|
|
شلونكم يا احلى خوات ادري ماراح تقصرون معاي
وبتساعدوني
وأرجو من اللي يعتقدون أنهم يعانون من نفس المشكلة يشاركوني
أو اللي عندهم فكرة عن المشكلة اللي اعاني منها
انا من 3 سنوات
صار فيني حساسيه وانتفاخ بالجفن اليسار يمكن كيس دهن صوب مدمع العين..
وبعدها عيني صارت تتحسس من الكحل والعدسات إخ…..
فما قمت البس عدسات ابدا
ولا احط كحل داخل عيني
لكن مو هني المشكله
المشكله
ان جفني اليسار صار 24 ساعه منتفخ وعيني صغرت
وصار في اختلاف بالحجم بين عيوني
وكل ما اروح لطبيب عيون يا يقول حساسية او يقول جفاف
ولاعت جبدي من القطرات اللي مامنها فايده؟؟؟
و
تكفون اي وحده صار لها مثل اللي صار فيني
تقولي شنو سوت
ولها مني دعوه بظهر الغيب
او دكتور شاطر ويعرف لمشكلتي
لان كل الدكاترة اللي رحتلهم ما فادوني
واللي ما تعرف تدعيلي بالشفاء
وماقصرتو
هم المشكلة حيل مأثرة على نفسيتي
وصرت ما احب اطلع ولا اشوف احد
بسبه عيني
لانه يسبب اختلاف بحجم العين
نصيحتي لج روحي لدكتور خالد السبتي
دكتور شاطر وفاهم ويعطيج الزبدة وبس من غير فلسفة
ما قصرتوو
الله لا يهينكم
والمشكله مو انسداد المجرى؟.؟
الله كريم بروح للسبتي وارد لكم خبر
واتمنى مايكون مثل اللي رحت لهم
انا بالسعوديه ماعرف الا الاستشاري الدكتور خالد طباره روووعه بكل ماتحمله الكلمه من معنى
موجود بالرياض..
الله يحفظ لك سمعك وبصرك ويسقيك العافيه والصحه بسائر بدنك يالغاليه ولايحوجك لطبيب يعالجك ..
[quote]
الله يحفظ لك سمعك وبصرك ويسقيك العافيه والصحه بسائر بدنك يالغاليه ولايحوجك لطبيب يعالجك ..
/quote]
امين مشكوره ع الدعوه الطيبه
| بصراحة في مستشفي في امريكا في بوسطن متخصيصين في علاج العين |
شيوديني بوسطن
ان شاء الله يكون العلاج موجود بالكويت
اتوقع اسمه سامي الربيعه اختي سوت عنده عينها
ويمتحووون شغله
والله يشفيج يارب
روحي عند الاستشاري جمال بهبهاني وايد شاطر وفاهم خريج كندا
عيادته عالبحر صايره جدام مطعم مركز سلطان