مشكلة الأي فون والبلاك بيري ودمار البيوت

السلام عليكم …

موضوعي مبين من العنوان الناس اتسوي أختراعات علشان حياتها أتصير سهلة والتواصل يزيد بس في ناس تحول الشي الزين الى شي موزين وحق السوال نص كم والسبة الأي فون والبلاك بيري

أعرف وحدة تقعد بالساعات وأهية ساكتة وريلها مطنشها وحيل بالأي فون قتلها كلمية تقول كلمتة مافي فايدة يرد عليها ويقول حاطة عقلج بالتلفون هذا شتسوين في بالذمة

الحين الي أبي منكم كل وحدة تقول شنو غير هالجهاز بحياتها الزوجية وهل أتحسين أن مظرتة أكثر من منفعتة ؟

ويليت الي عندها قصص مثل العاهه الي فوق تسدحهااا أهني خل الكل يستفيد.

الكل يحترم الطرف الاخر

في البيت تغلق الاجهزه او تفتح للاستقبال فقط

لا تعودين زوجج انه عيونك بالايفون
ولا هو يعودك

لانه العلاقه بتصير بارده وناشفه

الايفون وخرابيطه له وقته

في عدم وجوده او انشغاله بشي اخر

فوفو

كل شي له وقت

الله يفرج همنا يارب

والمراهق الطالب هاد دراسته ومجابله

والبنت مطنشه امها ومجابلته

والله انا مااشوف منه فايده كلش. اول قبل هالتطور والتكنولوجيا. شحلاتنا. صلة رحم. اخوه. والريال مايشوف الا زوجته. ومهتم. لبيته. ومجابل عياله. الحين

بعض الريايل الله يهداهم. مع زوجته. مطنقر وصراخ. وبالايفون. بس يمسكه. يدش مواقع. مع رفيجاته. ""يقلب يصير. غشمرجي. واسلوب وانا. الحنون اللي مافي نفسي. )))هذا. غير. انه فيه مواقع. للدعاره وبلاوي. ""انا اسمع عنها.

الله يسترررر علينا. منها

يامعوده والله بالكويت. مااشوف. اي. فايده لهالجهاز. وبذات. يدمر حياة. المتزوجين
والله يستر علينا جميعا

ههههه ردج ابداع

احمدي ربج والله انتي بنعمه

انا مومتزوجه طموشه بس والله هالاجهزة دمرت بيوت ومازالت تدمر شباب وبنات الامن رحم ربي

فيها التعارف والاتصال صار ماكو اسهل منه

تبينها كتابي او صوتي تبين رقمج يطلع او مايطلع تبينها كام اوبدون كام

يعني اللي يبي الخراب بيلقاه بين يديه بثواني باي مكان بالدوام بين اهله بين ربعه وماحد داري عنه الاربه

الله يعينكم يامتزوجات وربي مومحترق قلبه الااللي زوجها من هالنمنومه

اااااب

متزوجه واتكلم بالايفون ولا حافظه اسمه الشخص على اساس انه بنت انا ما قمت انصدم لمه اسمع امور او اشوف مثل هالشي

لانها استغفرالله صارت مثل الظاهره للتفاخر وايضا الرجل يكون قاعد يم زوجته واهو يكلم وحده ثانية والمشكلة الكبرى لمه

اتطيحين عليهم واتواجهينهم شووووفي عاد اعذارهم الجاهزه تطلع من الفرن انا ما اقول الا الله يهدي نفوس البشر وهذا اللي

قاعد يصير كله قلة ايمان

عادي عندي زوجي دايم على الايفون واللابتوب وانا دايما على البلاك بيرك واللابتوب

يعني مو دايم اقصد زوجي يداوم 8 ساعات وينام 8 ساعات هاذي ستعش ساعة باقي الوقت نقعد مع بعض نسولف

او نقعد بنفس المكان وكلمن عيونه بموبايله يعني ماحطيت له شروط ومو حاطة في بالي انه يحرم نفسه من متعته

بباقي وقت فراغه في البيت يعني حرام حتى راح يكره البيت جذي بالعكس مخليته على راحته والحمدلله ماكو بينننا مشاكل

وواثقة فيه لانه يخليني استخدم لابتوبه وادشه اذا بغيت واعرف الرقم السري مال آيفونه واصلا احيانا نسولف

بالواتساب وحنا يم بعض خخخخخخخخخخخخخخخخخ

لاتعقدون الرياييل ولاتوقفون لهم على الحبة خلو لكم حياتكم ماقولج انسيه بس لاتضغطين عليه وتمنعينه عن اشياء يحبها

الزوج مو ملكج…. هو له كيان بيوم يمل اذا حكرتيه …… وكلها اجهزة الكترونية مامنها مضرة انشاء الله ……

خليج واثقة فيه وخليه يحس بهالثقة وخليج واثقة بنفسج وخليه يحس بثقتج في نفسج ……….

وبث

اقتباس:

المشاركة الأصلية كتبت بواسطة ريحانة الجنوب انا ماعندي مشكلة لا مع الآيفون ولا مع البلاك ,,,, انا مشكلتي مع الفيس بوك والمزرعة السعيدة ووين سعيدة معه ما غير يزرع ويحصد واذا قعد فاضي وقلت له ما دامك ما تلعب عطني اللاب شوي قال انتظر الخبز يخلص من المخبز

هههههههههههههههه
يامعودة ضحكتيني من صمصوم قلبي ربي يسعدج
وااااي هاالالعاب من زمان حطيت لها حد ممنوع اللعب داخل البيت وكلشي يقفل
واتعاهدنا ومشيت الامور

وانا رايي كلشي بالاتفاق مافي احلى منه

وكل شي بحدود وكل شي له وقت

تقبلي مروري