|
|
السلام عليكم اخواتي اليوم حابه اكلمكم في موضوع من بعد ماقريت موضوع اخت تشك في ان ام زوجها ساحرتها والعياذ بالله
خواتي السحر شي عظيم وكبير وهو من الكبائر المخرجه من الدين يعني الساحر كافر 00ملاحظين هجمه من قنوات السحر والشعوذه علي الخليج وملاحظين اغلب الي يتصلون كانو من الخليج والكل يشتكي من السحر وعنده ناس يتهمهم ويشك فيهم وللاسف ضعاف العقول يشوفون انهم مسحورين ومتضررين ويكون اهم فيهم شي ثاني
من باب خبرتي وتجربتي الشخصيه اقدر اقولكم ان 85% من الي يشتكون من السحر اهم موسوسون يعني عندهم وسواس
واقدر احدد بكل بساطه اي شخص مسحور ولا عنده وسواس
وانتو بعد تقدرون تعرفون اذا فيكم شي ولا مجرد وسواس
خواتي انا مريت بظروف خلتني اجرب كل شي من رقيه الي مشايخ وناس يعالجون بدول الخليج وسوريا ومصر وصارت عندي خبره كبيره في هالامور
اقدر اقولكم ان اعراض السحر موجوده بالشرع ومحدده ولكن تلتبس علي بعض الناس لانها تتشابه مع اعراض المس او الحسد
للعلم الحسد اقوي من السحر وصعب التخلص منه بعكس السحر الي اذا مسكنا خادم السحر خلاص نقدر نفك السحر
والحسد ريح والريح تختلف عن الجن وللاسف ايضا الجن انواع ولكل نوع شكل واسم وقبيله ووظيفه لانهم مخلوقات مثلنا لهم عالمهموحياتهم ولكن الانسان هو الي يجبرهم عن طريق السحر علي ايذاء الغير لانهم يتاذون من ساحر الجن ويتجبرون علي هالشي لذلك اغلب حالات السحر تنفك بسهوله اذا صدق الخادم ورغب في انه يخرج خصوصا اذا اسلم وترك بلاده الي مكه مباشره
وللعلم الساحر من كثر الحالات موفاضي يجدد السحر الا اذا الشخص الي مسوي السحر اهو الي يتابع الحاله واغلب الناس لما تتشافي تكون باين عليها فيرجع الشخص الماذي يكرر السحر من جديد لذلك انصح المتعافين بكتمان الامر وادعاء المرض احسن
انصح الكل بالرجوع الي كتاب الله وتقويه النفس لان الشيطان يتوطن بس بالنفوس الضعيفه ويخاف من المؤمن وترى قدرتهم مهما كبرت تظل ضعيفه ومالهم سيطره الا علي الي يخاف منهم وتذكرو الايه ان عبادي ليس لك عليهم من سلطان الي هذا معناها لاني ماذكر نصها بالضبط الحين يعني الي يبي يصدق ويخاف راح يظل ضحيه لاذي الشيطان مهما راح مشايخ او دجالين او سحره لان القرين يلعب بالمريض هني حتى لو فعلا مافيه *** او مس وتذكرو الحديث الي يقول ان الشيطان يجري من الانسان مجري الدم 00
انشاء الله اذا فضيت يوم باذن الله اكتب لكم كيفيه الكشف عن السحر ولكن نصيحتي التزام الرقيه الشرعيه والتوكل علي الله والصبر والاحتساب اما الوقفقه في بيبان المشايخ او مدعين الدين او الدجالين والسحره صدقوني مارح تجيب لكم غير المرض ويمكن تتلبسكم الشياطين وتصيرون فعلا ملبوسين ومتاذين من بعد ماكنتو سليمين و ياما شفت حريم تتحمل الطق والخيازرين عند المطاوعه بس عشان اهي موسوسه ومايرتاح بالها الا اذا راحت للمطوع واهي اصلا سليمه
ارحمو نفسكم القران موجود والسنه النبويه موجوده واحنا رمضان ادعو الله وربكم مايقصر
والله يحفظنا يااارب منهم
اللهم آمين
لاحول لله
صج ان السحر مذكوور بالقران بس هذاك اول السحر مايبيله التطورات اللي وصلنالها
اللي عليكم انكم ترقوون نفسكم…وتكثروووووون من الاسنغفار والله الحافظ باذن الله