مسابقة رااااائعة في نهاية الحصة ممتعة ومسلية لكل المواد والمراحل لا تطوفكم

السلام عليكم ورحمة الله وبركاته

سبحان الله وبحمده

سبحان الله العظيم

عندي لكم خووووووش مسابقة تسوونها بنهاية الحصة

واااااايد حلوة حماسية ممتعة مسلية

شنو هي ؟؟؟؟

إسمها مسابقة

سوبر ستار

إذا مادتج قرآن مثلي تصير سوبر ستار القرآن الكريم

إذا مادتج عربي تصير سوبر ستار القراءة أو الكتابة أو الخط

………….. وهكذا على حسب المادة

طريقة تطبيقها

تقولين للبنات في نهاية الحصة عندنا مسابقة سوبر ستار القرآن الكريم مثلا

راح نسوي لجنة التحكيم

لجنة التحكيم مكونة من

1- رئيسة اللجنة
2- نائبة الرئيس
3- الكاتبة

تختارين ثلاث بنات تلبسينهم باجات مكتوب عليها رئيسة اللجنة نائبة الرئيس ويكونون من أشطر البنات في الصف والكاتبة

تختارين بنت تدخل على اللجنة المكونة من (رئيسة اللجنة ونائبة الرئيس)

تسمع لهم الآيات المقررة وهم يحكمون على قرائتها

وبالنهاية يحكمون جم نجمة تاخذ من نجمة وحدة لي ثلاث نجوم

إللي تاخذ نجمة وحدة تكون عندها أخطاء وايد

وإللي تاخذ نجمتين تكون عندها أخطاء بس بسيطة

وإللي تاخذ ثلاث نجوم هي المتميزة

الكاتبة تكون عند السبورة تكتب إسم البنت إلي دخلت على اللجنة وتحط عند إسمها جم نجمة حصلت

ملاحظة

تقدر كل أبلة تخلي وظيفة اللجنة على حسب مادتها

يعني إذا عربي تحكم اللجنة على قراءتها

إذا إنجليزي تحكم مثلا على كتابتها

………..وهكذا

في نهاية الكورس تشوفين منو أكثر وحدة حصلت نجوم من لجنة التحكيم

تعطينها هدية أو تعطينها شهادة تقدير ..يعني أي شي تقدرينها فيه

أتمنى المسابقة وااااااااااااضحة

عن تجربة

لا تطووووووووووفكم

إنتو مع البنات راح تستانسوووووووون وااااايد واااايد

تخيلو آنا بعد دشيت معاهم على لجنة التحكيم وإختبروني وسمعت لهم

وتعالي شوفي البنات وهم يشجعوني مستانسين حيل حيل لأني دخلت على اللجنة معاهم

مو مصدقين إني قاعدة أختبر معاهم ..ومن صجهم يقولون أبلة نتحداج ..إحنا راح نجمع نجوم أكثر منج

وتعالوا شوفوا التنافس رووووووووووووعة ..لي درجة إنهم إيوني يقولون أبلة إخذينا بالإحتياط عشان نسوي هالمسابقة

تسوي جو رااااااااااااااااااااائع راااااااااااااائع مو طبيعي

افكارج حلوه يا ابلة كويتية — والله انت مبدعة

وااااااااااااااااااااااااو

فكرة ولا اروع

جاري الاعداد لها وان شاء الله التطبيق
بس حبيت اسئلج
جم وحدة ندخلها مثلا بالحصة الوحدة؟؟
انا ابلة اسلامية مثلج
فشلون يكون التوزيع عادل بين البنات
يعني اخلي المسابقة تمر ع الكل بلا استثناء او المستعدين والا شلون؟؟؟

ماااااااااشاء الله

مبدعه دائمااااااااااااااااااااااااااااااااااااااا

وأفكارج رووووووووووووووعه

إلى الأمام دائما

يعطيج العافية ….ابله
لكن اشلون الوقت يكفيج

أفكارك حلللللوه
بس الحصه ماتكفي أبداً
على مانردد الأيات ونحفظها دق الجرس ؟؟!!!!!

فكرة حلوة يعطيك العافية

حياكم الله منورين الموضوع

شاكرة المرور والتفاعل الراااااائع

7

7

بالنسبة للوقت يكون هو وقت التقويم المخصص في آخر الحصة

آخر 5 دقايق

والمسابقة بكون تنافسها مستمر في كل حصة مو بس بحصة وحدة

يعني في الحصة تقريبا يدخلون على اللجنة 5 بنات يختبرونهم وياخذون النجوم ويحتفظون فيها

الحصة إللي وراها تاخذين 5 غيرهم …بالنهاية بعد جم يوم تشوفين منو حصلت نجوم أكثر

تسوين بينهم منافسة ..وهكذا…يعني المسابقة مقسمة على كذا حصة مو بحصة وحدة تخلصين كل البنات

أتمنى تكون الفكرة وضحت

.

حلوه الفكره ماشاء الله

بس صعب تطبيقها على العلل اللي عندي .. يشلعون القلب ..

جزاج الله خير ..

يسلمووووو مبدعه روووووووووووووووووووووووووعه

حيااااااااااااكم الله منورين الموضوع

جربوها ترى روووووووووووعة لا تطوفكم

تفاعل حماس حيوية ….= مسابقة سوبر ستار

تم الرفع لتعم الفائدة للجميع

يا افكارك يا ابله كويتية

يسلموووووووووووووووو

ابداع يا بنااااااااااااااااات…

افكار رهيبة…

حلوه الفكره

يعطيج العافيه