|
|
شخباركم يا أحلى كويتيات
بنات انا بدش بالموضوع على طول
يمكن راح تشوفون اني مو مرتبه الحجي بس أبي أفضفض وأبي حل حق مشكلتي
بنات انا كانت لي مشاكل وااااااااااااااااااااااااااااااايد مع ريلي لدرجه ماقدرت أتحمل أكثر من طاقتي
وراح اهو وكل محاميه وطلق
طبعا ماتفاجأة لان اهو مطلق من قبل وحده وانا الثانيه أكيد ماراح أتحمل مثلا أو بالاحرى تحملت أكثر منها وزهقت
وبعد الطلاق
اهني الكااااااااااااااااااااااااااااااااااارثه
بعد مارديت بيت أهلي طبعا مو بروحي
رحت وحده ورديت اثنين
معاي بنتي وماكانت تفهم شي لانها للحين صغيره
بس الياهل كل مايكبر يبدي يلقط شغلات من اللي حواليه
طبعا خواتي ماقصروا معاااااااااااااااااااي ماشين غلط بغلط
رايحه راده أقولهم لاتعلمونها شغلات غلط انا مابي البنت تتعود
وبعدها ان راحت بيت أهل أبوها راح يقولون شوفوا شنو من تربيه ربتها أمها
ماراح يحطون الغلط على خواتي أو بيتنا لا بيقولون أمها وأمها وأمها
يعني على سبيل المثال
معلمينها بنوته بنوته سوي (تف) سوي (تف)
واهي مو مقصره صايره تمشي وترش على الكل ماي ورد
ولما أعصب على خواتي يزيدون معاها انزين ليش والله حرام
صرت أتمنى أرد عند طليقي وأعيش بالذل والاهانه معاه ولا ان بنتي تتعلم هالشغلات والله كنت مع ريلي
حتى كلمة حماره وكلبه يعصب عليهم مو تقولون خوش ريال وانتي خسرتيه لا اهو في هالشي بس اوكي
بس شغلات ثانيه لااااااااااااااااااااااااااا دااااااااااااااااااااااااااهيه
المهم انا مالي شغل فيه الحين
انا مشكلتي في البنوته
لما تبجي يبوني أركض لها على طول وأنا أدري في بنوتي عياره وتسوي نفسها تبجي اهي عمرها الحين سنه و6 شهور تقريبا
والله صار فيني أعصاب من تزوجت والسبب خواتي
وأبوي مو مقصر يقول اي هاده بنتها وتروح الدوام وبس ترد راحت اغصبت البنت على النوم علشان اهي تنام
انزين مو بيدي البنت تقعد عالساعه 10 او 9 وماتنام تظل تلعب أكيد لما تشوفني تحضني وخلاص البنت تبي تنام ما أقدر يعني اذا مانامت العصر بتنام عالساعه 6 أو 7 المغرب لمدة ساعتين وتقوم ماتقدر تكمل
وبعدها منو بياكلها اناااااااااااااا
أضطر أسهر معاها وأروح الدوام الصبح خلاص عيني فيها النوم
وحاولت أييب خدامه بس خايفه يعني خدامة بيت أهلي زينه وحبوبه وشايفين الخدم الحين
وبغيت ادخلها حضانه بس مشكلتي ماعندي ميزانيه حق الحضانه وأبوها مايصرف علينا
قومت محامي وللحين ناطره نفقت البنت مامشت
محتاره في خواتي وأهلي مع بنتي صرت أتمنى أروح دكتور نفسي أتعالج من اللي انا فيه
صايره عصبيه وما أتحمل شي بالمره بس هم أرد وأقول الغلط مو مني من خواتي اللي يعلمون بنتي
شغلات غلط بغلط المشكله مو واقفه عند خواتي وبس المشكله حتى أبوي مستانس عليها
ولما أعصب آخذها بقوه تظل تبجي لما أوديها الغرفه ونقعد البنت تبي تلعب
لما تطيح طيحه خفيفه مابي أعلمها ان هذا شي جايد أخليها تقوم بروحها
خواتي يقعدون يصرخون وأبوي بعد انتي مهمله انتي وانتي وانتي
انزين شنو تبوني أسوي بروحه اللي فيني كافيني محاكم ولويه وشغلات الله وحده عالم فيها
تعبت أبي حل والله مادري شسوي مع الكل
مابي بنتي بعد جم يوم يقولون عنها مو متربيه تتلفظ ألفاظ خايسه واتفل على الكل
والله بنات كل يوم أحط راسي على المخده 60 مليون تفكير براسي بنتي والمحامي والمحاكم والقضايا واستئنافات من المحكمه وأهلي وخواتي
تفكير صار مشتت موعارفه شسوي وأبوها قاعد بره الكويت يدرس هذه آخر سنه له
وأهله رافعين علي قضية رؤيه يبون يشوفونها وانا مو مانعتهم تعالو شوفوها عندي عشتوا ماينزلون نفسهم يبونها في بيتهم علشان لايشوفوني لانهم غلطانين في حقنا
فوق شينهم قوات عينهم والله
والرؤيه حكموها في بيتهم وليومكم هذا ماخذوها مادري شناطرين بالعكس هالشي حلو بالنسبه لي لان أبوها مو موجود لو موجود تهون السالفه ماراح يرضى عليها يصير فيها شي
أهلي مو مستثقلين بنتي بالعكس يحبونها يعني ما أشوفهم كارهينها بسبب أبوها بس مادري شلون أتعامل معاهم أبي أصير هاديه مو عارفه شلون مابي أعصب هم مادري شلون
أبي أطنش مو قادره أبي وأبي ومحد حاس فيني
الله يلعن الساعه اللي فكرت فيها بالزواج توبه توبه توبه أرتبط مره ثانيه ولا أفكر أقول أبي ريل
ماوراهم الا المتاعب وعوار الراس كان يوم أسود لما قلت موافقه على الزواج
كرهت الرياييل وكل الناس والسبب نفسيتي التعبانه من هالدنيا.gif "Eh S(2)")
ماعليه حبيبتي .. الزواج اكيد مسؤوليه صعبه وكل بيت في مشاكل ومنتي اول وحده تدش محاكم وتتطلق ولا اخر وحده انتي تحت ضغظ نفسي لا ااكثر ولا اقل ومحد مرتاح يابنت الحلال كلمن همه على قده .. ودير ي بالج ترى اليهال على التعود باجر يكبر هالشي فيها مو حلوه بنوته ورده اتفل وكلمي خواتج مره ثانيه بهدوء وقولي لهم اشتروا راحتي انامره تعبانه وقدروني علمو بنتي الشي الصح وكل شي بالتفاهم ينحل .. والله يسهل امورج ويفرجها عليج ياحياتي … شنو اهم يهال؟؟
علشان ترتاحيين عدلي عيشتج عند اهلج ولحد يدخل بتربيتج حق بنتج
ثاني شي والله حاولت معاهم وكل وحده مسكتها على جنب
ماكووووووووووووووووووفاااااااااااااااايده تعبت وانا أدري هذي فتره وبتعدي
بس حرام هالفتره راح اتم في راس البنت لما تسمع كل وحده تقولها شي راح تلقط كل صغيره وكبيره
بس والله بحاول مع أبوي هالمره وبخليه يأدبهم
لا تعورين قلبج حبيبتي هونيها و تهون
والله يخليها لج وتشوفينها شي كبير
وترى مو كل الرياييل نفس الشي انشالله الله يعوضج بواحد ثاني احسن منه
استغفر الله كرهت هالدنيا والسبب ابو بنتي
عالعموم تسلمون على دعواتكم الحلوه
وبنطر بعد شوي بكلم امي وابوي بهالسالفه
واذا على خواتج كلميهم قولى لهم ان هالشى غلط وراح ينعكس على البنت راح يقولون من امها الى ماربتها فانتو ياخواتى ماترضون هالشى لى ان الناس تتحجى على
وخلي خواتج براحتهم لا باجر يكرهونها
وابوي ابيسكت اذا خواتج اسكتوا فانتي لا اتداحرينهم
الحين اشدعوه عمامها خذوها والا مروها والا حسوا فيها
سالفه القضيه عناد فيج احسن خل تتفل بويهم وابوها معاهم
والحين هي بعمر لعبه لأهلج تلعب وتستانس معاهم هذا العمر عندنا كل الكلام الي
من هالطفل نضحك عليه ونمشيه ونعلمه ان غلط بس يضل صغير !!
ولاتخسرين زوجج واهلج خواتج من كثر ماتكلمينهم بهالموضوع يمكن يعاندونج
فاتركيهم وهم بيملون وصدقيني مالج إلا اللي الله كاتبه لج
واذا عالعرس اعرف وحده نفس مطلقه قريبه مني حيل
عقب مامر عشر سنين من طلاقها تفكر بالزواج واإستقرار وهذي سنة الحياااااة