مرض تكسر بالدم عند الاطفال معلوماتكم وتجاربكم بليز شاركوني فيها

حبيبتي لا تخافين ……هالمرض مايخرع ولازم تحتاطين معاة بالاكل عشان لا ييتظرر ………لا يقرب البقوليات ولا الاكل اللي فية صويا ……انا ولد خالي فية من يوم عمرة 2او3 عرفوة وهو فعلا وراثي بس موشرط من الام والابو او الجدان يمكن من جد بعيد بس صار بولدج ………..وغالبا يصيب الاولاد اكثر من البنات وهالمرض مزمن على حد علمي مايروح
وبالنسبة للحديد تقدرين اتغيرين النوع مو شرط النوع اللي تستخدمينة في انواع وايد …وكثري عصير رمان وتمر وشمندر ترى بسرعة ترفع نسبة الدم والله يشافية لج ويعافية

السلام عليكم

يسعدني اني اكون اول وحدة ترد على موضوعج و عسى الله يشفي ولدج ان شاء الله

بالنسبة لتكسر الدم و تسمى انيميا الفول لان اتصيب اناس الي ياكلون بقوليا بشكل كبير و الله اعلم

بس الي اعرفه ان في نس اتكون عندهم حساسية من بعض انواع المضاد الحيوي و اتسبب لهم اعراض مشابهة ,, او ممكن اتكون وراثية

سوي سيرج قوقل ( انيميا الفول ) و شوفي تفاصيل الحالة

بس آنا مرتني حالة مشابهة و سوت لولدها نظام غذائي و التزم بعلاج الطبيب و خذت له عسل اطفال من العويد .. تقول صار زين

و ان شاء الله فهودي ما فيه الا العافية

حبيبتي لاتخافيييييييييييييييييييييييييييييييييين..هذا المرض فعلا وراثة…انا خالتي فيها التكسر بس هو انواع…يعني خالتي صحتها ممتازة بس ممنوعة من البقوليات مثل العدس والفول والمكسرات..واحد من اخواني طلع فيه ونفس الشئ من انولد وامي طبعا صارت تلاحظة من المكسرات زي السنكرز وغيرة والفلافل….ولد حماي طلع فيه ونبهت عليهم الدكتورة انه ماياكل فول لانه بدال مايغذيه العكس يحرق دمه وصار هو من نفسه ماياكل…وخالتي اللي قلتلك عنها تزوجت والحين عندها ولد وبنت وما فيها الا العافيه وهذا المرض(او الحساسيه تجاه البقول)تضل طول العمر ..ولا راح يعطيك الدكتور ادويه لاتخافين لانها هي حساسية مثل مافيه ناس عندهم حساسية من الموز والبيض…بس انه راح يكتبلك بدال المسكن او خافض الحرارة اللي تستعملينه اذا مرضو نوع ثاني وبس حبيبتي وذا عندك استفسار انا حاضرة..

salam
ana ahalee fehom ohwaa werathaa el marath bas y3aljon now eb italy oo 3al 7okomaa wayed a7san men hne la yl3boon fehom bas ma 3ende wayed ma3lomat bas 7abet aqolej etha tqdren 3aljehom bara a7san
oo ma yshofoon shar 3yaleej enshala

السلام عليكم

حبيبتي هذا المرض وراثي ونص الكويتيين فيهم تكسر بالدم ، أنا فيني أنيميا البقول g6pd ، تكسر بالدم
بصراحة وايد عانيت منه ، مثلا اذا أكلت عدس أو بقوليات حتى الذره لو قفشة وحده طبعا علطول يصير فيني
هبوط بالدم ورقعه بالقلب ، اجتنبي فيتامين سي حده خطير للتكسر ، أكو بعضهم يقولون له علاج وبعض الدكاتر
يقولون ماكو علاج لأنه أمر وراثي ،،
ولد رفيج ريلي صغير طاح عليهم مره وحده ودوه المستشفى وقالو حق الابو ان لازم يغيرون دمه يعني يسحبون
جيس دم من الصبي ويحطونله يديد طبعا الدكتور قال نبدل دمه لأنه صغير واللي فيه خفيف ،،

ووحده من أهلي حولوها مستشفى مبارك وحدة الدم هناك عالجوها تقول وصارت زينه جم سنه بعدين رجع عليها
وردت حق مبارك مرة ثانيه ضبطو لها ،، بس ترى ماكو بالكويت الا مستشفى مبارك قسم الدم ،،
وبعض الدكاتره اللي اروحلهم الله يسامح اللي حاطهم أقولهم فيني تكسر يعني يقولي مو عارف شنو تكسر ، أقوله
يعني أتجنب مضادات حيويه لأنها تكسر دمي وأعطيه ورقه عطوني اياها المستشفى من قبل لما اكتشفو ان فيني
تكسر تبين الانواع اللي اتجنبها من الاكل والمضادات والمسكنات …

إن شالله ربي يشافي لج فهودي وتفرحين فيه ياااارب

حبيبتي الله يشفيهم ياارب ويشفي فهد "

انا بنتي جذيه يوم كان عمرها 3 سنوات طاحت علي خلااااص ناشفه مافيها دم
ولايقولي الدكتور ضروري نعطيها دم من بعد ماخذوا منها تحيليل دم

طلع معاها تكسر بالدم ~ وعطأها جيس دم ويومين كله درب ويومين بس ملاحضه يعني تقريبا قعدت اسبوع بمستشفى بمبارك

قالي المرض هذا يمكن يروح منها ذا كبرت اذا تعاونتي معاها يعني لاتاكل بقوليات
وعطيها دوم سمك وشوربات وحليب

بنتي حاليا تعدلت نسبه دمها ولله الحمدالله بس هم فيها ضعف

ان شاء الله اذا كبرت اكثر يروح عنها المرض

بس اهم شي ديري بالج من أكله زين ترا بنتي اخر مره طاحت والسبه أكلت فلافل ولافلفه وحده

الحين عمرها 7 سنوات الله يحفظها ومن شهرين سويت لها عمليه لوز و ولحميه بمستشفى الاتصلات اشوفها وايد تحسسنت عن قبل

والله يعطيها ويعطيكم كل الصحه والعافيه

الله يشفي ولدج ويعافيه

حبيبتي انا ولدي من اول ماجبته يسوي عندنا احنا فالدوحه تحاليل حق كل شي فقالو لي المستشفى
ولدج فيه انيميا الفول (( تكسر الدم )) وعطوني ورقه فيها لسته ادويه ممنوعه
واهمها اي دواء فيه اسبرين ماينفع
وطبعا هالمرض وراااثه من خوالي انا تخيلي انا وابوه مافينا بس جاه من خوالي انا
المهم رحنا حق اسشتاري عراقي عوود عندنا وقال لنا لاتخافون اهم شي مايقال من الاكل (( الفول والفلافل )) وبس
يعني الفول السوداني ووفول الصويا عادي لاتخافين
وطبعا اذا مرض اسمله عليه وخذتي امستشفى او الصيدليه قولي لهم الولد فيه انيميا الفول عشان فيه ادويه مخصصه لهم
والله يشفيه ويعافيه

واتمنى اني افدتج اختي الغاليه

الحمدلله على سلاامة عياالج ,,

و الله يشافي فهد يارب و يعاافيه ,,

حسب اللي اعرفه ان مرضى تكسر الدم لاازم يبتعدون عن البقولياات ,,

عيال عمتي { الاولااد } بس فيهم تكسر بـ الدم

لا عمتي و لا ريلهاا فيهم تكسر بـ الدم ,,

أم يدي الله يرحمهم كانت حاملة المرض يعني اهياا ما فيهاا بس تنقل المرض حق عيالهاا

و يدي ما كان في تكسر بـ الدم بس عمتي الوحيدة اللي خذت المرض من يدتهاا و حملت المرض

يعني ولا واحد بـ عايلتناا فيه تكسر بـ الدم

الا عمتي حاملة المرض ,, و ما تعطيه إلا عيالها الأولااد ,,

عسى ربي يرزق عيالج الصحة و العافية ,,

ما يشوف شر ولدج
بس وراثي التكسر مسه بالميه

واي انا عانيت من هالشي وايد وايد
لمن كنت صغيره فجاه طحت عليهم وحطولي دم
ومن يومها ممنوع البقوليات منعا باتا وعلى قولت الدكتوره
تقول حق امي حتى لا تشم ريحتهم

وانا غرامي شي اسمه نخي وفلافل

امبيه عاد الحين تزوجت وصار عندي اولاد اثنينهم صاروا حاملين المرض اشوه
والبنت ما فيها شي

الام تنقل حق الاولاد والابو ينقل حق البنات

بس الحمدلله مرات بالمشتهات اكلفلافل ونخي بس ما اكثر

بس ماعليهم خوف اذا حطيتي بالج عليهم

والله يطمنج عليهم يارب

يالله ياربي تشفي لنا فهودي وتشوفينه يناقز ويركض….امين ياقادر على كل شئ ..لا تخافين حبيبتي بس امنعيه من هالاشياء..ولاااااااااااااااااااااااااااااااااااااا اااااااااااااااااااازم تطمنينا وتفرحينا بالاخبار الحلوة..

+انا بنتي فيها g6pd طبعا البقول بانواعها ممنوعه عنها حبيبتي
وتحاليل لازم على طول
واعطيها حديد وفيتامينات
ولما تودينهم طبيب قبل لاتعطينهم اي دوا لازم تقولين له انه فيه تكسر لانه مو اي دوا يتقبله
وحتى ريحة الاسفنيك اللي نحطه بالحمام مو زينه حق اللي فيهم تكسر

الله يشفي ولدج ان شاء الله

حبيبتي البنات ما قصروا بالمعلومات جزاهم الله خييير

حبيبتى عيااالج الله يحفظهم لج .. راح يعيشون حياااة طبيعية .. بس أبعديهم عن شغلات معينة مثل .. الأسبرين ..رائحة الأسفنيك .. البقوليات وخاااااصة الفول الأخضر … بعض الأدوية التي تحتوي على مااادة الصلفات … وطبعا أطلبي منهم الورقة الوصفية للممنوعات لمثل حالتهم وهو ما يسمى ب g6pd وعلامة السهم النازل لتحت وهو نقص كريات الدم الحمراء …
بمرض الفول أو البقوليات …
ولا تخافين حبيبتى .. الله يحفظهم لج يارب ..