|
|
السلام عليكم بنات …
انا راسي شوي ويشيب وتوني بأول عشريناتي .. والسبة المصايب اللي يسويها اللي يسمونه الزوج !!
المشكلة : يكلم وحدة من وراي و يعرفها قبلي …. ويحاول بكل الطرق ينفي ان رقمها و خلاها تييب واحد ما ادري منو ومن وين سمعني صوته على اساس هو خطه … مابي اتطرق الى التفاصيل بس عندي مليون دليل وكذا مرة طحت على مسجاتها واتصالاتها …
الحين وين التعقيد …
هو يقول خلاص قطع عنها نهائي … بس اول امس شفت missed call منها .. وما خفي اعظم ….
المصيبة انا ابيه احبه عندي طفلين مابيهم يعيشون بدون ابو … وادري فيه يحبني ووايد اشياء يسويها يثبت هالشي بس الشيطان اللعين يعرف يلعب بالعقول …
محد يعرف بالمشكلة هذي من الاهل .. قلت حق امه بسسس .. هاوشته قالت له حليب صدري حرام عليك ان اذيت مرتك .. وراح اعتبرك ولد عاق ان كلمت هذيج بعد … وماااكوو فايدة امبيه حدي منصدمة من هالشي … !!!!! ×_× ..
اعرف بأي منطقة ساكنة .. اعرف اسمها ورقمها واعرف ان اخوانها رفيج زوووجي ويطلع معاه تقربيباً كل يوم واخوي بعد رفيجه !!!!!!
يعني بتصير القيامة ان دروا باللي يصير …. وام زوجي تقول بيتهم ناس اياويد وابوها سمعته زينة لو درى ان بنته حيوانة مكرم القارئ جان ذبحها ودمها يصير برقبتنا ان قلنا لهم عنها !!!!!!!!!!!!
انزييين وبعدين .. يعني ماقدر اتكلم واسكت ؟!؟! والحقيرة مستانسة باللي تسويه ؟!؟!
ادري زوجي له ايد بهالمصيبة بس انا ابيه .. لا تقولون طلاق ومادري شنو .. انا ابي احافظ على بيتي من دون ما اقول له …
ودي اوصّل حق اخوها رسالة واقول له عن اخته بس هم ما ابيه يذكر ان درى مني !! يعني كأنه هو طاح عليها .. انزين شلون اوصل له واحنا من بيت مستحييييييييل مني والدرب يكلم شباب او رياييل او اياً كان … اللي بالجمعية بالسوق عادي ،، بس ان توصل حق رفيج زوجي واخوي !!!!!!!
ماقدر اكلم ام زوجي مرة ثانية … هي تعبانة وايد وكبيرة بالعمر الله يحفظها لنا .. وحدي اخاف على صحتها ان درت ان ولدها المصون طنش كلامها !!!!!!
وبعد ،،، دقيت على شركة الاتصالات اللي خطها منه … قال لي ممنوع يعطيني كشف الاتصالات او بياناتها ولازم عن طريق مخفر … ومستحييييييييييل اوصلها للمخفر !!!!!!!!!
امبييييه يا بنات كل البيبان مسكرة بويهي … شسوييي يااااربيييي ؟!؟!؟!؟ شلووون ابعد هالللي ما تتسمى عن زوجي ؟!؟!؟!؟
وبانتظار حلولكم ان قدروا على هالتعقييييييييييد .. ×_____× ….
زوجج يدري انج تعرفين عنها كل شي؟
اذا مايدري قوليله انا ادري انك تكلم فلانه وعندي كذا دليل هدديه فيهم او انج تقولين له وصلني حجي ان فلانه تسولف عند الناس انها تعرفك
بس هذا اللي قدرت افكرلج فيه والله يعينج ويهديه
بس الله ينتقم منها وعسى حوبتج انتى وعيالج ما تعداها جد جد تقهرنى هالاشاكال صح انا مو متزوجه بس ما احب هالنوعيه
خلاص رجال متزوج اشتبين فيه قلو الرياجيل بالديره دورى لج رجال وتزوجيه وانتهى الموضوع الا هذا يعنى الى عنده عايله وعلى فكره زوجج سامح لها
ولا جان غير خطه وابتدا حياه جديده
بس الدنيا دوراه وما تدرين يمكن بيوم تصير زوجه ويخونها زوجها ويذوقها الى اهى تذوقج اياه
بعدين هى ماخافت من ربها تبينها تخاف من اهلها واخوها
ادرى قرقت بس جد قاهرتنى هالبنت
لو انا منج اتطلق شنو يعني اتطلق ؟؟؟ عيالي يعيشوون معاي و باحسن تربيه ما اخليهم يعيشون فبيئه فاسده حبيبتي فكري بعيالج
يكبرون ويشوفون ابوهم جذي؟؟؟؟؟؟؟؟؟حرام شلون ترضين على نفسج ولا على عيالج!!
اذا خايفه من الطلاق وموقادره عليه….كلمي اهل البنت يمكن تتادب جليله الحيى و ريلج قولي حق امه وخل تنفضه
بس دام كلمته اول مره وكلامه قوي يعني مفروض يحترم نفسه وهم رد لها…بو طبيع ما ايووز من طبعه
خلج بالسليييم ..طلعي فضايح البنت عند اهلها وروحي بيتها ومعاج المسجات وهل سوالف((دليل))وكلمي اهلها و خلصي وطيري عن امه
وقوليلها السالفه كيت وكيت
واذا اهلها مربيين بيربونها واكيد اخوها بيدي واكيد بيكلم ريلج وماراح يطلع معاه ويقاطعه….
جذي ممكن تخلينهم يفلون
بس صج انقهرت عليج…الله كريم والله يهديييه
لا تهديد ينفع ولا شي … بعد اكثر من اني كلمت امه وهاوشته وما فاد شنووو … =____= ….
….
حبيبتي جوان .. شقول ياربي .. جم مرة قلت له غير خطك مو راضي .. -___- …
حبيبتي فراولة انا مو خايفة من الطلاق … لاني اولريدي مطلقة من قبل .. فمو حلوة علي طلاق ثاني … -_- …
والمسجات بتلفونه شفتهم … فما عندي اياهم بإيدي
يا صبر ايوب على ما ابتلاه ربه !!
مشكورين عالمرور .. :")
بس ماكو الا ان امه وابوه يستعملون معاه اسلوب التهديد
واذا ما هد خرابيطه يهددونه انهم يفضحونه واهي معاه جدام اهلها
شنو طلاق ما طلاق ..
حبوبه انتي تعرفين رقمها دقي عليها من رقم اهيا ماتعرفه " لان اكيد تعرف رقمج ورقم بيتج ورقم زوجج " دقي عليها من رقم غريب .. وقوليلها بهدوووووء شوفي يا فلانه انا مابي المشاكل وكافيه خيري وشري عنج مو علشان شي بس لاني لي الحين ماسكه اعصابي .. واتقي شر الحليم اذا غضب لا بتهاوش معاج ولا شي بس شوفي يا بنت الحلال ان ماوخرتي عن سكتي وعن زوجي تحملي الي اييج مني .. ووالله والله شاهد علي وعلى كلامي ان ما وخرتي تحملي الي اييج وانا ببيعها وعلي وعلى اعدااائي …
ان خافت زين ان ماااخاااااااااافت
عاد اهني تصرفج بيكون ثاااااااااااني … وخيولي وقتها ريلج وخيولون اهلها ..
ما خافت قولي حق اخوج السالفه وبااالغي عنده بالحجي علشان يشتط .. وقوليله .. مابي شي ولا ابي مشاكل وابي بيتي .. بس ابيك تساعدني .. امسك اخوها وقوله يوووخر اخته عني … واذا ما قلت له خلاص انا انسحب من حياته وخلها معاه راح اييب اغراضي وبتطلق وخل يتهنا فيها .. اذا بتساعدني كلم اخوها قوله ان احنا مانبي المشاكل وانه عزيز عليه وحسبت اخوه وعلشان جذي كلمه ..
نفع زين مااااااانفع … لا والله دقي على بيتهم وقولي حق امها وابوها …
نفع زين مااااااااااااانفع .. خلاااااااااااص شيلي قشج ووخري عنه لانه راح يكون عزج الله حيوانات ومايفتهمون .. وريلج راح يكون وقتها ماله طب ولا علاج .. وخل المتردي والنطيحه مع بعض بس انتي تكونين بردتي جبدج وسويتي الي عليج 
حبيبتي مليون مرة دزيت لها مسجات وايميلات ( اعرف ايميلها) .. سفلت فيها خليتها فلس ما تسوى ..وقطيت عليها كلام قوي ..وضحكت عليها ضحك لانها تعدت حدودها مرتين دزت له تطر فلوس .. 500 دينار !!!!! فقلت لها اشكررره روحي طري يم باب المسيد احسن لج .. واذا هالكثر ودج بالزوج روحي حق شباب الشوارع لانهم الانسب لج ..
ودقيت عليها من تلفوني مرة يابت لي وحدة مادري من وين تقول هالرقم عندي من سنيييييييين … بعدين دقيت من رقم ثاني جان تشيله هي .. قلت لها ها وينها ذيج يالحقيرة .. جان تقول ماشي ماشي وسدته ..
وهم دزيت لها .. انتي حدج مسخره لانج ماكلة تبن من ورا اهلج ( دريت ان وايد يزفونها لان شاكين فيها) .. وهم ماكلة تبن من وراي وشكلج تحبين الاهانات واذا راضية بهالذل استمري بالعلاقة وشوفي الاهانات اللي بتحصلينها مني … ))))))
تخيلي دزيت لها كل هالكلام .. وما اشوف اثررررر ابداً !!!! ..
بس صح انا فكرة ان اقول حق اخوي وايد تدور براسي … فشكلي خلاص … ماكو الا اني اقول له يوصل الكلام حق اخوها … -___- … والله يستر من اللي راح يصير …
إسمحيلي بــسس إنتي لآتصيرين ذكية زيــآدهـ عن اللزووم ،، ولآتسمعين كل ـآلكــلآم إللي يقولونه البنــآت منهـم إللي تعرف ومنهـم إللي مــآتعرف
إنتي إذآ وصصـلتي الســآلفة لإخـوآنهــآ بيطقـونهــآ وآخـر شي بتقـولهم عن زووجج أقل شي بيسوونه إنهـم بيكسروونه من الطق هـذآ إذآ مــآذبحوووهـ ..
فكـري عــدل قبل كل خطـوة تسوينهــآ لأن إذآ المـوضوع بــآلنسبة لج خيــآنة ، بــآلنسبـة لأهل البنت عرض وشررررف
مــآكو إلا إنج إدقين على البـنت وتهددينهــآ بــسس بدوون مـآتعرف إنتي منو .. !!!!!!!!
أو تقولين لوآحد من أهلج عشــآن يووقف معــآج
حبيبتي اي والله كلامج صح وعشان هالسبب انا مو متكلمة من زماااان .. >_< !!!
كلمتهااا هالواااطية مليون مرة ماافاااااد .. اقول لها ان شفت اسمج الزفر مرة ثانية بتلفون زوجي ما تلومين الا نفسج .. وماااكووو فاااايد .. فشسويييييييييي !!!!!!!
اني اعطيكم ايميلها وانتو هددوها باللي تقدرون عليه … ! ينفع ؟ .. او على اساس انكم من الدوام معاها او تعرفونها من قريب من اهلها وشكيتو فيها او شفتو تلفونها من حطته مكان ؟؟؟ او اي عذر .. شرايكم يمشي ؟؟؟؟؟
مــآكوو إلآ إنـج تــوآجهين زووجج بــسس سوي روحج نــآسية رقمهــآ
قـوليله منو هــآلرقم ليش كلة يدق عليج .. ؟!
إذآ قــآآل مــآأدري .. !! أو إهيــآ تــأذيني وآنــآ من زمــآن قــآطع علآقتي عنهــآ
قـوليله ليش مــآتغير خطك أو تشتكـي عليهـآ بـآلمخفر ،،
أو فكــري بطريقـة تقرب زووجج منـج وتبعدهـ عنهــآ ، ختـولي خلي زوجج يلهى فيج تغيري عشــآنه خليهــآ تموت من الحرهـ خلي وقته كله لج << شووفي موضوعي إللي بــآلرآبط يمكن يفيدج ..
حجزي تذكرهـ ســآفري معــآهـ دبي إسبــوع بــسس سويهــآ مفــآجــأهـ وهنــآك إحرميه منهــآ عيشي أحـلآ جوو
عــآد إنتي ومخج حــآولي تخلين الهـوآش على صوب وفكري بطريقة تقربه منج موو تنحشة ترى كل ريــآل يتووب بــسس يبيلة وحدهـ تعرف شلون تخليه يتووب تعـرف شلون مــآيشوف غيرهــآ ..
دامج تعرفين رقمها خلي ام ريلج تدق عليها و تهددها بجم كلمه ان راح تعلم اخوانها و اهلهم دامكم تعرفونهم
لاتكلمينها اهي خلي ام ريلج لان ان سمعت الحجي من مره عوده تعرف اهلها بتخاف
والله يعينج
بس استغرب شلون انتي مقتنعه ان ريلج طيب ومايبيها وانها اهي المصيبه
حبيبتي لاتقصين على نفسج مشكلتج مو مع البنت مشكلتج معاه اهو