مشكلة :: اتحسه انه صغير فيه مجال ؟ ارجو المساعدة

السلام عليكم و رحمة الله و بركاته ..

جان زين تساعدوننا و تعطوننا آرائكم بهالموضوع ..

رفيجتي ياي لها واحد اصغر منها بسنة .. و ملتزم دينيا .. بس وقت الخطبة حست انه تصرفاته تصرفات ياهل !! .. يعني لما يزعل بسرعة و و دلوووع و اذا كلمها بموضوع لازم تناقشه و اهي ما تبي فا يتزيعل ..

اهي مو مرتاحة لهالحركات .. و تحسه ياهل .. اهي عمرها تقريبا 21 .. يعني اهوة 20 ..

فا شنو تنصحونها ؟ .. هل راح تقدر اتغيره ؟ و الا شنو ؟ ..

جزاكم الله كل خير ..

و السلام عليكم و رحمة الله و بركاته ..

انصحها ياطويلة العمر

تنحااااااااااااااااااااااااااااااااااااااااااااااا اااااااش

لأن الريال يبين من عمره سنة وهذا شكله مو تاكن ولا عمره وبيظل طول عمره يتزعل وتراضي فيه………… خوش ريال

دام انها الى الحين على البر ماملجت خل تستخير وتقرر
لان في ناس خلاص هذا طبعهم وصعب يتغير
وشلي حادها تاخذ واحد ضغير وهي توها انشالله ايييها نصيب احسن

وشوفي ترى وحدة من رفيجاتي بتين والسبة هالطبع ….لأن الدلوعة اللي عندها قام يتزعل من غير سبب وتعيز شفيك وشصاير ….. ماكو جواب …. لأنه ماكو شي بس دلع

وعليكم السلام ورحمة الله وبركاته

انا من رايي تقولين حق رفيجتج تمسك لها ورقه وقلم .. وتكتب مميزاته وعيوبه

مثلاً أمه طيبه <— من عقب سوالف البنات بالمنتدى صرنا نحرص على الأم أكثر من الولد !!!

يصلي بالمسجد

مايدخن

جامعي

يعني من هالمميزات اللي صعب الحين تلقينها مجتمعه في واحد! وكل الرياييل فيهم عيوب مافي وحده خذت لها إنسان كامل !

وتكتب بالسايد الثاني العيوب وتشوف الأكثر وتقارن وتقرر

(( وترى إهي مازالت صغيره والعمر جدامها ))

وعسى الله يوفقهاا

والله مادري شقولج اذا مميزاته أكثر من سلبياته انا أقول تصلي وتدعي الله يصلحه وشوي شوي الرياال ترا على التعلوم بس الوحده لازم اطول بالها شوي وربي يوفقها ان شاء الله

والله ذكرتيني بنقاش مرة دار بينا كنا مجموعة بنات ووحدة قالت ابي اتزوج واحد كبير ومن ظمن الحوار ان وحدة قالت هالايام وبالكويت بالذات تربيتنا غلط لا كبير ولا صغير كلهم واحد ومن يقول ان الكبير ريال فهذي غلطاااااااانة وانا اقولكم ليش من وجهة نظري : وهي ان الشخصية تتحدد معالمها عدل بسن صغير ان كان الشخص عندة اسلوب والا لا وان كان عنده منطق وتفكير معين والا لا فمو معقوله واحد عمرة 20 يكون المنطق والشخصية والتفكير رايح فيها مثلا ومن يصير 25 مثلا صار شخصية واسلوب وتعامل راقي ومعرفة مواجهة المشكلات بطريقة سليمة صح؟ والا لا؟ لان الي يقولون الكبير فاهم مايفكرون من وين ياب الفهامية ؟ مو من التنشئة ؟مو من التربية ؟ والا العمر الزمني ؟؟؟؟؟؟؟ وياما شفنا ناس بالخمسين ومراهقين ويدلعون صح والا لا

المهم انا ضيعتج معاي بس لان تذكرت هالموضوع الي دار بينا والحين بقولج القرار قرارها اولا واخيرا انا اعرف اخت صديقتي ريلها اصغر منها بسنة بس اهي ماخذتة على حب وعادي يابت منة عيال
يعني باختصار لا تنظر لعمرة خلها تنظر لفكرة وحدة اهي ملاحظتها سواء عمرة 20 والا 30 وهي انه ( شخصيتة جنة ياهل او مو الشخصية الي حلمت فيها ) ها موافقة انها تغيرة ؟ تتوكل على الله بعد الاستخارة ،،، لا مو متقبلتة مع انه ملتزم تستخير وتشوف يمكن الله يبعدة عنها وتقرر انها ترفضة او يتفركش الموضوع
وبالنهاية الله يكتب لها الخير ونبي نسمع الاخبار

خل يولي الياهل شتبي فيه هذا صعب التعامل وياه.. اصلا المرأة تسبق الريال 10 سنوات بالتفكير والياهل ما ينفع خصوصا اذا صار مدلع يصير حده مليق

لاتاخذه خله يولي وين قاعدين اذا اهوه من الحين يتزيعل ويتدلع بعد الزواج شر اح يصير اهو في الخطبه مامسك نفسه وقاعد يتدلع انا من رايي ترفض وهيه توها صغيره باجر يجيها واحد احسن منه وتخلي الدلوع لامه احسن الحمدالله وشكر

انا اشوف انها صغيرة يعني ان شا الله اييها نصيب

و اذا مو مرتاحت له ينفصلون احسن

دامها عالبر خل تنحاش ابركلها

و اهي صغيرة و العمر جدامها

يعتمد هل يعرف يتصرف في المواقف المختلفة ؟ هل عنده اسلوب لما يتكلم ؟؟ يعرف يناقش ياخذ و يعطي و الا لأ ؟؟ هل تقدر تعتمد عليه ؟ هل يتحمل المسئولية مسئولية الزوجة و البيت و اليهال بعدين ؟؟
هل شخصيته تصلح انه يكون ابو ؟ هل ياخذ قراراته بمنطق ؟؟؟؟

اذا كان الجواب لأ لهذه الأسئلة كلها فذلك يعني انه ما يصلح يكون زوج .. و خلتصلي استخارة و خلتغمض عيونها و تتخيل حياتها معاه الحين و عقب عشر سنوات … و تقرر و الله يكتب لها اللي فيه الخير و لا تخضع للضغوط الخارجية خلي قرارها نابع من تفكيرها اهي و تقتنع فيه 100% سواء كانت بتستمر معاه او لأ

انا علبالي اهي على ذمته !!! ليش مستعيلة على الزواج توها صغيرة لا وواحد اصغر منها بعد ! و في شكوك حوله ؟؟ حلاته واحد اكبر منها شوي يدلعها مو ياهل تربيه بصراحه .. على قولة خالتي " بروي "

بصراحه حلاته اكبر منج لانه بيكون افهم منج
وبعدين اهي شلي حادها عليه اهي بعدها صغيره
بس اهم شي خل تستخير احسن لها

العمر مو مقياس ياما ناس اكبار ومخهم مخ ياهل لا تفكير والا بتصرفات … ودام اهو ملتزم واوكى ودارس اوكى ليش لا سنه ما تفرق …. وبعدين دامه دين وعارف ربه راح اخاف الله فيها .. بس اهو دلوع ويتدلع ما ادرى شلون شايفته خل اتعيد النظر لا تستعيل … توها صغيره يمكن ايلها الاحسن منه