موفقة حبيبتي

بببببببببببببببببببببببببببببجي بببببببببببببببببببببببببببجي والللللللله على راسي لوير صعببببببببببه موووووت قطيييييييعه اصول قانون اخلص من الكتاب الاول شيل هم الثاني

يبه انا مابي شي ابي انجح بس

اذاااااا انت دريسه وما تطلعين من البيت وايد حياج الله بكلية الظلم والاباده ههههههههههههه الحقوق طق عصي وتيبب وحرايق بالحقوق

مشكورين وما اتقصرون
انزين بسال يعني لو عندي امتحان ادرسه قبله بجم يوم؟
واشلون الدكاتره عسرين ؟يعني ما يعطون درجات ؟

الدراسة قبل الامتحان بجم يوم حدها ماتنفع

اقل شي اسبوع

وحشا مو مبالغة ، اخيتج بسنة ثالثة والحقوق ماقصرت فيني لوول

والدكاترة ثلثترباعهم عسرين ، ودرجات الفاينل لازم تكون شنيعة على مستوى الدفعة كلها بنات وشباب

يعني عادي تعب السنة كله يضيع اخر السنة بسبة جم دكتور :/

واي لاتعورين قلبي لوول

اختي مو سهله حاسه انج ماخذه تككميلي ما ادري ليش ؟

ماكو شي صعب !!

الصعب انتي تيبينه حق نفسج .. شلووون ؟؟؟

لما تدرسين قبل الامتحااان بيومين او 3 والكمييه تكووون دسمهه وكبييره اهني تكمن الصعووبه لان كتب الحقووق من المعيار الثقيل ووايد معلوماات وحفظ وفهم فلازم تدرسيين اول باول صدقيني بنهاايه راح ترتااحين

واذا درستي كل يووم بيوومه وتكوونين فاهمه اول باول ان شاء الله تكوونيين ناجحه مو بس نااجحه الا متفووقه … انا بقولج تجربتي
يعني انا كنت ادرس مادة اصول قانون اول باول حلو ؟؟ والله العظييم حبييت المااده واستمتعت فيها ويبت a

اما مادة دستووري اهملتهاااا وما ادرس اول باول بنهاايه يبت d ….. للمعلووميه هالمادتين مثل المستوى

وبنهاايه صلي صلاة استخااره واذا صج كانت عندج رغبه قويه حق الحقوق دشيها وعسى الله يوفقج ويفتح علييج

ايي خو انتي معاي بالبيت ما تشوفيني اردح بالدراسه لووول