مص الاصبع

السلام عليكم ورحمة اللة وبركانة
مرحبا ياحلى امهات
انا مستغربة من بنتى عمرها 4شهور وتمص اصبعة على طول شنو السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شدعوة ولا وحدة ردت

واي انا نفس ولدي بدا يمص من عمر 6 شهور و مازال ليلحين مع ان عمره سنتين و نص , حاولت بكل شي معاه مافاد ياليت الي مجربه طريقه تقول لنا

ترا مص الأصبع غريزة في كل بيبي لأن هذا الوضع اللي كان عليه في بطن أمه وإذا تبينها ما تمص منعيها ولبسيها دسوس أو عطيها المصاصة كبديل وكل ما كبر الياهل صار أصعب انج تمنعينه

نا بعد بنتى مو بس صبعها ايدينها ادخاهم وتمصمص وساعاعت ادخل اينها بقوه واترجع وعمرها 4اشهر؟؟؟؟؟؟؟؟
امى وخالتى ايقولولى عادى احسن من المصاصه

وي عيل انا بنتي من يوم كانت ابطني

والحين عمرها 3 سنوات وماخليت شي ماستخدمته
ماتمص صبعها الا حزة النوم بس

مرة شفت وحده بالمنتدى تبيعه جهاز بلاستكي ينحط بايد الطفل يمنعه من مص صبعه
وانا صارلي شهر ادوره ومالقيته للأسف

نفس المشكل اللي عندي للاسف ولدي توه طاح بهالعاده الشينه واهوه الحين عمره سنه وشهر بس توه قبل شهر لاحظ عليه هالشي
امي تقولي حطي مره على صبعه علشان يعوفه او اافركي الليمونه باصبعه واذا مصه بيعوفه خواتي يقولون لبسيه الجس علشان ما يقدر يمصه وحيل قاعده احوس وياه حتى ابوه متضايق منه لانه ماكن يسوي هالحركه كلش وللعلم انا اقط عن عيالي كلهم المصاصه من عمر 6 شهور ينسونها بس هذا لعوزني قط المصاصه من 6 شهور وتوه يطيح في هالعاده
وما حبيت ارجع له المصاصه لانه تخرب الاسنان وتخليهم معوجات
وحتى مص الاصببع يلعب بتقويمة الاسنان
يا ريت اللي تلاقي الحل تفيدنا
بجرب الشغلات اللي قلتها وان فادتني بقولكم

واي نفس بنتي طول اليوم حاطه صبعها وايدها بحلجها وعمرهاا 5 شهور مع اني ما اعطيها المصاصه كلش ما ادري من وين متعلمه هالحركه

حتى انا بنتي عمرها 4 شهورتحط ايدها كلها في حلجها وتمص واحاول امنعها ما قدرت

في ناس قالوا لي عادي بتسنن وتحك لثتها بس اخاف تصير عاده عندها لان اعرف بنت عمرها والله 20 سنه وماتنام الا لما تمص اصبعها