|
|
صباح الخير لاحلى كويتيات 000
حبيت تشاركونى بهالمساله
انا انشاء الله من اليوم بلشت ريجيم الدكتوره ميرى الى بمركز فوزيه للتغذيه
وان واعوذ بالله من كلمة انا ( معلمه وتعرفون شنو يعنى معلمه معناتها ان الريوق الصبح كل يوم على وحده واحنا باقى لنا اقل من شهر وانعطل وماابى آكل معاهم انشاء الله راح تكون ارادتى قويه بس الى احاتيه الفشله مستحيه من الى معاى من الدوام
شلون اقولهم ما ابى اشيل يومى بالريوق لانى بلش ريجيم
هل امشى معاهم وما آكل بس اذا جاء يومى اطلبهم وماآكل ام اقولهم وما اطلب بيومى
شرايكم ؟؟؟
وان شاء الله الله يوفقج وتوصلين لللوزن اللي تبينه
واتوقع انهم يمنعونج لاتطلبيلهم اذا افهموا هالشي
ولي جا يومج قوليلهم شطلبلكم اليوم اكيد بيرفضون اذا كانوا فاهمات
واذا مستحية ومضايقتج هالسالفة شاركيهم بأكل خفيف أوعصير
وترى الدكتورة ميري ممتازة رفيجتي اضعفت بسنه30 كيلو على نظامها استمري
والله يوفقج
بس عرفت اشلون اشوف مصلحتي
انا اقولج
تريقي بالبيت وروحي
ولما يحطون الريوق انسحبي بهدوء بدون لا تحسسينهم
يعني روحي تكرمين الحمام والا لفي بالمدرسة على جم قسم وسلمي عليهم
واذا احرجوج
عندي طريقة
اخذي الصمونة وبطليها واكلي السلطة اللي فيها ببطيء وهديها
والساعة 11 حطي لج تفاحة بجنطتج واكليها
والله بتلقين بعد فترة كل من يقولج زهقنا من اكل المطاعم نبي ريوقج
سويلج سلطه بالبيت وفوحي بيض وحطي جبن لو فات وتوست اسمر وشاي وبس
وقوليلهم انا مسويه ريجيم وجربوا على الاقل يوم بالاسبوع اكلوا شي صحي
حمص وفلافل وفول وزيدي بهالكيلوات بالهبل
هالسنه كمليها فشله واكلي صمونه وحده
ومن السنه اليايه خلاص تركي ريوق المدرسات
بس لا تاكلين حطي بالغرفة شغلات تفيدج بالرجيم
واذا صار يومج طلبي لهم ولا تاكلين معاهم