|
|
السلام عليكم بنات
انا عضوه متابعه للمنتدى بس ما كنت اكتب … وسجلت علشان اكتب مشكلتي
ياليت القى عندكم شي يفيدني او تفسير يريحني
بنات أنا من تزوجت لي سنه وزوجي كان اهم شي عنده في الزواج الجنس… ولا يقدر يصبر عليه
وحياتنا كانت حلوه وهاديه ومستقره
حملت بعد 5 شهور وماتغير شي … حتى بنساتي ماكان يراعي صحتي ونساتي وكنت عادي متحمله
وبعدها عرفت اني حامل بتوأم ربي يتمم علي ويقر عيني بشوفت اعيالي … وقالت له الدكتوره ما تقرب لها إلا بعد الشهر الثالث
طبعا ما أخذ بالكلام لاني اعرفه ززين اي شي ولا احد يحرمه من هالشي وفضل ربي استمر الحمل ربي لك الحمد وانا الحين بالشهر السابع
المشكله بدت من الشهر الخامس لما سمنت وكبر بطني وايد وانتفخت… زوجي تغير واااااااااااااااااااااااااااايد ماعاد يشتاقلي ولا يقرب لي !
ويعلق على متني … كان يوميا يطلب هالشي الحين بالعشر ايام والاسبوعين ما يقرب وان قرب يكون انا الباديه
زوجي مو راعي خرابيط ولا نت ولا طلعات وتلفونه كله عندي ولا يطلع من البيت يعني ادري ما وراه شي
فهل شكلي له دور انه ينفر مني لي هالددرجه ؟ يعني كل الريايييل جذي مع زوجاتهم في الحمل ؟
وبيرجع لطبيعته بعد النفاس ؟
صرت اكره شكلي ونفسي وودي اولد اليوم قبل باجر ! صح انا سمنت وبطني الحين وايد كبير ولا قمصان نوم ولا اي لبس قدي او حلو علي بس هذا مو بيدي … ريحوني 
وياليتكم تساعدوني
انشالله تولدين وترجع الامور مثل ماكانت
واكيد معرس يكون الجنس كل تفكيره بس لانه شكلج تغير الحين راح يخف شويه
لاتحاتين حبوبه الله يسهل عليج
ماعليه حبيبتي ان شاءالله بيتغير ..بس تغير عليه جسمج .. بس مصيره بيتغير انتي ادري بزوجج اسأليه ..ليش ماتقربلي واكيد بيقول السبب عادي ..
الله يقومج بالسلامة ان شالله ،،
واكيد اهو مايبي يتعبج وشايف انج ثقلتي ،،
يعني مومعقولة انه موعاارف ان سمنتج من الحمااال الرياييل
اللحن كل شي يعرفونه ،،تطمني ولاتحااتين ،،وان شالله تولدين بالسلامه
وترجعين مثل اول واحلى
عادي ترى في رياييل جذي ،،
انا وانا حامل ريلي يخاف يقرب على قولته واحد من ربعه قايلة لاتقرب ترى تبط عين البيبي هههههه
بس لاتهملين نفسج وداايماا تكشخي وخليج مرتبة وفي مثل دراريع بيت قصاار حتى خامتهم خفيفة حلوين بس اهم شي وساع علشان مايبين تفاصيل جسمج 
الله يسخركم حق بعض ويهديه 
يعني اكيد في وضعيات وحركات بفسه ويسويها قبل بس الحين مايقدر
عرفتيان شاء الله كل شي يتغير بعد الولاده موفقه
حبيبتي لا تآخذين بخآطرج ترا الوضع عآدي .. =)
و صدقيني لمآ تولدين بالسلامه ان شاء الله رآح يشتاق لج مثل قبل و آكثر بعآد 
لا تحرين عمرج و خيره عشان البيبي ..
و كل الرياييل يضغطون حريمهم اذا كبر بطنهم بالحمآل كلا غشمره لا تزعلين
وااا فديتج و اللللهي
.
اي الله يعينج بس اهو المفروض يقدر هالشي انا ريلي بالشهر الخامس سويت عمليه ربط فاضطر ان ما يجيسني عشان البيبي
وميخالف احنا نطالع عمرها بالمنظره وتلوع جبدنا فما بالج اهو
الله كريم كلها جم شهر وتولدين بالسلامه
بس زوجي انا اعرفه مو مراعات لي اني ثقلت لو براعيني جان راعاني في فترة النسات وخطر الاجهاض
وكلمته اكثر من مره يسكت او يهز راسه بالنفي انه مافي شي هذا حده
زوجي كتووووووووووووووووووووووووووووووووووووووووووووم اذا الجدار تكلم اهو يتكلم ويعبر !
بس ادري انه يحبني …. حتى بسكوته وصرت افهمه
لكن هالشي مخليني اوسوس …. اول لو شنو البس لو امبهدله يشتاقلي الحين كلش صايرين اخوان
وتعليقاته انه يبيلي رجيم قاسي وان شكلي صاير عجيب ..!! وفهمته اني حامل بثنين اكيد بصير شكلي جذي!
مع العلم اني الى الحين ما زدت ولا كيلو على حمالي صرت ما آكل !! وشكلي اتفاخ وبطن كبير على الفاضي
والله امأرقني هالشي …. انا وايد اهمني إن زوجي يكون دايم مشتاق لي وبعيونه حلوه لان هذا الشي الوحيد الي يعبر فيه بس!
عادي اختي هالشي يصير وان شاء الله بعد ما الله يهون عليج وتولدين >>> اهتمي بنفسج واضعفي وبتشوفين اشلون اشتاق لج ان شاء الله
وان شاء الله بس تووولدين يرجع كل شي مثل اوووووووووووول
وباجي الامور سهالات
وعسى ربي يتمم عليكم ويفرحج بضناج