مرت حماي الياهل مأدبه اهل ريلي

اتصدقون انا كنت كاتبه مشكلتي مع اهل ريلي واشلون ملوعين جبدي ، والحين تذكرت اشلون منو اقدر عليهم اتصدقون ان محد قادر عليهم الا فه مرت حماي ياهل عمرها 19 سنه موكله ولدهم حشاكم تبن وكله مفلس وطاقته بالطوفه ولا تدري عنه وكله في بيت امها ومثل العسل علي قلبه وتعالو شوفو المدح فيها ، وفوقوهذا كله كل يوم والثاني كل يوم هادته ومسافره ومخليته مثل حشكم الحمار بالبيت ابروحه واهو توه معرس ماصار له سنه ، وانا احاتي وافكر واخاف اتحجي واقدرهم وازورهم وكل ما اروح اطلع من عندهم ظغطي مليييييييون لالالالالالاز ناس ما يبي لهم الا نفس مرت حماي بس اشلون الطريقه ما ادري اشلون اتعلم منها يبي لي اخذ كورس عندها والله عشان اربي الناس اللي جذيه حمواتي النسرات اللي موفاكين احد من شرهم

تحياتي وانتظر رددددددكم

الله يعين

لا تصيرين نفسها خليج احسن منها كل وحده وتربيتها

يامعوده سوي اللي عليج من واجب وبس ..لاتسوين سواياها مو عشانهم عشان ريلج فكري فيه ترضين تسوين فيه جذي ….تحملي باجر ربي يعوضج بعيالج ويبرونج

شوفي حبيبتي احسن شي للتعامل مع الحمولة الرسميه كوني رسميه معاهم يعني لاتقطين الميانه ولا تقاطعينهم
خففي زياراتج لهم بس بين فترة وفترة اتصلي عليهم تطمني على خالتج

مهما كان حبيبتي كل وحده على تربيتها والبيت اللي طلعت منه

والدنيا تدور وبالاخير انت الربحانه بإذن الله

ألزم ما عليج زوجج
شعليج من حمولتج؟!!

دام رجلهاا راضى عنهاا خلالاص

شغلي مخج مثلهاا اكيد اتغنج عليه دام عمررهاا جذي

واكيد اهو من النوعيه اللي يحب الدلع

والله انا اقول انها محظظظظظوظه وايد عشان جذيه بختها قاعد ولا احد يغثها

بالعكس انا اشوفها مو شايله هم حمولتها مثل ما انتي شايلته عشان جذي اهيا مرتاحه
عايشه حياتها و مرتاحه
و زوجها راضي
ومالها شغل
انتي معوره راسج فيها وغاثه نفسج واهيا ماتدري عنج ومستانسه ومرتاحه مع زوجها

شعليج بآهل زوجج..!!

إذآ هو معآملته حلوهـ معآج..

سكبي فيهم..

ألزم مآعليج زوجج..

وخلي تعآملج ويآهم بحدود وحقريهم ..

صدقيني بيتسنعون..

وبث..

امش عدل يحتار عدوك فيك

انتي احسن منها
انتي متربيه وسنعه وتعرفين الواجب
الحياة مو مقتصرة على اهل زوجك هذولا هامش بالحياة
الاساس انتي وعيالك وزوجك
وامك وابوك
ريحي راسك من ارائهم ونغزاتهم ترى كله قهر منك
والا المدح فيها مو عشانها عشان محد يتشمت فيهم
اتمنالك التوفيق

سوي باصلج وتربيتج ومالج شغل فيها اهي الغلط والشاذه شنو يعني تصرفاتها طايشه مصيره يطق جبد لانهم اول الايام بيصبر عليها جم شهر وبعدين راح ينفجر هذي شلون بتكون اسرة وبيت وعيال