مرت الحمى وما ادراك ما مرت الحمى

بنات اشلونكم وشخباركم؟ حبيت اعرض عليكم مشكلتي ويمكن البعض مايشوفها مشكله واهيا بصراحه مو مشكله كبيره بس خايفه تكبر.المشكله يابنات مع مرت حماي محتاره معاها اهيا اول ما عرفتها حبوبه حيل وكنت حيل معاها روحات ويايات لي يوم من الايام انصدمت منها اني سمعت قايله عني كلام ومن كلامها يبين انها محتره حيل،المهم بعد الي قالته حق عمي عنيطوفت وماوجهتها قامت بس تشوفني مادري شصير بويها ينعفس بس انا ابتسم بويها واسولف معاها عادي ولا قايله شي لين سافرت ورجعت بعدت عنها فتره حتى رفيجتي قالتلي مايصير تنقطعين عنها مره وحده جذي راح تحس،عاد رجعت عادي معاها بس احس انه قمت اهرف الشخص الي جدامي شنو،بنات اهيا تحتر من الكل حتى من اختها لما تطلع مع ريلها،قبل لما تشوفني مع ريلي تقولي ماتملون من بعض كله مع بعض حسبي الله عليها والحين انا وريلي مونفس قبل،ولما تشوف ريلي يرجع قبل ريلها تروح الدارالثانيه وتتهاوش معاه،حاطه عينها على حياتي بكل شي، وريلها مو امقصر معاها من هدايه وسفرات وطلعات بس الناس ماتحمد ربها على الي اهيا فيه بس تبي حق نفسها،ريلي شرالي هديه الله لا يحرمني منه لما درت اعتف ويها قامت تتكلم من غير محد يسالها تقول انا ريلي كله ايبلي هدايه وانا ما اشتري حق نفسي..وقبل جم يوم قتله ود لابتوبي خربان كانت قاعده ويها لاتعليق

مليت والله يعني شسوي؟ انا ما اعرف اجذب ولا اتصنع والي على الساني اقوله ما اعرف اخش شي. تتكلم عن اهل ريلها وبحقد بس جدامهم تموت فيهم انصدم منها،يعني شنو هالناس.. قلت حق ريلي تحتر يقولي مالج شغل فيها، مره ريلي وداني السينما كان براضيني تخيلو رحنا الفيلم الفير وشافتنا كالعاده تسرح وتعفس ويها،ولما رجعنا تهاوشنا من غير سبب!!!! والله لما يرجع ريلي على طول تشوف الساعه تشوفه الساعه جم دش، حتى لو اسولف مع خالتي اقولها شنو ريلي يحب ما يعجبها اني اتكلم عنه !! بعد ريلي اشتبين قولولي شسوي؟ ماعندي غيركم اقولكم الي بقلبي لاني تعبت والله..حقوده بس الي يشوفها يقول لا..ماتحب اكلم خالتي ولا ريليولا شي تنصدم لما تدري انه ريلي بطلعني او ايشي يسويلي.. امي كانت تحذرني وتقولي مو كلشي تقولين بس انا كله مني عندي كل الناس زينين وانخدعت فيها وانصدمت منها،، ترى اهيا مو بس معاي حتى رفيجتها تتكلم عنها وعن حياتها واليوم الثاني طالعه معاها وتتضحك معاها بالفون ولا جنه متكلمه عنها ، ولما نطلع ماتبي حماوتنا ايون تعفس ويها وتاشرلي لا لا ايون ولما تشوفني بطلع معاهم اليوم الثاني اميمعتهم وطالعه معاهم ولا تقولي واصير بروحي بالبيت تخيلو وتدري وجدامي ولاتقولي تعالي انا ماهمني طلعتها بس الي يحرني تصرفاتها وليش تحتر دام ريلها مو امقصر،، اي ونسيت اقولكم جدامنا تكلم ريلها وتصارخ عليهم وتسكته ومن ورانا لما ادق تروح بعيد وسمعتها تقوله انشالله ومادري شنو…بليز قولولي شسوي. ودي ابعد عنها بس شسوي ؟؟

الله يكوون بعونج ياقلبي

مشكوره حياتي والله احس ببجي لان صج الدنيا صاكه فيني.. اتضايق لما تتكلم عن الناس ولما اشوفها جدامي تتعامل الناس الي متكلمه عنهم اشلون
ماتبي ريلي يسويلي ويشتريلي، لما نتهاوش انا وريلي تستانس وعلى طول تيه شقتي تقولي ها اشفيكم؟ وانا بروحي يكون مالي خلق وتيه تزيدها علي

انا لو مكاااانك اطنشهاا ولا اعبرها

حبيبتي مادام انج عرفتيها ودريتي انها انسانه غيوره وحاطه عينها بحياتج
لاتقولين لها اي شي عن حياتج وشنو سويتي مع ريلي مو لازم تعرف اخبارج انتي وريلج

في ناس ليمن تكون فاضيه وماعندها شغل تحب تشغل نفسها بحياة اللي حواليها
ونصيحه ترى مافي رفجه تدوم مع مرت الحما

واسحبي نفسج بشويش وبس ان كان عنده مناسبه وجبيها بس دايما خليج رسميه مع هالاشكال

الله يسعدج ويبعد عنج الناس الفاضيه

حاولي تكسبينها وان ماقدرتي طنشيها

يماما ابعدي عن الشر وغنيله والباب الي يجي منه ريح سده واستريح عطيها طاف وقطعي عنها مرة وحده وخلج رسمية وياهه ولاتقولين اي شي عن بيتج سمعي كلام امج ترى معاهه حق مو كل الناس زينين

الله المستعان

الله يعينج

احقريها و لا تسولفين معااااااااااااهاااااااااااا

تجنبي وجودك معها

تميزي عن الاخرين وفاجئي من تحبي من اصدقائك وعائلتك ورؤسائك في العمل بذكري جميله لا تنسي

هذه الاشكال البعد عنها غنيييييييييييييمه

خلي علاقتج رسميه معاها وايد احسن

خلاص دامج عارفتهااا انهاا حقودة وحاطه عينهاا عليكم .. لاتسوين شي جامهااا واذا بطلعون طلعوااا لا تنشرون خبر طلعتكم،، وخففي قعداتج معاها ولاتسولفوين عن ريلج .. ولا عن طلعاتكم ويياتكم وحقريهااا وعطيهااا طاااف .. وخليهااا تاكل بروحهااا موبس ينعفس وييهااا…. وبعدي زوجج عن سوالف الحريم ل تعورين راسه

عطيهااا أكبر طااااااااااااااااف بالدنيــا .. وبس

عااادي ياقلبي كل شي متوقع من مرت الحمي
قلت الادب عدم الاحتراااام وغيره وغيره
وحتي لو كانت ساكته وهاديه يبن من عيونها
عطيها طاف وعيشي حياتج وخليج غامضه يعني محد يعرف
شنو بينج وبين زوجج اي شي تبينه من زوجج قوليله بغرفتج

مدامج عرفتيها انها غيوره ديري بالج منها
تري الغيره تعمي عيون بني ادم
عطيها طاف وعيشي علي طبيعتج وخليها كانها قنفه

مشكورين بنات على مروركم،والله قاعد احاول بس احنا عايشين في بيت واحد وكلشي قاعد يصير جدامها، وحتى اذا تيمعنا عند خالتي اهيا تنتبه على كل شي اي والله بنات لو مو قايله حق ريلي احسن وانا ماحب اقوله سوالف الحريم بس لان مابي يقول كل شي جدامها، لانها حاطه عينها على كل شي،، واااي باطه جبدي حيل، وايد اشياء تكون بخاطرها وتكرها بعيني عشان انا لا اخذه او لا اسويه تخيلو…