[ مشكلتي خواافة درجة أولى بس مع ذالك أبي قطوة منو تفيدني ؟ ]

هلا اختي

هذيل هملايا بيكي

في بمزاد وحده عارضه نفسه الويه بس مو هملايا

بيكي مستواهم روووعه بس يعني سعرهم وايد لكن السعر فيهم صراحه

حول 150 دينار

اذا تبين مون فيس صغار عمر شهرين عندي لون مشمشي وتايقر زيتي وواسود ياي على الرمادي

لا شدعوة يالغاليه

الفترة هذي قليل يدشون المنتدى لانه كله يعلق وبطييييييييييئ

شوفي عمري هالنوع هذا قلييييييييل حيييييل بالكويت

اهني كله مون وهاف تلقينهم بكثره عند الناس والاسواق

لكن البيكيي قليل حيل تحصلينه حتى الهملاي البيكي صعب تحصليينه

ان شاء الله تحصلين اللي ابالج واا انا شفت بقولج

او انه تطلبيينهم من بره

بس غلي انتي جم ميزانييتج عموما ؟

حبيبتي اذا انتي تخافين منهم حرام تشترينها وبعدين تقطينها
القطوه يبيلها عنايه ومقابل لازم تسبحينها وتوكلينها وتشربينها وتنظفين لها مكانها وكل شي
فا اذا انتي عندج فوبيا منهم شلون بتسوين هذا كله؟
انتي اول شي نصيحه روحي السوق جربي تمسكينهم وجربي تلعبين معاهم اذا شفتي نفسج اوكي اشتري قطوه :d

هلا حبيبي في واحد ايييب من اوكرانيا والشيك قطاوة على المواصفات اللي انتي تبيينهم

اليوز شامل مصاريف الشحن والجواز وكل شي 300 دينار اعتقد

والطلبيه توصل بعد اسبوعين :/

يناسبج السعر ؟

هلا اختي مس روح المسك مثل ماقالت اختى عود ومسك اذا السلحفات اللي ماتسوي شيء ولاتمشيء ماقدرتي تمسكينها شلون القطوه الي تتحرك وتركض بكل مكان مادري مابي احطمج بس انت اول شيء جربي تمسكينها وتلعبينهاوشوفي راح تتعلقين فيها لانها تغير الجو في البيت والله يوفقج

شوفي دام اكيد في احد يهتم فيها عدل اوكي اشتري حتى لو انتي خوافه..
بنت خالتي تخاف حتى من الصور.. والله تغطي صور الحيوانات بكتبها ولما ختها شرت قطوه شوي شوي واقل من اسبوعين تأقلمت >> بس ما يمديها تأقلمت ماتت قطوتهم

واحنا نفس الشي.. انا سويت قصه سنين وخيرا شريت ووحده من خواتي خواااااااااااافه وقطوتي نحيسه كانت لما تشوف اختي تركض خطوتين بس عشان تخرع اختي.. وما تسمعين الا صراخ اختي وصوت رجولها بالركض.. والله شوي شوي تعودت عليها والحين انا اقول جان زين للحين تخاف منها.. ناشبتني من كثر ماهي لامه القطوه وحاضنتها.. والحين اختي الجبانه هي اللي تساعدني وتسبحها معاي..

يعني اذا في احد يساعدج اشتري صغيره وتشوفين راح تصيرين عادي معاها.. تخافين من باقي الحيوانات وباقي القطاوه بس قطوتكم ما راح تخافين منها

شوفي حبوبة لازم اول تتغلبين على هالفوبيا يعني بالعربي تشترين قطوة ولازم اتجابلينها واتحطين ابالج انج امها يعني بالعربي انتي اللي اتدارينها واتوكلينها واتمشطينها بس لكن سبوح خليها على احد مايخاف من اهلج صدقيني شوي شوي راح تتعودين ترى القطاوة مثل البيبي اقصد عيالنا احبون اللعب وايد وراح ياخذون كل وقتج صدقيني طبعا هذا اذا تعودتي عليه صج

وبخصوص النوع اللي تبينة….انتي تبين قطوة هملايا بيكي فيس كريم بوينت واتكون اصيلة
من رايي اتراسلين موقع arabiantail عندها قطاوه اصيلين 100%وتعطيج القطوة مع شهادة التطعيم والسلالة
وفي بنات ابموقعنا عندهم قطاوة اصيلين ونفس النوع اللي انتي تبينة بالضبط بس مادري اذا متوفر عندهم الحين كيتينز ولا لأ

إنشاء الله إفيدونج البنات

هـــلا بنوتــات

العذر والسموحــة فديتكم ع التأخير بالرد..

كانت عندي ظروف..

وهم فاجئتني الوالده برفضها لأي قطوة تدخل البيت بحجة انه شعرها بيكون بكل مكان..

مع العلم انها كانت موافقة من قبل

راح اضطر اقنعها من جديد

اقتباس:

المشاركة الأصلية كتبت بواسطة ام نشمي هلا حبيبي في واحد ايييب من اوكرانيا والشيك قطاوة على المواصفات اللي انتي تبيينهم اليوز شامل مصاريف الشحن والجواز وكل شي 300 دينار اعتقد والطلبيه توصل بعد اسبوعين :/ يناسبج السعر ؟

أم نشمي فدييتج وربي ماقصرتي ان شاءالله راح ارد لج خبر بأقرب وقت ممكن..

مشكووورة غلاي

اقتباس:

المشاركة الأصلية كتبت بواسطة تولاي 2024 هلا اختي مس روح المسك مثل ماقالت اختى عود ومسك اذا السلحفات اللي ماتسوي شيء ولاتمشيء ماقدرتي تمسكينها شلون القطوه الي تتحرك وتركض بكل مكان مادري مابي احطمج بس انت اول شيء جربي تمسكينها وتلعبينهاوشوفي راح تتعلقين فيها لانها تغير الجو في البيت والله يوفقج

تولاي حيااتي المشكلة وين ممكن ألقى قطوة نظيفة عشان أمسكها وألعبها..

مستحيل أمسك اي قطوة من دون ماعرف انها قطوة بيت ولا قطوة شارع <— حلووه موو

عموما ياعمري ان شاءالله خواتي بيكونون موجودات حتى ان كنت انا اخاف هم بيقومون بالواجب

يسلمووو يالغلا على تواجدج وردج.. ^.*

اقتباس:

المشاركة الأصلية كتبت بواسطة sweet cake شوفي دام اكيد في احد يهتم فيها عدل اوكي اشتري حتى لو انتي خوافه.. بنت خالتي تخاف حتى من الصور.. والله تغطي صور الحيوانات بكتبها ولما ختها شرت قطوه شوي شوي واقل من اسبوعين تأقلمت >> بس ما يمديها تأقلمت ماتت قطوتهم واحنا نفس الشي.. انا سويت قصه سنين وخيرا شريت ووحده من خواتي خواااااااااااافه وقطوتي نحيسه كانت لما تشوف اختي تركض خطوتين بس عشان تخرع اختي.. وما تسمعين الا صراخ اختي وصوت رجولها بالركض.. والله شوي شوي تعودت عليها والحين انا اقول جان زين للحين تخاف منها.. ناشبتني من كثر ماهي لامه القطوه وحاضنتها.. والحين اختي الجبانه هي اللي تساعدني وتسبحها معاي.. يعني اذا في احد يساعدج اشتري صغيره وتشوفين راح تصيرين عادي معاها.. تخافين من باقي الحيوانات وباقي القطاوه بس قطوتكم ما راح تخافين منها

sweet cake

ان شاءالله خواتي بيهتمون فيها

ومسكيينه والله بنت خالتج كسرت خاطري بس عساهاا ما تأثرت بموتتها

أمـا اختج امبييه كأنها أنا اتصروع من اشوف كائن حي يقرب صوبي

فديييتج والله دعوااتج اشتري لي وحده وأتأقلم معاها..

يسلمووو ياقلبي على ردج الحلووو ^.^

اقتباس:

المشاركة الأصلية كتبت بواسطة الكرزي شوفي حبوبة لازم اول تتغلبين على هالفوبيا يعني بالعربي تشترين قطوة ولازم اتجابلينها واتحطين ابالج انج امها يعني بالعربي انتي اللي اتدارينها واتوكلينها واتمشطينها بس لكن سبوح خليها على احد مايخاف من اهلج صدقيني شوي شوي راح تتعودين ترى القطاوة مثل البيبي اقصد عيالنا احبون اللعب وايد وراح ياخذون كل وقتج صدقيني طبعا هذا اذا تعودتي عليه صج وبخصوص النوع اللي تبينة….انتي تبين قطوة هملايا بيكي فيس كريم بوينت واتكون اصيلة من رايي اتراسلين موقع arabiantail عندها قطاوه اصيلين 100%وتعطيج القطوة مع شهادة التطعيم والسلالة وفي بنات ابموقعنا عندهم قطاوة اصيلين ونفس النوع اللي انتي تبينة بالضبط بس مادري اذا متوفر عندهم الحين كيتينز ولا لأ إنشاء الله إفيدونج البنات

الكرزي ياقلبي والله هذا تفكيري من الاول .. اني احاول أخليها مثل الياهل عندي واهتم فيها كثر اهتمامي بأي طفل صغير..

وبالنسبة للموقع والله تشكرييين عليــه يالغلا دخلته وعجبتني كم وحده بس للأسف مأخوذات..

لكن ان شاءالله بتابع الموقع اول بأول وأشوف..

يسلمووو غلاي ماقصرتي والله على ردج الطيب..

أم نشمي – عود ومسك – تولاي 2024 – sweet cake – الكرزي

عســاكم ع القـوة يالغاليــات والله ماقصرتوا كفيتوا ووفيتوا معاي..

عسى ربي يوفقكم ويهنيكم ويسعدكم ويرزقكم من خير الدنيـا والأخره..

ألف شكر لكـم على ردودكم الطيبة..

لاخلا ولا عدم..

وأعتذر مره ثانية ع التأخير..

M!sS roo7 alm!sk
بلييييييييييييييييييييز اذا عرفتي تقنعين امج قوليلي شنو الطريقه >>>>عشتو عمل مو اقناع
و ادعيلي ان امي ترضى …

@@ انتي نفسي بالضبببببط اخاف من القطاوه وبنفس الوقت خاطري في قطوه صغنووونه حلوه العب معاها عندي فراغ
وهم نفس الشي امي لي الحين حالفه ماتدخل قطوه البيت وش السواه

وبقولج في موقع مزاد الكويت واحد ييجيب قطاوه من اوربا طلبيه واي نوع انتي تبينه واظني سعره 150 دينار
روحي اخذي فره في هذاك المنتدى