|
|
السلالام عليكم ورحمه الله
شخبااركم
بنات اسمعوا سالفتي ؟
انا بنت درست رابعه ثنوي بالكويت وعلى امتحانات الفصل الاول جتني نفسه وضغوط وماقدرت اكمل طلعت مع اني نجحت الفصل الاول < وانا كنت ادخل الامتاحانات مو دارسه كلش
المهم قعدت بالبيت باقي السنه والسنه اللي وراهاا رحت السعوديه ودرست
والحمد عدت على خير وكانت تجيني هالضيقه بس استحملت وحالتي حاله
والحمد لله وفق الله ونجحت وجبت نسبه بالتسعيناات
المهم يوم جيت الكويت بقدم على الجامعه لاني نسبتي حلوه قالوا لنا خلاص الشهاده السعوديه مو معترف فيها
واقلبي وجهك من متى ماعترفتوا فيها قالو من سنتين < على حظي ولله وععع
انا الصراحه انصدمت شنو اقعد لا يمكن انا معاي شهاده وحالتي حاله واجلس جذي نو وي
حاولنا مني مناك هم ماكو فايده
الصرااحه جاني هم وغم
اقترح على احد اخوااني ادخل جامعه مفتوحه
بس وحده نصحتني تقول صعبه وموت وكلها انقلش ومافيها مواد حلوه وماراح يقبلونك وبرزنتيشن وحاله وغثا وبلا
انا مو تحبطت ألا وصلت مرحله كرهت نفسي فيها
الموضوع بنااات ابي أسألكم عن الجامعه المفتوحه هل هي صعبه مثل مايقولون ولا خرطي عادي بسيطه
لان محسوبتكم فاشله بشي مو طبيعي بالانقليزي ولا افهمه ولا اعرفه كلش
انا بديره وهو بديره
تكفون للي يعرفون لايخلوني
وخيتكم : هادلوكه
وتقبلي مروري
انزين جربي التطبيقي عندج كلية تربيه اساسية بكالريوس و عندج التجاري دبلوم اذا انتي حابه و هالشي و اذا خاطرج شوفي روحي العديليه و شوفي الكليات و المعاهد
اتوقع يقبلونج لانه عندنا بنات من السعودية و بنات عمانيات واااايد و الله يوفقج حبيبتي
لا تنقهرين كل شي له حل و مادري شالله كاتب بس انتي لا تتضايقين
أنتي أستخيري وروحي الجامعه سألي فيها عن كل شي تخصصاتها مستقبلها يعني كل شي وشاوري عمرج يمكن ماترتاحين لها
وروحي سالي عن الكليات والمعاهد لأنج ماتدرين الحين العربيه معترف فيها باجر لأ الديره كل يوم براي
هذا مستقبلج لا تسوين شي بس لان البنات قالولج أنتي روحي وسألي الاداريين
ومــوفــقـــه أن شــاء اللــــه
انا عايفه الدنياا انا امنيه حيااتي ادخل التطبيقي < شوفوا التوااضع
لو سكرتاريه بس ادخل ماقعد بالبيت كني عجوز رقيط
انا بستخير وبكلم الواالد مع اني ماودي بالعربيه المفتوحه مو داخله مخي مو حابتها
عكس التربيه الاساسيه والتعليم التطبيقي
ادعوا لي بس وعسى ربي مايخيب تعبكم معي ياعلها تفتح بوجيهكم وين مارحتم يمال العافيه
وموفقه يارب..
اي صعبه حبيبتي …صراحه صعبة حيييل …بس كل شي يبيله مجابل …ودراسه .
انتي الحين بالجامعه مو بالمدرسه …يعني اكيد بتكون الجامعه صعبه …واهي جامعه صجيه 
صراحه يبيلها مجابل …بس انصحج فيها
والله يوفق الجميع .
انا حاسه ماراح امشي فيها لاني مافهم بالانقلش كلش ملش ؟
ولله يستر
ياقلبي والله حاسه فيج
بس تعالي بقولج شي يونسج
انا طالبه بالمفتوحة وهذي ثالث سنه
ومستواي مااقولج ان توب بصراحه ان عادي جدا
انسي اني اتحجى بالانجليزي او احادث الدكتور بالانجليزي
بس الحمدالله الانجليزي التمهيدي نفعني كثير
اخذته باول كورس بالجامعه
وسوالي رفريش لكل معلوماتي ومثل ماتقولين تأسيس حلوووو
وانا بنصحج لوجه الله
ويمكن اكون سبب خير بنصيحتي انا وخواتي اللي ردو
انتي بالاول استخيري ربج
وتأكدي شنو ماصار بعدها ان خيرة رب العالمين
وان خيرتج هالشي
وشنو ماصار بتتذكرين انج مستخيره ربج
الجامعه المفتوحة
لو مفتوح تخصص التربيه جان قلتلج قدمي عليه عالاقل عربي
ومايحتاج منج مواد كثيره انجليزي
بس باجي التخصصات
اجذب عليج لو قلتلج سهله
بس حـــــــــلوه
يعني داشه وحابه تدرسين والله بتمشين وبتعدين
يعني نظامها حلووو وايد
موممل
ولا كل يوم
مره بالاسبوع اصلا انت بتشتاقين للمحاضره
واللي يقول مايعتمد على الحضور اقولج بلا يعتمد عالحضور
عيل شلون بتعرفين الماده اذا ماتحضرين شلون بتفهمين !!
انا بنت عمتي نفسج بتقدم عالجامعه بس الحين ماخذه كورسات انجليزي بمعهد
تقول ابي اسس نفسي اول واسوي رفريش لمعلوماتي
وبعدها تقدم بالصيف
فانت الحين جدامج شهور على التقديم
لحقي نفسج بمعهد انجليزي
مو اقل من ست شهور
وقدمي
والله بتحبين الجامعه وبتحبين الدراسه لانها ممتعه
وعلى فكره
كل شي بالجامعه اعتماد على النفس
ادري طولتها عليج
اتمنالج التوفيق والخيره بامرج
انا بستخير ربي وبشووف وانشاالله ربي يحلهاا ولله تعبت من التفكير
وانا يختج معانات مع هالجامعه داشه 6 سنين الله يعين
اكيييييييييد روحي جامعة ,,
وتقدرين تعيدين الثنوية بالكويت وتكملين بجامعة الكويت باحسن تخصص وشلون تقولين انا بالمرة بالانجليزي مو معقولة عيل شلون يبتي بالتسعينات بالثنوية يعني اكيد مستواج لا باس فيه,,
وللعلم ترا مافي جامعة مايبيلها دراسة,,
واخذي فكرة عن الجامعات الخاصة وبالنسبة للعربية المفتوحة قالو السنة الياية بيفتحون تخصص تربية وتخصص محاسبة
تفضلي هالرابط
https://q8yat.net/showthread.php?t=242352