|
|
بنات هالموضوع ابالي من زمان ووااااااااااااااااايد محتارة فيه
إن شاء الله بصير أم وبما إني بجرية وما عندي أحد يعلمني ودي أدردش معاكم بموضوع شنو تعطون عيالكم بالأربعين؟
ريلي يحن علي ويقول لي الرضاااااااااااااااااااااااااعة الطبيعية وبس وإن شاء الله ناوية أرضع
وبما إنه دكتور ودارس يقول لو التزمت بالرضاعة الطبيعية حتى ماي عادي ما أشربه قبل الــ 6 شهور
وفعلا لو تروحون مستشفى الصباح حاطين لافته شكبرها مكتوب فيها لا يعطى المولود ماء أو أعشاب أو ينسون وهالسوالف قبل 6 شهور دام يرضع طبيعي إذا رحت بحاول أصور لكم هالصورة يعني مو إفتاء مني بتلاقونها صوب الصيدلية ومكان انتظار الحريم
بالنسبة لي مقتنعة بكلام ريلي
بس خواااااااااااااااااااتي وما أدراكم ما خواتي ومرت أبوي العله الكبيرة اللي مصممة تشرب البيبي تمر بالأربعين شسوي فيهم ؟؟؟؟؟؟؟؟؟؟؟؟؟؟؟؟
أختي تقول لازم ينسون – وسكر نبات – وتمر – ومرات تبيعها وتعطي المولود عصير برتقال مخفف ما أدري شلون قلبها يطاوعها تسوي جذي ؟؟؟؟؟؟؟؟
انتوا شرايكم ؟ يعني معقولة كل أطفال العاااااااااااااااااااااالم شربوا هالسوالف
؟؟؟
برايي أقول الله يقدرني على الرضاعة الطبيعية ياااااااااااااااااااارب
يالله فيدوني بخبراتكم
انا نفسج بجرية وقريت مواضيع البنات ان اللي ترضع طبيعي ماتحتاج تشرب البيبي هالاعشاب ماي غريب ويانسون وتمر
تدرين ليش ؟؟ لان اللي ترضع حليب صناعي يسبب غازات للبيبي عكس حليب الأم طبيعي وسهل الهضم .
في تجمع هني عن الرضاعة الطبيعية دخلي شاركي معاهم والله انا استفدت من تجاربهم ،
وريلج دكتور ادرى دارس ومتعلم خلي عنج سوالف حريمنا وتراثنا المغلوط 
والله يقدرنا ويسهل علينا الولادة والرضاعة والتربية
نورتي الموضوع يا قلبي
وآنا مثل ما قلت مقتنعة بكلام ريلي وتوه يقول لي الجهاز الهضمي للمولود بسيط وفي بداية تكوينه ليييييييييييش نضغط عليه بشغلات أصلا على قولتج خذيناها من تراثنا المغلوط
لا والله ألزم ما علي صحة ضناي وبعدين مهما غسلت الأعشاب ونظفتها شلون بضمن نظافتها ؟ صج حليب الأم لالالالالالالالالالالا يعلى عليه عاد آنا حدي عققققققققققققققد ووسواس
نورتي الموضوع
و إنت مو مجبورة اتطيعين أحد في تربية عيالج
خليج قوية و إخذيلج كتب تغذية الاطفال و امشي عليها
آنا ما أعطي البيبي شي إلا بعد 6 شهور و بالتدريج
وبصراحة إحنا دارسين و فاهمين بعد ما يحتاي
والتمر يسبب مغص وغازات خليها لما يكبر ويكمل 6شهور
من ولادته بس حليب ليما يكمل 6شهور
تدرين ليش اقولج لاتعطينه رضعه يانسون وهالسوالف لان جذي بتضيعين عليه رضعه حليب وهو محتاج حليب بهالعمر
اكثر من اي شي ثاني وانا سالت اخصائيه رضاعه طبيعيه قالت ولامره عطيت عيالي هالسوالف بس رضاعه طبيعيه قلتلها واذا حسيت فيه مغص قالت عطيه قفشتين يانسون بس
احنه دارسين وفاهمين ونعرف الصح من الغلط آنه امي ماخليها تتدخل وارض طبيعي لي 6شهور من غير حليب صناعي ولاشي من خرابيط لعشاب وبعد 6شهور ابتدي ادخل الاكل والسيرلاك مع حليبي
بس اعطيهم ماي شوي لانه بناتي يحوشهم بوصفار والماي عشان يبولون اكثر وانتي بكرامه ويروح منهم
والعوار الي يحوش الياهل من المغص اول 3شهور الله وكيلج مايهديه شي بس في قطره في الصيدليه للغازات
والله يقومج بسلامه
ترا صج الرضاعة الطبيعية تكفي
واللي يضحك لما يقولون لنا شربوا ياهل الأربعين ماي علشان لا يصير حول ههههههههههههههههههههههههه
الحمد لله على نعمة العقل
وزمنا الحين تغير مو مثل قبل نسبة الدارسين والمتعلمين بسيطة
بتوكل على الله وبحط الرضاعة الطبيعية بسسسسسسسسسسسسس هدفي بتغذية البيبي وبعد الـ 6 شهور يصير خير
أهم شي أشوفه بصحة وعافية
تسلمووووووووووووون بنات ما قصرتوا
و هم سامعه بعد عشان لا يسير حول على قوله الوالدة
أنا اعطي بنتي ماي مع نبات مع الرضاعه الطبيعيه و هم ساعات امي تسوي لها حبه حلوه
اهمه ربوا قبلنا و كانا كبرناا ماصار فينا شي
أنا عندي عادي
انا عاااااانيت ويا ام ريلي وامي بالهموضوع
الحريم الكبار تفكيرهم وتعودوا على جذيه
انتي قولي اي واي وسوي اللي انتي تبين ومقتعه فيه وخلاص