|
|
قووه
انا ورفيجاتي ودنا نسوي مشروع صغير
وفكرنا وقررنا نسوي مجله بس نبي جهات تدعمنا ياليت الي تعرف تدلينا وماتبخل علينا
وياليت الي عندها افكار تساعدنا؟؟
وعطونا مشاريع غير المجله
واكون شاكرتلكم
شوفي أحد من الهوامير يمول لج المجله 
موفقين ان شاء الله
اول شي يبيلج خطه تحددين فيها نوعيه المجله مثلا اجتماعيه او نسائيه او صحيه او دينيه او شامله
ثاني شي ستاف او كوادر يشتغلون اييبون لج المواضيع الحلوه والصور المشوقه والخبر السريييييع واليديد
ثاني شي اخراج المجله ويبيلج مصمم كمبيوتر يخرجها بشكل حلو
وبعدين تتفقين مع اي مطبعه مثلا مطبعه جريده الوطن تطبعها لج مره بالاسبوع وتدفعين لهم طبعا
والدعايه الحلوه لها بالتلفزيون او كفرها ينزل بالجرايد كنوع من الدعايه
ما اجذب عليج نسبه نجاحها بسيط لاسباب وايد
اول شي المجلات القديمه بالسوق تنافسها منافسه قويه
واذا تبين تبعين لازم تصرفين وايد وايد على الكفر مال المجله عشان الناس تشتريها
ثاني شي قلت القراءه بشكل كبير الناس الحين تلاقي الخبر بالنت وماتشتري مجلات
انا هذا رايي
واذا تبين شي يمشي بالكويت خليج بالمشاريع الي لها علاقه بالمناسبات مثل الكاكاو والحلو وتجهيز الاستقبالات هذه الاشياء طول السنه تمشي ومالها موسم واحد والناس يحبون السنع والكشخه
بالتوفيق وسامحيني اذا احبطج
بعد قلبـ قلبكمـ
مع تحياتيـ SOFTLADY
.
بالعكس لااحباط ولاشئ واحنا بنستفيد من ارائكم
واحنا فكرنا نسوي مجله شبابيه والي كنا حاطينا ابالنا ان اول سنه المجله نوزعها مجانا على الكليات
والاماكن العامه
بس شكلنا بتراجع عن الفكره ونفكر بمشروع اقوى