|
|
الله يعافيكم اللي تقدر تفيدني وتساعدني….
عندي درس ريادي الكورس الثاني على مستوى المنطقة التعليمية في مادة التربية الإسلامية الصف الخامس ماني عارفه بأي موضوع من الدروس أسويه وشنو الأفكار المميزة اللي أسويها وشلون أوزع تحضيراتي على الضيوف أبي طريقة فيها فناتق
عفيه ساعدوني بكل أفكاركم لاني بسويه بالمسرح وعلى الداتا شو
ومشكووووووووورين
إن شاء الله ..موفقة وبيصير درسج من أحلى الدروس
لو بس تحددين الدرس عشان أقدر أعطيج أفكار له
إذا ما عندج الكتاب حمليه من هذا الرابط عشان تشوفين المواضيع
https://www.q8yat.net/showthread.php?t=568708
حلو تسوين معرض بعد الدرس متصل بموضوع الدرس
إختاري الموضوع وأقولج شلون
أخاف ما أرد عليج اليوم عاااادي أووووكي لأني طالعة بره
بس أحاول أشوف الرد بإذن الله تعالى
ناطرتج
بس والله مادري محتاره أسويه في مجال الفقة درس صفة العمرة أوسنن الإحرام ومحظوراته أو في مجال التهذيب المحافظة على المال والإعتدال في الإنفقاق
بس اللي عندها أفكار حلوة بدرس غير هذول عطوني
بعدين تسوين لهم معرض عن العمرة يصير كل خطوة من خطوات العمرة بروح …
يعني مجموعة بنات يقولون التلبية
ومجموعة ثانية يسوون عن نية الإحرام ((واحد يتكلم عن نية الإحرام والباقي يمثلون ))
مجموعة ثانية يسوون عن الطواف ((واحد يتكلم عن كيفية الطواف والباقي يمثلون ))
مجموعة ثانية تسوي عن السعي ((واحد يتكلم عن صفة السعي والباقي يمثلون ))
ومجموعة ثالثة يوزعون مطويات عن العمرة أو اي شي يتعلق بالعمرة مثل ماي زمزم ومسواك وغيره
ترى حركة المعرض حلوة وسريعة بعد الدرس وبنفس الوقت متعلقة بالدرس
…..
في بداية الدرس قبل لا يدشون الحضور تشغلين صوت التلبية وتخلينه شغال ليما يبدي الدرس
تسوين مجسم على الكعبة وتحطين حواليه أوراق الدرس مطبوعة وتخلين وحدة من البنات لابسة ثوب أبيض توزعه على الحضور
اما المطويات وغيره خليها بالمعرض إللي قلت لج عنه
————-
بالنسبة لأفكار الدرس بس أطلع عليه وأعطيج أفكار له بس عقب ما تقررين
ناطرتج تقررين يالغالية
موفقة إن شاء الله تعالى
لتحقيق اهداف الدرس
وانشاءالله ببدي تحضير يدوي فيه عشان أسويه بوربوينت بس ودي بأفكار حق البور بوينت وشلون أعرضهم لاني أول مرة أسوي درس على البوربوينت لأني مدرسة تعين جديد هاذي أول سنة لي
انا معلمة متوسط والا جان ساعدتج بالدرس اكثر لكن ما اعرف المنهج بالضبط
بس بساعدج بجم شغلة للدروس النموذجية عموما وركزي عليهم
لا تفكرين بالديكورات وااااايد ترى اهم شي وقفتج جدامهم وتمكنج من المادة
ترى بالنهاية الموجهة اهي اللي بتقيمج والموجه شبعانة دروس فالديكورات تارسة عينها من زمان
لكن وقفة المعلمة اهي الاهم
ثاني شي تدربي على اللغة العربية المبسطة وتدربي على قراءة الآيات عدل وفهمها عدل عشان ان اسألوج اي سؤال الا عارفة معاني الكلمات
الموجهات ينتبهون اذا كنتي مدربة البنات على الدرس جم مرة قبل الحصة واحنا بالمتوسط يعتبرونها نقطة سلبية ويفضلون ان البنات يكونون محضرين ومستعدين من نفسهم عشان الموجهة تشوف مدى قدرتج على توصيل المعلومة للبنات .. بس الصراحة ما ادري اذا هالشي يمشي بالابتدائي
حطي ملف فيه تحضيرج للدرس وتصوير للدرس ولو هدية بسيطة مثل بروشور عن صفة العمرة او سي دي فيه شرح للعمرة وغلفيهم تغليف مرتب
في فكرة حلوة
الحضور وزعي عليهم ارقام ( كلفي زميلة لج بهالشغلة ) تعطيهم الارقام لما يدخلون وبنهاية الدرس سوي مثل السحب على جائزة بسيطة للحضور
وبعد فكرة ثانية
لاتنسين عند الباب دفتر تسجيل الحضور
شوفي اللي احضرو درسج يستاهلون التقدير : جهزي شهادات تقدير او شكر على الحضور وكتبي فيهم كلمات حلوة وطبيعهم وخليهم جاهززين وبنص الدرس حصري الاسامي وكتبيها على الشهادات وتقدرين بآخر الدرس تسلمينهم الشهادات او ان تطرشين الشهادات لمدارسهم بعد الدرس بس الافضل ورا الدرس على طول
ربي يوفقج
وانا معاها اهم شي ثقتج بنفسج ووقفتج وجو الحصة يكون حلو
وافكار جديدة مو وسائيل لا افكار حلوة وجديدة بالدروس
أبلة كويتة وأبلات التربية الإسلامية أبي مساعداتكم وأفكاركم
ابي مساعدتكم لي في درس صفة العمره
المديره طالبه مني درس نموذجي وانا جديده في التدريس
تكفوووووووووووووووون ساعدوني
انا مو عارفه شسوي لاني ولا مره حضرت درس نموذجي ( درس نفاق)
تكفووووووووووووووووووون ساعدوني