|
|
الحمدلله ولدت بالسلامه ويبت يوسف ، وتأخرت عالمشاركه لاني بالنفاس وتعرفون لويه لنفاس
ولادتي كانت بعد مراجعتي حق دكتور مصطفى تومسو في دار الشفا ، كانت مراجعاتي كلها اوكي وراس البيبي تحت بس لآخر مراجعة لي استعرض البيبي وصار راسه عاليمين وقالي ان هذا اكبر دليل ان البيبي موقادر إدش في حوضج لان مايكفي والبيبي اسم الله عليه شوي كبير فانصحج بقيصريه لان اذا نطرنا لين ولادتج راح اولا البيبي يكبر اكثر وثانيا ولادتج راح اتكون اصعب وثالثا الخطوره على البيبي اكثر ان ممكن يصير معاه خلع ، وخيره من الله اني راجعت عند نفس دكتوري إلي ولدني في ولدي ( بجري ) ، لان كانت ولادتي فيه طبيعيه بس كانت متعسره وشفط وقالي يوم ولدني فيه تعلق صوب اكتافه وهذا دليل ان حوضي ما يكفي يكون حجم البيبي كبير ..
اول شي ضاق خلقي بس عقب ماشرح لي الاسباب وعرفت ان ولادتي راح اتكون اصعب من ولادتي الاولى وزوجي قعد يقنع فيني حرام بيبي حامل فيه 9 شهور وبعدين يصير فيه شي ، انخذت قراري وقلنا له اليوم الثاني ادش المستشفى . وسويت فحوصات وشفت دكتور التخدير واليوم الثاني دخلت المستشفى ، ودخلت غرفة العمليات بس صراحه ما كنت حاسه برهبه وكنت حدي ريلاكس مع ان اول مره في حياتي اسوي عمليه ونمت حتى قبل لا يعطوني بنج وصراحه صراحه صراحه عندي القيصريه وايد اريح من الولاده الطبيعيه جنج نمتي وقعدتي من النوم ، بي اول ما قمت حسيت بألم الجرح بس عطوني مسكن واول الايام شوي صعبه القومه والقعده بس الدكتور قالي كل يوم اتحسين نفسج احسن من امس والحمدلله كانت تجربتي حلوه في دار الشفا من عنايه واهتمام واحلى ما في الموضوع ولدي يوسف ، واستفبالي كان حلووبسيط ومرت اخوي العضوه ام حسون حطت بعض الصور من الاستفبال ، والحمدلله والله يسهل على كل حامل انشالله ودايما اتخلي توكلها على الله وفي دعائها اتقول يارب انت شوف الاصلح والأخير لي سواء كانت ولاده طبيعيه ولا قيصريه دائما الله سبحانه يشوف الاصلح حق عبده ، والله يسهل على كل حامل ويرزق الباجي الذريه الصالحه ….
و عساه من الذريه الصالحه
و حلااااااااااااات اسمه والله
مبروك ماجاج
السنه الكل مسوي يوسف 
اظاهر الموده السنه يوسف
يحلاة هالاسم اسو ولدي عمره 3 شهور وعلى اسم حبيبي بباتي 
الف الف مبروووووووووك وحمدالله على السلامه الله يجعله من الذريه الصالحه
ويتربي بعزج ويجعله من الذريه الصالحه الباره بوالديه يا رب
ويتربى بعزج وعز ابوووه يارب
وعساه من الذريه الصاااالحه
ومبروك المولود