|
|
السلام عليكم ورحمة الله وبركاته …
يااخوات انا طفلي عمره تسعه شهور ويعاني من امساك شديد من بعد ماغيرت الحليب
في بداية العمر كنت استخدم اس 26 ومن بعد 6 شهور استخدمت بروميل 2 اللي متابع لــ اس 26
وبصراحه من بعدها ولدي ماشاف خير من الامساك
مع بداية الشهر السادس بدات ااكله خضار مسلوق وروب ومهلبيه واعطيه عصيرات
بس مااحس انه فاد معاه من ناحية الامساك والدكتور يقول استخدمي التحاميل الجليسرين
وانا مابي اعود طفلي على التحاميل
ايش تنصحوني فيه يااخوات
اللي عندها خبره تفيدني
ولكم مني اجمل تحيه
جيبي قراصيه (البرقوق) اللي هي البخارة الناشفه انقعيها في الماء واخلطيها في الخلاط واعطي طفلك منها كميه قليله على الريق
وبنفس الطريقه اعملي الزبيب لانه فيه نسبة سكرياتتساعد على ليونة البراز اكرمك الله
اكثري لطفلك من العنب – وعصير البرتقال المخفف
وابتعدي عن ارز + الجزر +السيريلاك + الزبادي+ المهلبيه لانها كلها تسبب الامساك
وخليكي على الخضار المهروسه بدون الارز والفاكهه
الله يشفيه ويعافيه
روحي مطحنه اشتري قراصيه نقعيها بماي وشربي مايها وبس بدون اضافات
عذا كلام الدكتور فهد مخيزيم وفاد العلاج مع بنتي
ومايشوف شر
ولا توكلينه بطاط ولا جزر يسوون امساك
منقوغ التمر
ملعقة زيت زيتون اصلي من معجزه الشفاء قبل الرضعه
سكر نبات مع ماي دافي
والله اول امس مصيبه الياهل مو قادر يسوي ويطلع عزج الله مع الخروج دم من شدة الامساك
بس اليوم الحمدالله مع الينسون ارتاح الياهل
ومن تحت بعود الاذان حطي فية زيت زيتون
والله يشفية