|
|
السلام عليكم ورحمة الله وبركاته
شلونكم بنات
والله اكتبلكم وانا نفسيتي تعبانه بنات انا مشكلتي صارلها سنه تقريبا واهي بشرتي اول ماكان فيني شييء الحين بشرتي حبوب واثار وشاحبه انا بدون مبالغه اومدح انا الحمدلله حلوه وجميله بس من طلعت لي هالحبوب واحس خربت علي الحمدلله على كل حال المهم مابي اطول عليكم انا قطيت فلوسي بالخاص بمستشفى طيبه كلينك وربي اللي خلقني انه مافاد الازاد مع ان كنت منتظمه بشكل يومي وماشيه عالبرنامج الحين وجهي قاب حبوب وعرسي شهر 12 ان شاء الله
تهقون يمدي تتحسن بشرتي قبل العرس بسالكم انا ودي اعالج بشرتي بمستشفى الاحمدي منو عالجت عندهم اوتعرف احد عالج عندهم وجم يبيله عشان تتحسن البشره ساعدوني الله يفرج همكم ويرزقكم التوفيق 
تم تعديل العنوان ونقله للقسم المختص
يرجى الالتزام بقوانين المنتدى
bnt_7waa
شوفي انا بنصحج ومابي منج الا الدعاء اول شي حطي ببالج اي شي تاكلينه يعكس على ويهج وبشرتج هذا اولا
ثانيا مافي مانع الاعتناء من بره بالكريمات والتونيك والترطيب
شنو تسوي اول شي من باجر تروحين الصيدليه تشرحين وتقولين له المشكله سواء حبوب او اثارها او ..الخ وتاخذين منه تونيك ومنظف وكريم ترطيب وكريم ليل ونهار
وتستمرين عليهم عدل
ولازم وشي ظروري تشربين ماي وايد مو شويه كل شوي شربي ماي
اكلي روب مره باليوم وقصصي على الروب خياره هالخلطه تصفي البشره بطريقه عجيبه
اكلي فااااااااااااااااااااكهه كثري منها البرتقال والفراوله والخوخ والاناناس والكيوي عجيبين حق البشره واذا مو متينه جربي التين والموز والمانجا
ولاتنسين التمر شي عجيييييييب
وان شاء الله بس تتبعين هذيلا بتلاحظين تحسن وايد كبير ببشرتج
الحبوب طلعت من شنو بالضبط ؟ اخذي بالاسباب اشربي ماي مقري وغسلي وجهج فيه
ترى المحاتاة والتفكير بموعد العرس والخوف اهي اللي تطلع الحبوب
أو اكلي حبوب زهرة الربيع تهبل تصفي البشره وتعدل الهرمونات واسألي الصيدلي عنها اذا تبين عنها معلومات
نسيت اقولج مستشفى الاحمدي يمدحون عيادة الجلديه فيه بس للامانه مارحت له وسألت كم وحده عقب راحوا قالوا ترى الحين المستشفى تغير عن قبل يعني مو مثل كفائتهم قبل انتي روحي بنفسج وشوفي احسن
وان شالله ماتشوفين شر
والله في كثير استغفرو وكلن حسب نيته وجابو اطفال من بعد عقم
ادعي ربك و الله كريم
وحطي موية ورد في علبة الثلج ولمن تثلج استعمليها باستمرار ترا مره روووووووووعه ماءالورد
والروب مثل ماقالت اختي مرررررره روعه الله معاك
اابذلي الأسباب وداوي روحك بالدعاء والإستغفار وجسمك من الداخل والخارج
وطمنينا عنك وألــــــــــــــــــــــــف مبروووووووووووك مقدمآ
بصراحه مستشفى الاحمدي للجلديه روووعه وطق عصي عليه
وادويتهم زينه وماتلقينها بالصيدليات الثانيه ولا العيادات الخاصه واذا لقيتها تكون غااااليه
بس مشكلتهم مواعيدهم تطول
انا ماخذه عندهم موعد من شهر ونص وللحين بعد باقي عليه اسبوعين يعني بيصيرلي شهرين
الله يشافيج حبوبه
الكل قالي بشرتج تغيرت
بس المشكله ليه خص الدوا كلشي يرجع بس همن مو نفس قبل
اللي أبيه منج انج تدعيلي إذا فدتج بشي ( إن الله يرضى عني و يوفقني و يعطيني اللي اتمناه يارب و يكتبلي كل خير أنا و كل اللي يدعولي )
اذا عندج واسطه جدمي موعدج
وبالتوفيق =)