|
|
السلام عليكم ورحمه الله وبركاته
انا بعرف المستشفيات البيطريه بالكويت من المسئول عنها يعني نروح ندفع فلوس ونشتري الموت لطيور او كاسكو او حيوانت نربينها
رحت مستشفي الدهماء وكان البلبل اللي مربينه بالبيت ما فيه شي بس تكرمون اسهال يغرد ويلعب وياكل ما فيه ولا شي عطوه مضاد حيوي قلت للدكتور شوف رجوله متقرحه قالي ما عندنا مرهم ولا اقدر اكتب لج مرهم روحي البيت وحطي اي مرهم !! خرابيط بلشت احط له مرهم بشري لكن الحال زادت ودته رويال السبت اللي طاف وبعد اسبوع بالضبط مات !! عطوه اقوي مضاد مرتين باليوم بلشت الشعر لجسمه يطيح بس فقط خلال هالاسبوع وصار كله نايم وبد يبين القفص الصدري وجوله ما يوقف حك ويطلع دم منها هالمستشفي دمار دمار
انا مسميته مستشفي الموت
البيت ضايق خلقه علي البلبل وخاصه الصغير عندنا بس لكل اجل كتاب والحمد لله والله يعوض خير بس صج ماكو اهتمام بيطري صح بالكويت والصيدليات البيطريه اللي بره شغل سمكره يصلحون شي ويخربون شي …
انا بعد عندى ثلاث قطاوه عمرهم شهرين وكلهم حاشتهم انفلونزا بس فى وحده منهم طايحه اكثر منهم
وديتها رويال خلوها عندهم ثلاث ايام اتصلوا بالليل قالولى صارت زينه وتاكل
والصبح اتصلوا قالولى ماتت اشلون مادري
وخواتها اللى عندي رحت صيدلية بيطريه اخذت لهم دوا وماشاء الله طابو والحمد الله مافيهم شى الحين
الحمد الله على كل حال قدر الله وماشاء فعل
تري اقولج رويال انا ما شفت عندهم الا جلاب (تكرمين ) لانهم اجانب فيعرفون لهم
اي والله كل شي مقدر ومكتوب الحمد لله علي كل حال
بالنسبه لي صارلي ٤ سنين اتعامل مع مستشفى رويال ما شفت عليهم شي
١- يعالجون قطوتي بين فتره والثانيه
٢- يعالجوني كاسكوي بين فتره والثانيه
٣- يعالجون باقي الطيور اللي عندي
و للعلم عملت عندهم ٣ عمليات للطيور و كانت من احسن مايمكن
ساعات في امراض مالها علاج و يكون سببها غير معروف
بس بالنسبه لي افضل من الدهماء بوااااااايد
بالفعل وترا مرض الإسهال قاتل عند الطيور
والطيور عادت ترا ما اتحمل الأديويه فا لازم احنا كمربين
نراعي صحة الطير من غذاء من نوم واهم شي المكيف وفترة الشتى لازم يكونون بغرفة فيها دفايا
وفي اكثر من شغله لا زم نراعيها بخصوص الطيور
اذا صار فيه نشله اعطيه حبوب مص اخليه يكسر فيه وياكله ويصير زين بعدين