|
|
انا صارلي مالجة شهر و نص تقريبا
مشكلتي يمكن تقولون تافهه بالنسبة حق باقي المشاكل
بس والله إني حايره و مضايقه حيل
مادري اللي أحس فيه طبيعي ولا لا ؟
بنات مرات أحس اني مابي ريلي ومرات أقول جان زين قبلت بفلان او علان " اللي كانو خاطبيني قبل "
بعدين اتعوذ من ابليس اقول هذا كله من الشيطان يوم شافني بديت أتعود عليه قام إييب لي هالافكار
مشكلتي الثانيه معاه ..
أهو كريم و يده سخيه بس مرات أحسه يحاسب على الفلس و عادي يشتري شي تقليد
وانا مو متعوده جذي .. هلي ما يخلون بخاطري شي
مشكلتي الثالثه و الأهم .. إنه مدين
وانا بعد ملتزمه بس مو متشدده
النقطة الثالثة .. ما يبيني اشوف اخوانه اللي اصغر منه على ابو انه يغار و آمنا بالله
النقطة الرابعة .. مرات يدزلي كتيبات صغيره إنه كل انواع النقاب حرام و انه البنطرون حرام و انه العبايه اللي فيه تطريز حرام
شنو هذا !! و يلمح لي انه حتى لو اخذني العمره او الحج يبيني أغطي ويهي !!
شكوو ..
و الشي الخامس انه طول الوقت مجابلني .. يا نطلع نتمشى بالسياره و لا كلش كلش بالبيت هلي ما صرت اقعد وياهم و اختي قامت تتضايق بعد قلبي تقولي مااشووفج ولا اسولف وياج
ودي أقعد اتناقش وياه عن هالنقاط بس مو عارفه شلون أبدي .. و اخاف يزعل او يحط بخاطره
شورو علي شسوي : (
ومو لازم يجيبلج ماركات ترا الهديه بمضمونها ..
انتي قبلتي فيه واهو مدين توج تحسفتي ؟
اذا ماتبينه يجابلج طول الوقت قوليله خ نقطع عن بعض لين الدخله
وبس 
خن اقولج شي .. اذا انتي تعودتي عليه وودج تعيشين طول العمر معاه صارحيه وقعديله عالوحده
فتره الملجه كل شي يسوونه يجيسون فيه النبض
يشوفونه البنت شتقول ؟ شنو ردها
واذا على الكتيبات مالت البنطلون والنقاب والعباه .. اخذيها مني .. ان مادخل عليج وخلص وعقب يقولج تغطي من فوق لي تحت انا اغار عليج .. وعقبها بتحسفين انج ماتكلمتي وقلتي انا مو موافقه
اوك انت متدين على عيني وراسي بس هذا انا ما راح اتنقب او او او .. الخ
بس كل شي بأسلوب حلو وخليه على بينه
اللي اوله شرط اخره نوووووور
اما اذا انتي موافقه انج تتنقبين او شي اهوا يبيه وانتي ماتبينه فهذا شي راجع لج … انا ما اقولج رادديه مني والطريج
بس كل شي بموافقه الطرفين ماكو شي بالغصب
وانتي عالبببببببببببببببببببببببر .. لا تسكتين عن شي ماتبينه
واذا انتي هم مو موافقه على الماركات قوليله
قوليله حبيبي انا ما احب التقليد ما افضلهم .. يا أصلي او هديه عاديه مامنها تقليد يعني من محلات عاديه
يمكن في ناس يشوفون هالشي عيب .. بس صدقيني مو عيب لازم يعرف شنو تحبين
لو انتي مسويه له هالشي وهو مو عاجبه والله بيتكلم واهم شي نفسه
بقولج موقف صارلي يمكن تنصدمين
ريلي دايما هداياه تكون خواتم الماس
والخواتم اللي اييبهم صج غاليين ويعورني قلبي عليهم بس موديلاتهم كلش مو ذوقي
كنت اخذها واستانس عليها واشكره واقوله حبيبي انا مقدره الهديه وتهبل بس وايد صغير موديله او كبير او شكله ( عاد دوريله عذر مقبول لوول ) ممكن نروح نبدله ؟
سويتها مره ومرتين وثلاث لما صجججج عرف ذوقي … والحين صج لما اييبلي الهديه احسه يستانس لان صج واثق ان تعجبني مو اجامل نفس قبل …
لان عرف شنو احب
وبتقوليلي ان الريال اذا ماعجبه شي فيج ماراح يقولج ؟ او بيجامل ؟ اقص ايدي لووول
ان ما قطها بويهج وقالج واحرجج ما اطلع انا لطوفه ههه
فهذا اللي اقولج عليه
طول هالوقت يبي يجيس نبضج من ناحيه النقاب انتي موافقه ولا لا
علشان يطلبه منج بعدين
او حتى من ناحيه التقليد توافقين ولا لا
المواجهه و لمواجهه والمواجهه افضل حل دامج لي الحين ماتعلقتي فيييه
هذا راايي بصراحه
اي بهالنقطه حاسه فيج والله حاسه ههههههههه
وسالفة التقليد والماركه حياتي ترا اغلب شباب الكويت الحين صاروا جذي
فيهم شوية بخل وماسكين ايدهم مايصرفون … عادي بيت اهلنا غيييير الدلع والدلال واهناك تعلمين اشياء غير
ليش يقولون الزواج مسؤليه … يعني جذي .. تمسكين ايدج تغيرين من حياتج
تعةدين نفسج وتأقلمين بحياه ثانيه
وبالنسبه للنقاب والعبايه وهالسوالف هذا شي مفروض تفاهمون عليه قبل الملجه مو يقعد يقط نغزات على هالموضوع
انا تفاهمت معاه على هالموضوع لانه اساسي اهو والوظيفه والسياره والحمدالله ماكان عنده مانع عاللبس ومايبي عبايه ولا يبي نقاب
بس مادري انا رايي ان النقاب يعتبرم ن العادات والتقاليد مو الدين بس الجميله حيل .. لازم تغطي
النقااااب وواجب على كل مسلمه ..شنو تقوولين احسه من العادات والتقااليد وليش الجميله حيل تتغطى يعني ماتبوون رجاالكم يشوفون بنات جميلااات ؟؟؟
عشاان هالسبب صاار الغطاااء واجب عشاان الرجل مايشووف الا زوجته فقط ولا تنتشر الفتنه بين المسلمين والمسلماات …خافي يأختي من الله وتوبي له … حرااام هالكلام اللي تقوولينه ..
والله قال سبحانه وتعالى (مايلفظ من قول إلا لديه رقيب عتيد)…
وفي حديث عن الرسول ..وفي معنى الحديث
(إن العبد ليتكلم بالكلمة من سخط الله لا يلقي لها بال تهوي به في النار سبعين
خريفاً )…
وانا قلت هاللكلام لان الرسول قاال من رأء منكم منكر فليغيره بيده ….اللهم هل بلغت اللهم فأشهد …وتقبلي تحياتي
بس لازم تبينينله ان موو ها ذوقج بطريه حلوه
وسالفة ان 24 ساعه مجابلج ما ادري هالشي حلوو ببداية الزواج
معنه الواحد يحتاج وقت يقضي براحته اذا جذي قوليله اليوم مثلا زواره او ياينا ناس اوعندي موعد بطلع مع خواتي
اما سالفة الكتيبات و النقاب هاذا الشي الي ديري بالج منننه و لا تسكتين عنه دامج على البر
لازم تتناقشون فيه بهدوء و تقولينله
شنو طريقة لبسج وتصرفاتج
واذا ممكن تتنقبين او لا
اي شي مو مقتنعه فيييه قولييه
الله يخليج لا تضيعين رووحج بالسكوت الغبي
وقولي حق امج عن سالفة اللبس و النقاب و جذي اذا ما قدرتي تكلمينه تقعد معاج و تشجعج
ويصير نقاش بينكم
لااااا تسكتين
|
المشاركة الأصلية كتبت بواسطة عذاب66
 ابله كويتيه << اتقي الله والله يهديك يااارب ..هذا وانتي ابله وفاهمه وداارسه …
النقااااب وواجب على كل مسلمه ..شنو تقوولين احسه من العادات والتقااليد وليش الجميله حيل تتغطى يعني ماتبوون رجاالكم يشوفون بنات جميلااات ؟؟؟ وفي حديث عن الرسول ..وفي معنى الحديث (إن العبد ليتكلم بالكلمة من سخط الله لا يلقي لها بال تهوي به في النار سبعين خريفاً )… |
اوو اووو شقايله انا .. شكيت برووحي
ماقلت شي غلط .. شنو حرام … ماكو حديث ولا ايه بالقران يثبت انه النقاب شي اساسي ووواجب مثل ماتقولين لكل مسلمه
وهذا الصج ماقلت شي يستدعي كل هالحجي … النقاب عاده اجتماعيه فقط
والحمدالله انا اخاف من ربي واعرف ربي
شسالفه .gif "Eh S(10)")
|
المشاركة الأصلية كتبت بواسطة latofa
انا مريت بنفس تجربتج
خن اقولج شي .. اذا انتي تعودتي عليه وودج تعيشين طول العمر معاه صارحيه وقعديله عالوحده فتره الملجه كل شي يسوونه يجيسون فيه النبض يشوفونه البنت شتقول ؟ شنو ردها واذا على الكتيبات مالت البنطلون والنقاب والعباه .. اخذيها مني .. ان مادخل عليج وخلص وعقب يقولج تغطي من فوق لي تحت انا اغار عليج .. وعقبها بتحسفين انج ماتكلمتي وقلتي انا مو موافقه اوك انت متدين على عيني وراسي بس هذا انا ما راح اتنقب او او او .. الخ بس كل شي بأسلوب حلو وخليه على بينه اللي اوله شرط اخره نوووووور اما اذا انتي موافقه انج تتنقبين او شي اهوا يبيه وانتي ماتبينه فهذا شي راجع لج … انا ما اقولج رادديه مني والطريج بس كل شي بموافقه الطرفين ماكو شي بالغصب وانتي عالبببببببببببببببببببببببر .. لا تسكتين عن شي ماتبينه واذا انتي هم مو موافقه على الماركات قوليله قوليله حبيبي انا ما احب التقليد ما افضلهم .. يا أصلي او هديه عاديه مامنها تقليد يعني من محلات عاديه يمكن في ناس يشوفون هالشي عيب .. بس صدقيني مو عيب لازم يعرف شنو تحبين لو انتي مسويه له هالشي وهو مو عاجبه والله بيتكلم واهم شي نفسه بقولج موقف صارلي يمكن تنصدمين وبتقوليلي ان الريال اذا ماعجبه شي فيج ماراح يقولج ؟ او بيجامل ؟ اقص ايدي لووول فهذا اللي اقولج عليه المواجهه و لمواجهه والمواجهه افضل حل دامج لي الحين ماتعلقتي فيييه هذا راايي بصراحه |
انا معاها كلام سليم 100%
|
المشاركة الأصلية كتبت بواسطة عذاب66
ابله كويتيه << اتقي الله والله يهديك يااارب ..هذا وانتي ابله وفاهمه وداارسه …
النقااااب وواجب على كل مسلمه ..شنو تقوولين احسه من العادات والتقااليد وليش الجميله حيل تتغطى يعني ماتبوون رجاالكم يشوفون بنات جميلااات ؟؟؟ وفي حديث عن الرسول ..وفي معنى الحديث (إن العبد ليتكلم بالكلمة من سخط الله لا يلقي لها بال تهوي به في النار سبعين خريفاً )… |
صاجه حبيبتي
بعدين أنت توج في بداية المشوار .وانشان على الماركات يمكن ميزانيته شوية وراه مصاريف تجهيز حاطها على اساس بعد الزواج.
وحاولي تقعدين معاه وتفهينه على النقاب مو اجباري واذا هو دين ميخالف امنه بالله بس مو لهادرجة .وخليج شوي جريئة لا تصيرين باردة بالموضوع وتسكتين وتقولين له ميخالف ترى بعدين تصيرالصجية.
لي الحين صارلي سنتين وانا مو مرتاحه
لا ولا اكلمه ولا شي.. وافكار اجيبني وتوديني
ومسوي العن من جذي ..
استخيري بس وعليج بالدعاء
والله يوفقج يارب
قوليله اللي مضايقج بـ اسلوب حلو
وانشالله يتقبل منج الكلام (:
واللي اوله شرط اخره نور
ولا تسمحين لاحد يملي عليج شنو تسوين وماتسوين
هذي حياتج انتي بتعيشينها مو الناس
فـ قعدي معاه وقولي له شنو تبين وشنو ماتبين
والله يوفق بينكم
تبدلين ؟؟
@@
ياحلات اللي يسترني ويلعن ابو خيري لمصلحتي في الدنيا والاخرة
كبري عقلج حبيبتي