مشكلتي وتكيس المبايض

مرحبا خواتي بدخل بالموضوع على طول انا من ثلاث اشهر بدت وياي الدوره تتخربط وقلت يمكن تدور حمال مثل ما يقولون الحريم المهم هذا الشهر نزلت يوم واحد بس وشكلها مو طبيعي رحت امس عند دكتورتي سوت لي سونار وله طلع عندي تكيس بالمبايض والله يوم قالت تكيس وقف قلبي شنو يعني اول مره

وانا افكر اقول لها يعني راح تسوون لي عمليه قالت لا ما يحتاج قالت روحي سوي تحاليل هرمونات وتعالي بكره

والله بنات احس اني مضايقه من امس وزوجي يهون علي يقولون الحمدالله انج عرفتي شنو فيج
انا الحمدالله عندي ولد صغير بس يوم تقول تكيس ومشكله احس بالخوف

بنات عفيه منو صار فيها نفسي وشنو سووت وحملت بعدين وله لا ؟؟؟

عفيه رودي علي

هلا حبيبتي ..

سلامتج من كل شر ..

التكيس غير عن الكيس حبوبة ..

عليج بكثرة الماي .. والمشي ..

وفيه وايد بنات حملوا ومعاهم تكيس .. ما يمنع يحمل لكن يأخره نوعاَ ما ..

سوّي التحليل اللي ثاني يوم الدورة .. و بـ يبيّن معاج جان التكيس وايد ولا شوي ..

وممكن الدكتورة تعطيج حبوب مانع حمل .. كـ حل عشان تمنع التكيس من أنه يزيد ..

والله يسهل عليج يااارب ويرزقج بالطفل الصالح يارب العالمين ..

مشكوره اختي ام سعود انا عندي تكيس بالمبايض مع كيس ماي صغير

ان شاء الله اليوم الدكتوره تطمني اكثر بعد ما اسوي التحاليل والله كريم

ما قصرتي اختي الغاليه

عادي انا وحده اقول عن نفسي ام التكيسات هههههه الحمدلله على كل حل يروح ويرد وحملت في بناتي بس بعلاج والحين احاول احمل شي طبيعي لاتخرعين عسى الله يرزقج ان شالله

مشكوره اختي ريجتيني

امس رحت سويت تحاليل الهرمونات والحمدالله طلعت زينه

باقي الاسبوع الياي بسوي سونار داخلي والله يستر

امانه ادعولي

الله يشافينا ويااااج

ليش مخترعه مافي شي يخرع
ون شاء الله تروح التكيسات
ربي يشافيج ويشافي كل مريضه

الله يشفيك يااختي ويرزقك بالضنى

مشكورات خواتي وجزاكم الله خير

إنشالله مافي إالا الخير
هالسالفة وايد منتشرة هالايام
غالبا ما تأثر على الحمل لا تحاتين