مسابقة خبيرة الاعشاب ام خالد الهاجري . افادة و جوائز قيمة

السلام عليكم

حبيباتي كرووووشات منتدى كويتيات

عندي لكم مسابقة جديدة

ما ابي احرق عليكم المفاجئة

بس مبدئيا الجائزة بتكون عبارة عن برنامج نفاس كامل بقيمة 100 دينار على اقل تقدير

تشمل الجائزة

كورس النفاس من خبيرة الاعشاب ام خالد الهاجر ي

و الكورس يتكون من : اللهوم – الحسو – شاي الاعشاب – دوا القهوة – الغسول – دوا التمر و السفوف
بالاضافة لكتيب النفاس الي فيه جميع التعليمات المتعلقة باستعمال الادوية و نصائح النفاس الاساسية

بالاضافة لزيت بنت الاحلام لتقوية الشعر

و ان شاء الله بتكون عندنا جوائز ثانية سوف اعلن عنها في وقت لاحق بعد التنسيق مع تاجراتنا العزيزات في المنتدى

شروط المسابقة :

* العضوة المشاركة اتكون حامل بالثامن او التاسع

* عدد مشاركات العضوة لا يقل عن 250 مشاركة

* العضوة الفائزة تقوم بتصوير الجائزة و ادراجها في موضوع منفصل عن طريقتها في النفاس
يعني كيف تهتم بنفسها و وجبات الاكل و برنامجها عموما بالنفاس

* يحق للاخوات من خارج الكويت الاشتراك في المسابقة شرط تحمل رسوم الشحن في حال الفوز

* مدة المسابقة اسبوع واحد من اليوم اي الفرز سوف يكون في يوم 16_1 و اخر موعد لتسجيل الاسم 15_ 1

* الاشتراك يكون مرة واحدة

و بيكون عندنا ان شاء الله 3 فائزات

طريقة الاشتراك :

تسجل العضوة اسمها بالاضافة لنصيحة اساسية لفترة الحمل او ما بعد الولادة

السحب النهائي و اعلان اسماء الفائزات يشرفنا ان تقوم به مشرفتنا العزيزة ام طلال

شكرا للجميع

و في انتظار مشاركاتكم

و تمنياتي لكم بالفوووز و عسى الله يهون عليكم ان شاء الله

موفقه اختي
حسافه انا بالسابع ومشاركاتي قلييله كان ودي اشااارك
يسلموووو

يسعد مساج حببية قلبي

خوش مساااابقه

وعساج على القوه يا الغلا ..

سجليني اول وحده

ونصيحه للحااامل .. في حملها تهتم بصحتها وتاكل فواكه خضروات وحليب
ومكسرات

وسلامتج يا غلاي

حسافه انا موحامل <<<<<<< هذا اللي ناقص ههههههههههه

بنصح كل حامل ماتكثر من الاكل الدسم بالليل ولاتنسين الرقيه قبل ماتنامين تمسحين ايدج علي بطنج وتقرين القرآن ترا الياهل يحس بالامان ويسمع القرآن سبحان الله

شار كت وياج يمكن افوز بديرم والا شي ينفع العيايز من بضاعتج يمه"(:

خوش مسابقة بالتوفيق للكل

ياحلوج يا الغاليه نونو ..

والله اني احبج في الله

لاتقطعين المنتدى ..

عسالله يوفقج يا أم خالد ويوفق الجميع وربي يسهل امورج وامورنا ويسهل ولاداتنا وللأسف للحين مادخلت الثامن بس نصيحتي للخوات :
مع كورس نفاس ام خالد الهاجري ..مش حتقدر تغمض عينيك

مشكوووره وخوش موضوع ومسابقه الله يعطيج العافيه والصحه وعليها بالعافيه الي بتفوز

نصيحني للحامل
حصني نفسج بالاذكار واكلي فيتاميناتج ولاتاكلين دسم بالليل لا يلعب عليج الحارج(:

انا حامل بالتاسع << نصابه هالبنت

بس ليش ليش هالشرط واللى بدايته حملها

الله يسامحج بس همن بحط نصيحه

بنات لاتنسون الكالسيوم وفيتاميناتكم والفوليك اسيد توني عرفت قيمته لما بديت علاج ولدي
حسيت بالتعب والهلاك لطفل ماعدا ال سنتين متعذب بالعلاج والتدليك والابر ومتغربين بره الكويت بالمانيا
غير علاجه من عمره سنه الى سنه ونص بالكويت مابين الفروانيه ومابين الهادي والرزاي
هالشي صعب علي نفسيا وعلى شوفته ولدي يبجي من الالم وهو يتدلك
وهالشي اثر فيني حيل وفوق هذا يقولون لي احتمال الاطفال القادمين في تشوهات بالرجل نفس الولد ان ماشفتي الخلل
كله بسبب اني كنت يوم وترك اكل هالحبوب وساعات انسى اروح الموعد
والنتيجه رجل ولدي تعبانه ومسكين يعرج ومشاكل بالعظم وتقوس بالرجل
وهمن الشي هذا انعكس همن علي بعد الحمل اني وصل فيني نقص حاد في فيتامين د اضطريت اخذ كورس ابر بالسلام
وهمن نقص الحديد واخذت 12 درب فيه داخله كبسولات الفورساك

يعني يابنات صج الحبوب ثقيله ومالج خلق بس يوم تنسين ويوم تتعايزين ويوم تقولين مالي خلق اروح الموعد
هالشي كله لا لمصلحتج
ولا لمصلحه البيبي
وهمن مو مصلحه للحمل القادم

هذي نصيحتي وبفووووز بس بدعوه منكم الله يشافي فهد ويرزقني التوائم << طماعه

هااااااااا فزت

تسجيل

بآخر الثامن . .

نصيحتي للحامل لا تنسى الاذكار اليوميه والفولك اسيد اول الشهور
ولاترهق نفسها باول 5 شهور ..

الله يشفي فهووووووووودي يارب ..

وترجعون بالسلامه ياقلبي

وانتي فايزه بقلوبنا ام عفوف

فوفو

وناسه انتي وياي .. فديتج فوفو

عسااج عالقووه ياقلبي
وانا خلاااص خذيت كورس النفاس منج

بس بحط نصيحه لكل حاامل

كثري هالدعاء
أسألك اللهم حسن الخلق وهون الطلق

وماحطيته الا عن تجربه بولادتي اللي طافت مع إنه كان طلق صناعي بس سبحان الله ربي هونهاا علي

ام عفاف
ياقلبي عسى الله يشفي فهد وتفرحين فيه يااارب

السلام عليكم ورحمة الله وبركاته ،،
اول شي عسى الله يثبت حمل كل وحده ويرزقها الطفل المعافى السليم ،،
ولاننسى ندعي لفهد ولد اختنا ام عفاف اسأل الله رب العرش العظيم ان يشفيه وتشوفينه معافى قولوا امين تكفون دعوة المسلم لاخيه المسلم في ظهر الغيب مستجابة أكثروا الدعا لفهود ويصبر امه ،،

ثانيا أنا موحامل تو والده لي شهرين ، واشكر جهود ام خالد عسى الله يبارك فيها ،،
نصيحتي للحوامل تاخذ الفوليك اسيد اول ثلاث اشهر وبعدها تبدأ بالبريجنابلان وتلتزم بمراجعاتها لدكتورتها حتى لو كانت أمورها تمام ، تأكل الخضروات والفواكه وتبتعد عن الدسم وولاتغث عمرها بالإكل وتمارس رياضة الحوامل واهم شي تهتم بالتغذيه الصحيه لان في داخلها طفل محتاج الفيتامينات والبروتينات والكالسيوم فتلتزم فيهم عشان ترزق بطفل سليم ومعافى وحتى يكون وزنه مناسب،،
نسيت انبه الحوامل من الفطريات اللي تكثر اثناء فترة الحمل لان لها ضرر كبير على الجنين برحم امه ،،
وتمنياتي للجميع بالتوفيق ،،

انا بالثامن

ونصيحتي بسكم كسل وتحركو الحركه تسهل الولاده
وكل يوم اقري على وليدج واهوا فبطنج وسولفي معاه
ولاتنسين ادهنين صدرج عشان بعدين ماتتاذين بالرضاعه

والله يسهل علينا يااااارب