|
|
مرحبا بنات
اللي جربت وولدت في مستشفى السلام الجديد ياليت تفيدنا
من حيث
السسترات ، العناية بالبيبي ، الغرف … الخ
والاهم غرفة الولاده ، نفس المواساة ؟
انا ولدت من 4 سنين بالمواساة وايد عجبني ومحتاره اولد هالمره بالمواساة والا بالسلام
قبل جم يوم قريت برشور حق مستشفى السلام اليديد وحاطين فيه صور للأجنحه الملكيه وايد فخمه
واهي جنه 3 أحجام أغلى شي ب350 الليله وفيه ب160 الليله وصراحه أثاث الغرف روووعه بس
ماشفتها ع الطبيعه بس بالصور
وان شاءالله اللي ولدوا عندهم يفيدونج 
بس ترا انا رحت له قبل جم يوم وشفت الأجنه مالوته وحلوين والله ويطلون على البحر :d بعد وحتي السسترات والدكاتره هناك نفسيتهم حلوه انا صادفت هناك دكتورتين وحده اسمها نجلاء مصريه ووحده على ما اعتقد هنديه او باكستانيه اسمها اسماء …
بس عن الدكاتره ما عندي فكره
عدل البروشور شفته بس حبيت اعرف اللي مجربه ورايحله وشايف الغرف
مشكوره عالمشاركة
الشيهانه
ام الطيب
شكرا عالمشاركه
وانا اراجع عند د ليلى ابو الليل اللي بانترناشيونال كلينك واهيا اللي راح تولدني
الله يسهل على كل اللي على ويه ولادة
اي و الله يابنات اللي جربتها تقولي انا امفكره فيها بس بغيت اعرف غرفه الولاده اشلونهااااااااااااا
و شكرا
بالنسبة لولادة السلام انا توني والدة فيه فخلوني ابتدي معاكم بند بند
اولا : غرفة الولادة: صراحه حجمها كان كبير وفيها قعده عبراة عن كرسيين وطاولة وكرسي ثاني عند سرير الولادة وفيها تلفزيون وتكرمون حمام
ثانيا : السسترات : في غرفة الولادة سسترتين على طول عند راسج ما يهدونج وفي سستر ثالثة تروخ وترد عليج وبما ان ولادتي كانت بالليل فدكتورة الطوارئ كانت تروح وترد علي ليمن يت دكتورتي نجمة علي . وبالنسبة لسسترات الجناح فصراحه يهبلون وعلي طول يمرونج ويسئلون عنج وعن البيبي وصراحه خدمتهم اتينن
ثالثا: الغرف : انا خذيت جناح الثريا في الدور التاسع اهم مافيه المنظر كان روعه وعلى البحر صراحه شرح وكل من يدخل مستانس علي المنظر العجيب
وعسى الله يسهل على كل الحوامل ويقومون بالسلامة واي سؤال انا حاضرة
يعني نفس المواساة انا يهمني غرفه الولاده لان ماحب تكون مشتركه نفس الصباح
طيب عطوج كمام ؟ وشلونه ؟
والعنايه بالبيبي شلون كانت ؟
اكلهم شلون ؟ المواساة كانوا يعطونا منيو ونختار الريوق والغدا والعشا
سولفيلنا اكثر عن المستشفى
الكمام : ممتاز يعني تحسين بالالم خفيف كلش واحيانا كنت انام فما ادري عن شي وهالمرة ما ادري اشياني ونمت والا انا نوعي اقعد لهم قعده واجابل السسترات بالاسئلة فالظاهر حطولي شي عالاخير والله ما ادري !!!!!!! حتى انا ماسالتهم بعدين المهم انى ارتحت وبس اللهم لك الحمد .
والعناية بالبيبي : ممتازة بعد والسسترات اينون وكل ساعه طابين علي بما اني كنت امسوية استقبالي العصر فكنت اخلي بنتي عندي النهار كله واهم كل ساعة ياييني ها ناخذها ؟, انزين غيرتي لها ؟, رضعتيها ؟ . وكل ما تغير الزام يتني وحده اتعلمني طريقة الرضاعه وانا اقولهم هذا مو اول بيبي لي صدقوني اعرف بس والله كلهم حبوبين وحريصين . حتي دكتور الاطفال لما فحص بنتي طلب اقابلنيواقول لي نتيجة الفحص واذا عندي اي استفسار اهو حاضر بس ابلغ السسترات .
الاكل : نفس ما قلتي اييبون لج منيو وتختارين منه لج وللمرافق وعلى فكرة الجناح اللي كنت ماخذته ( الثريا ) معاه مرافق .
هذا غير الدكاترة اللي يمرون عليج يسلمون ويطمنون واذا عندج اي مشكلة او استفسار ( غير دكتورتي اللي كانت تمرني كل يوم ) يمكن ليش ان دكتورتي من نفس المستشفى .وهذي اجاباتي علي اسئلتج
وانشالله اكون افدتكم