|
|
السلام عليكن بنات شلووونكم ؟
بقولكم سالفتي الله يسلمكم انا من وانا صغيره شاطره الحمدالله والكل حاط امله فيني
رسمت جدامي طموح كبير وكنت دايما اقول لنفسي مالج غير الطب او الهندسه
وحبيت المواد العلميه بشكل موووصج وحييل قويت نفسي بالانجلش عشان ما توقف اللغه بطريجي
كنت احلم واحلم ومشكلتي ان كل شي اقوله للناس طموحي احلامي درجاتي كلشي
مع ان بنات عمي كانو مايقولون لي كل شغلهم خش
المهم لما ييت عند عاشر بحدد تخخصي حطيت علمي وداومت اسبوعين بعدين يتلي نفسيه
وقمت اكره الدراسه ورحت ابجي عند الاداره عشان احول ادبي موقادره اتحمل الدراسه
حولت ادبي وتخرجت بنسبه حلوه الحمدالله << وهني القهر
والله ان الناس يباركولي وانا من داخلي مو فرحانه اشوووف الفرحه بعيون امي وابوي وخواتي
والكل مووو مصدق وانا بس ابجي يقولون شفيج اقولهم من الفرحه وانا بداخلي قهر الكل فرحان فيني بس انا
مو فرحانه لنفسي تدرون ليش ؟؟ لن طموحي احلامي كلشي كنت راسمه انهدم رااااح وضاااااع
تخيلو نفسكم تحلموون بشي وتبنون له ولما قربتو توصلون كل شي يضيع
صارلي سنه متحمله وساكته وكل مره اقول خيره بس موووووقااااادره والله ما يمر اسبوع ما ابجي من القهر على نفسي
ادري بتقولون شنو السالفه مافهمنا انا كنت ابي اصير دكتوره بس الحين مستحيييل لأني ادبي
خلصت اول سنه جامعه وطبعا كل كورس يحوشني حاله بجي وملل ومابي اداوم وبوقف قيدي واتعوذ من الشيطان واداوم
بس الحين طفح الكيل انا طموحي مابي اخليه يضيع ولا اسمع لنفسي اهدم نفسي بنفسي
تكفووووووووووووووووووووووون بنات انا داخلي حب موووو صبيعي للهندسه والطب بس ابيكم تساااعدووني
والله يعلم انكم راح تفرجون كربتي وراح ادعيلكم من كل قلبي
الي تعرف احد يشتغل بلجامعه او بالتعليم العالي ابي اجوبه لأسئلتي بلييييز والله مالي غيركم
ابي اعرف شنو الشهاده الي تعادل شهاده علمي لن صعبه اسقط شهادتي واعيد الثانويه ؟؟
وابي اعرف جامعه الكويت يقبلوني اذا طلعت الحين لن انا مقيده مو مستجده ؟؟< اذا سحبت اوراقي وقدمتهم ثاني مره
وابي اعرف شنو اسوي عشان ادرس في مجال علمي اذا انا ادبي؟
وهل اذا تخرجت من جامعه الكويت يصير اسقط شهادتي واعيد ثانويه ؟؟ ولا تسقط شهادة الجامعه معاها؟؟
انا اعرف وحده ادبي صارة مدرسه بعدين خذت دبلوم هندسه اتصالات وكملت عليها بكلريوس برا الكويت وصارت مهندسه اتصالات
بس انا ابي هندسه بترول او عماره يعني ماتنفعني طريقتها او ابي طب اسنان ؟؟ شنو في شهايد دبلوم اكمل عليها ؟؟
اي شي عندكم يفيدني بليييز قولولي ابي اصير دكتوورة اسنان حتى لو ادرس برا الكويت بس فيدوني ومابي اعيد الثانويه عفيا ابي حل ثاني 
بليز رفع الموضوع لو بدعوه واسألو اي احد يقدر يفيدني
وكل شي خيره سبحان الله
والله ماعندي فكرا كلش
الله يوفقج ويتحقق الي ببالج
حبيبتي ترى حتى ادبي في مجالات عمل رووعه
ليش ماتدريسين كلية علوم اجتماعيه تخصص علم نفس وتكملين دراستج وتصير دكتوره نفسيه
يالغلا الطموح ما يوقف عند شهاده وتخصص
كلناا كنا نبي نصير دكاتره ومهندسين
انا ودي اصير مذيعة اخبار جويه بس اهلي ما يرضون اصير مذيعه
بس عوضة هذا المجال ودخلت جغرافيه والحمدالله متقبله وحبيته
حبيبي ترى وظايف مو واقفه على دكتوره وهندسه
حتى ادبي له مجالات ووظايف رووعه
ترى ابجي وتحلطم ما ينفعج بالعكس يخرب نفسيتج على الفاضي
خلاص انتي خريجة ادبي ماكو مجال تغيرين
شووفي المستقبل لا طالعين الماضي راح تتعبين
موفقه يالغلا
ووالله ماعندي فكره عن موضوعج
أو
دكتورة أدب انجليزي
بس اعتقد تقدرين تعيدين رابعه ثانوي
حبيبتي استخيري , وتوكلي على رب العالمين وقولي ياربي كن دليلي
وربي راح يسخر لج كل الناس يكونون تحت أمرج , لأنج توكلتي على إلي عينه ماتنام سبحانه ,,
وأسألي الله الرضاااااااااااااا
قووولي ياااارب اني أسألكـ الرضاا بما كتبته لي
و والله عن تجربه بتحبين إلي أنتي ألحين تدرسينه ,, وفوق هذا
راح تكونين سعيدهـ بحياتج
أنتي ماهدمتي حلمج , لكن ربي اختار لج الأفضل , لأن الله سبحانه وتعالى
اكرم منج على نفسج
والعباد عيال الله وسبحانه أحـن علينا من أنفسنا ,
فأهوا اختار لج الأفضل ولكن الأنسان بنظرته الصغيرهـ والقصيرهـ , يشوف الشي إلي اهو يبيه
لكن ساعات الرب جل علاه يحرمنا من إلي احنا نبيه عشان اهو مضر لنا ,,
ولله المثل الأعلى ولكن ربي مثل الأم على طفلها
إذا صارت فيه حراره
يبجي والولد ويبجي يبي برد أو كاكاو الأم ترفض وتوخره عنه
الطفل مايعرف وين مصلحته ولكن الأم عشان تبي مصلحته توخره عنه
لأنه لو كلاها بتضره !
ولله المثل الأعلى
توضي وفرشي سيادتج وادعي ربي وادعيه
تراا مايرد القضاء إلا الدعاااء !!
فقوي علاقتج برب العالمين تسعدين بحياتج
ودمتي راضيه بماقسمه الله لج
انا كان حلمي اصير رائدة فضاء
بس للأسف الكويت ماعندها صواريخ للقمر
شفتي شلون انهدم حلمي
عادي يبا فكيها واضحكي
فكري بالجانب الحلو بالموضوع
اما مسألة تحولين
من المستحيلات
وانا نصيحتي لج
فكري بالمستقبل بشكل مختلف عن قبل
دام تبين الهندسة هندسي مستقبلج بيدج واصنعي قرارج
والدراسة عمرها ماكانت سبب نجاح حلم و سقوطه
الدراسة تسهل لج
بس لاتخلين حلمج بهالحدود
من الاخر احلمي من جديد
والاحلام ما تبني بيت ترى
فكري بواقعية و بنفس الوقت تفائلي
وادري في مجالات حلوه بس بخاااطري الطب
|
المشاركة الأصلية كتبت بواسطة عهود الحب
 الله يكتب لج الخيرة
انا كان حلمي اصير رائدة فضاء فكري بالجانب الحلو بالموضوع فكري بالمستقبل بشكل مختلف عن قبل بس لاتخلين حلمج بهالحدود من الاخر احلمي من جديد فكري بواقعية و بنفس الوقت تفائلي |
فدييييييييييييييييييييييتج ياحياااااتي ضحكتيني
Ma3leeh 7abebbty matdreen yemeken hathy 5eera lch ou ed3yy rabech ou est5erre
ou 7ata law ma gdrty tswein ely fe balch .. 7awly tabd3ein belmajal elly entay feh
lean elbachy wel7assra ma tnfa3 … etklay 3alla allah ou allah ywafgeech inshallah
ويا حبي ما ادري
بس حاولي حاولي
وربي يوفقج
مستواها مثل الطب والهندسه ويسمونها طب الادبي لول
وتتخرجين وتصيرين محامية وتلبسين بالطو أسود بدال بالطو الطبيب الأبيض
واذا ماتبين محامية ف كل وزارة فيها إدارة قانونية وكل مكان مايستغني عن الحقوقيين
أنصحج فيها والله يوفقج انشالله
وكل شي مكتوب ومقدر
الله يكتبلج اللي فيه الخير اذا هذا طموحج عيدي الثانويه شتسوين