مشكلتي مع الالتهابات ممكن تساعدوني

السلام عليكم ورحمه الله وبركاته
عيدكم مبارك وتقبل الله اعمالكم
انا عندي مشكلت الالتهابات من وانا بنت بس ما عالجت لان عبالي هالشي طبيعي وتزوجت وبعدها عرفت ان لها علاج وكريم وعطتني الدكتوره6 تحميلا مع كريم وفعلا راحت فتره وبعدها ردت وظليت على هالحال تروح وترد ليما حملت وظلت معاي دكتورتي عطتني كبسوله وما فاد وصار فيني التهاب بالبول عزكم الله وعطوني مضاد لمده5 ايام بس هديت المضاد ردتلي الالتهابات وعطتني الدكتوره كبسوله للحامل خف فتره وصارج جان ترد وهذي حالتي تعبت والله

مع العلم انا من تزوجت صار فيني سكر واخذ ابر وصار لي سنتين من تزوجت وانا اشرب ماي وايد

بنات عفيه ابي اشياء طبيعيه توخر الالتهابات تكفون ساعدوني

عصير العنب زين حق الالتهابات

علاج الالتهابات ماينفع اذا بس انتي

زوجج مفروض يحلل ويراجع عشان لاسمح الله فيه لازم يعالج

عشان يروح منكم اثنينكم

الله يشافيج

مشكوره حبيبتي اجمعين ان شاء الله بس انا زوجي يحط كريم حق المنطقه وهم ماكو فايده
الله كريم

حبوبه كل يوم شربي عصير التوت البري انا اخذ كي دي دي ودايما اشرب منه مجرد ما احس بحرقه ومفعوله عجيب للاتهابات

واشتري مره من العطار نقعي شوي بابريج وكل ما خلصتي من الحمام غسلي نفسج فيه وبس ينقص زيدي ماي عجييييب مفعوله للاتهابات لو ما فيج شي مرتين غسلي فيه احسن من مليون غسول ونفس مفعول المضاد الحيوي

ومرتين بالاسبوع حطي روب عالمنطقه كلها وخلي لين ينشف ربع ساعه جذي لان الروب يقتل البكتيرا الضاره ويخلي النافعه وحيل مفيد

جربي هالامور وادعيلي

لان انا نفسج كنت وزهقت من الاطبه واذا مشيتي علي هالموال بتدعيلي واتخف التهاباتج حيل وتروح وما منهم اي مضار لان كل شي طبيعي بس اهم شي العصير ييبي كرتون وشربي منه مره الصبح ومره ليل

علاج الاتهابات مجرب

نقعي مره بطل ماي وبقطنه مسحي منطقه وملابسج داخليه جديده قطن وقطي اللي عندج

ماي مع ملح ويومين وتشوفين العافيه

واشربي مره بدوره
والله يشافيج يارب
جربي وبتدعيلي

معروف اذا فيج سكر يسبب التهابات متكرره وانا مافيني سكر بس تذبحني الالتهابات بوقت الحمل الله يشافينه

up up up

مشكورين حبيباتي والله ان شاء الله بجرب كل شي وبدعيلكم اكيد

عقمي ملابسج الداخلية و خليها قطن 100٪

و شوفي تغذيتج ممكن السبب اكل مسببلج حساسية مثل الحليب
والله يشافيج
و خل زوجج يفحص

ماي البحر ممتاز للالتهابات
او تشطفي بماي وملح
انا نفس حالتج ونفعني
وتحاميل كانستين ام ست حبات
ولبسي فوط كيرفيري اليومية وغيريها باستمرار
مع مناديل كيوفيري بالبابونج

انا من حملت رادت علي الالتهابات لان هرمون الحمل يرفعها بس اتشطف بماي وملح اكثر من مرة باليوم

ما انصحج بفوط كير فري

انا اللبسها يوم رحت للدكتوره وتعطيني تحاميل قالت ديري بالج تلبسين فوط خلي سليبج قطن وبدليه كل شوي

ومن قطيتها وانا مرتاحه

تنقعي بمآي وملح ترئ مفيد و المره بعد تهبل للالتهابات

و غسول انتميت بالبابونج طـبيّ بالصيدليه بعد يهبل وريحته حلوه

شوفي حبيبتي اخذيها مني خبرة أول شي سوي تحليل بول وشوفي يمكن معاج التهاب بول أعزج الله وبعدين اذا طلع معاج التهاب

سوي زراعة بول علشان تأخذين علاج مناسب من دكتورة النسا وبعدين مع العلاج اذا سبب الافرازات التهاب البول راح تختفي

وتنقطع منج أما اذا لم يكن معاج التهاب فلازم تكتب لج الدكتورة تحاميل مناسبة للافرازات سواء كان سببها بكتيري أو فطريات

وبعد العلاج لازم تعتنين بنفسج وتغيرين الملابس الداخلية مرتين باليوم ولازم اتغسلينها بصابون طبيعي او مال الأطفال أو كلش لما

اتشطفينها اتحطين مع الماء خل حتى تتعقم وتضربينها اوتي ودايما بين كل فترة وفترة تشطفي بماء وملح وأنصحج بالبابونج لأنه

وايد ممتاز ويطهر المنطقة الحساسة عند المرآة واكلي روب وايد حتى يساعد البيكتيريا النافعة ويعادل الجو داخل المهبل أعزكم الله

وعموما هذي معانات أغلب النساء وخلي ريلج يتشطف ويغسل بغسول المناطق الحساسة يمكن اهو أحد الأسباب

والله يشافيج ويقومج بالسلامة

مشكورين بنات عسى ربي يفرج همكم يارب
ان شاءالله ابي اسوي كل الي قلتولي عليه حبيبتي ام دانه انا صار فيني التهاب بالبول عزكم الله وخذيت مضاد حيوي بس هم رد علي وحتى خذيت تحاميل وهم مافاد قلت اجرب الاشياء الطبيعيه وان شاء الله يفيد