مشاغل الحريم واستغفال الزبائن

السلام عليكم ورحمه الله وبركاته

بنات انا جايه معصبه من اللي شفته امس رحت السوق الا القى بدله عرس كنت مأجرتها من مشغل بـ90 دينار تخيلوا لقيتها نفسها نفسها يبيعونها بـ 65 والمشكله ان الاخت راعيه المشغل تصروخ علي تقولي ان البدله جايبتها من لبنان المصمم جاد نحله انا من دريت انه فيه نحله وانا داريه انه ملعوب علي المحل يقول ان البدل كلها نجيبها من الصين ؟؟

موقف ثاني كنت شاريه دراعه من السعوديه بمبلغ 250 ريال رجعت بعدها بفتره طويله وكان في معرض ورحت الا القاها نفسها بالضبط حتى نفس اللون سعرها 60 دينار يعني دبل الدبلات والمشكله ياليتها صادقه تقول هذي من تصميمي لهدرجه احنا صرنا مستغفلين وقاموا يستغفلونا هالمشاغل

والله يابنات ذاك اليوم راييحه معرض وكان فيه دراعه والله يشهد ربي علي انه مافيها الا كلفه صغيره وقطعه خام عاديه اشتريها عند محلات الخام اذا مو واجد عليها 3 دنانير يعني اتوقعون جم سعرها ؟ 90 دينار ؟؟ انا قالت لي 90 قلت انتي من صجج قالت حبيبتي يعني جم تبين سعرها بنفسيه خايسه شبعانه الحبيبه من نهب فلوس الحريم والنصب عليهم

والله الي قاعد يصير بالمعارض شي مو طبيعي واسعار خياليه والحين اي وحده قامت تجمع دراريعها القديمه ودراريع خواتها والله لو اشوفها بالشارع ماخذيتها وتصفهم على الطاوله وتعطيج سعر غالي وبعض الحريم المغفلات عزتي لهم مقصوص عليهم والمشكله لما تسألينها تقولين عندكم مشغل تقول لأ احنا بس نعرض بالمعارض

والله يابنات انه وحده ذاك اليوم عارضه لها اكسسوارات طبعا القطعه الوحده ماتلقين نفسها لانها كانت شاريتها لها من قبل وشبعت منها وقالت خل احلل فلوسها
قاعده اطالع الخواتم الا الخاتم من تحت رايح لونه مبين انه ملبوس من قبل ومطلعه فلوسه << شلمصرخه الي قاعد تصير

لهدرجه احنا احنا مغفلات

انا صراحه كارهتهم من النصب الاشكرا اللي قاعده اشوفه واسمعه
يعني لو خلصو اسواقنا ماروح لهم

ومعاج حق حبيبتي بكل اللي قلتيه

تبين الصج حبيبتي

انا من المعارض ما اشتري ابدا
مو سالفة اني انقص من قدرهم او من جوده بضايعهم

بس كل الخامات المعروضه موجوده بالسوق وفكرتها تكون عاديه فليش ما انا اشتري واخيط جق نفسي اذا كان عاجبني ديزاين معين

صح والا لا؟

عاشقه زين اتسوين والله المفروض كل الحريم يسون جذيه

اي والله فكرتها عاديه وماتستاهل السعر المعروض

انا لو شنووو مااشتري من حريم

نهب في نهب مع احترامي للقله منهم

انا الزين اشتري منه واللي يبين انه خام بو طقه ولا عادي والتصميم حده حده عادي وتصك لي على القطعه فوق الاربعين على الطل ما أشتري

نصيحه لاتشترون من الحريم كل وحده انصب من الثانيه اشتري الخام والله يعافي الكمبيوتر والخياطين الموديلات بالهبل انت خيطي لنفسج…. العربيد اشفيه يهبل ورخيص الدراعه ام 90 تاخذين بدالها 5دراعات بالعربيد اذا مو اكثر والخام سوق دبي والبلوكات (لاتزعلون هذا الي صاير الحين)

اي والله حدهم ينصبون و في حريم ما شا ء الله يشترون منهم و هاذا اللي معلي سوقهم و تلقين بالعكس تعلي السعر عشان الناس تشتري اكثر

الحريم نهب في نهب في نهب
شنو انا حماااره ما عندي مخ ما اعرف اصمم ما اعرف ابدع
شنو تبي السالفه مقاااقه وتفسح
وياااط تثقين فيه

اي لاقين ناس تقط فلوس بدون ذوق ولا فهم ولا معرفه بالخامات والشغل كم يسوى اصلا كل الكويت اللحين صارت جذى
قبل كان في مصممات ازياء بالديره سنعين
اللحين الديره انترست مسممات ازياء ههههههههههه

ههههههههههههههههه روز حلوه مسممات انشهد انهم سمووا الموضه ههههههههههههههه

كلمه اوجههااا للحريم :

اتقي الله

حلو الواحد يتربح من ورا بضاعته بس مو حلوو الجشع

صراحة انا مااشتري من الحريم لان اسعارهم خيالية وخاماتهم من سوق دبي المتر بربع

والله مره لاقيه دراعة بالفحيحيل عند خياط قال اسويها لج ب25 دينار بعد شهر صار معرض حريم رحت لقيت وحدة من الخوات تبيعها تخيلوا بنات بجم ؟؟
؟؟
؟؟
ب120 دينا ونفسها بالضبط سبحان الله من هني خلاص حطيت اكس عالحريم
والحمدلله احنا نقدر نتفنن ونبدع وماتكلف علينا 25 دينار ومحد عنده نفسها

وكذا مره صار لوحدة اعرفها تلبس بدل من حريم واسعارها غالية وتصادف وحدة لابسة نفسها بالضبط صراحة احس يصير غلط شكل الوحدة

التميز حلو والحريم للاسف مع انهم منا وفينا بس مايدارونا بالاسعار الله يسامحهم ويرزقهم انشالله

ومشكورة ياصاحبة الموضوع خليتيني افضفض

ماشاءالله الكويت صايره ايطالي

كل حريمها مصممات ازياء وانا مالومهم لاقين ناس تخم اللي عندهم ايا كان

انا عمري ماطبيت مشغل من مشاغل الحريم ولا راح اطبه

اذا على الموديلات دوري اي موديل من النت من الكتالوج او صممي انتي بنفسج او ركبي لج موديل يعني تاخذين من اكثر من موديل وتركبينه وروحي اي هندي شاطر يصبه لج صب وبسعر مناسب

وحتى لو كان غالي ما يكون بجشع الحريم ويكون شغله نظيف ومرتب مو اي كلام

والله يابنات فيه هندي بالظهر مأجر كراج من بيت تشوفين مكانه حيل دثره وعسفه بس شنو فناااااااااااااااان

جيبي له اي موديل يسو لج مثله بالضبط وخياط نظيف ومرتب صج وهو بعد يساعدج ويعطيج افكار صج صج فنان

مو هالنصابات اللي مايخافون الله جشع وطيره بالأسعار وياليت على شي يسوي

انا مو قاعده اذمهم ولا ابي اقطع رزقهم بس اذا يبون يترزقون الله صج يتقون الله بأسعارهم ولا يقصون على الناس وقبل كل شي تخاف الوحده على سمعة مشغلها مثل منتو شايفين الحين المشاغل اكثر من الحريم

انا وحده انصدمت لما رحت معرض وشريت دراعتين جدا عادية بس حق نزلت العصاري عند حمولتي خذيت الوحده 25 يعني 2 ب50 ورديت البيت
لما لبستها شافتني حماتي جان تقول حلوه دراعتج من العربيد صح؟ قلتلها لا من وحده بالمعرض .. قالتلي انا شفتها بالعربيد وعجبتني انتي جم خذيتيها ؟ قلتلها 25 انصدمت وقالت روحي العربيد وشوفيها ب10 انا انحرجت طلعت جني جذابه واتشيحط ورحت يبتلها الفاتوره بعدها بجم يوم سيده رحت العربيد بشوفها جاااااان الاقي موديلها بالضبط طبق الاصل
واااااااااااااااااي قهر يعني خسرت 30 دينار على الفاضي والله حرام
ومن هالموقف تبت اسوي عند الحريم الا الشغلات الغريبه والي تكون خامتها راقيه ومو متوفره وايد