|
|
قووه بناات
من زمان ودي اكتب هالمشكله واخذ رايكمـ فيها لانها صج مضايقتنا
ببدي معاكم من اول شي صج السالفه طويله بس بحاول اختصر كثر ماقدر
اخوي خذا بنت عمي بمقولة (( فلان لفلانه )) بيني وبينكم اهوا يحبها بس اهي (( الله العالم ))
كلنا كنا موافقين ومو موافقين وانا كنت متضايقه شوي لان احس ان هالبنت فيها لعانه مو طبيعيه
قلنا يمكن تتغير بعد الزواج .. مع العلم ان بنات عمي وعماتي مااااااايحبونا كلش كلش كلش
تدرون ليش لان احنا احسن منها مااديا ولان احنا ساكنين بروحنا !!
المهم تزوجوا كانت يعني بس مستحيل تنزل عندنا وكل مانسوي عزيمه ماتيي
اما لما اهيا تسوي عزيمه لا تنزل وتعزم اللي تبيه احنا نظيف واهيا حاطه ريل على ريل
وطبعا لي شربت شي تنادي خدامتها عشان تغسل صحنها او استكانة الشاي
مرت الاياام وحملت وطبعا كلنا استانسنا .. طبعا بنتها ماتنزل خير شر الا بموافقتها او اذا مالها مزاج لبنتها
حز بخاطر امي وابوي واايد
المهم بعد جم شهر قالت انا بهد الطوفه وبسوي شغلات واايد طوفناها مع ان ابوووي موراضي
شافت ان عمها موراضي قالت بحر قلبه زيااده .. وراحت سوت دري من برا يوصل لي شقتهم
انزين يابنت النااس بييت عمج تحطين دري من برااا موو عيييب عليييج شيقولون الناس
طبعا سوته غصبن عن الكل وغصبن عن عمها اللي اهو ابوي
ابوي ياما ساعدهم وسوالهم وتوسط لهم واللي اييبه لنا لازم لهم بس مابين بعينهم
المهم بعد اسبوع بالضبط
شفت الخدامه مع بنت اخوي برا وبنت اخوي عمرها 8 اشهر تقريبا انا يوم شفتهم ينيت جان انادي الخدامه انتي هيييي من صجج مطلعه الياهل ورطوووووووووووبه موووووت تعالي دخليها جان تطالعني بنظره وتقول مااما تقول لا
انا انصدمت تحقرني الخدامه وماترد علي ليش يبا شصااير المهم على دخلة ابوي قلتله جان يزف الخدامه وخذا بنت اخوي
ولا المكسينه ويهااا احمرررر المهم دخلتها وقعدت معاها ولا الست هانم مرت اخوي دقت على اخوي لييش الخدامه تبجي
اخوي خلاها لان عنده ديوانيه واهيا كل شوي تدق عليه اذته واايد وفشلته
جان امي تقوم على نياتها وتروح لها فوق اهيا وخالتي وامي قالت لها بالحرف الواحد ياعمري زوجج بالدوانيه مايصير لما يخلص كلميه باللي تبينه اهيا قالت جذي كلتها مرت اخوي انا زييين مستحملتكم وانتوا وانتوا وانتو قعدت تسب امي وامي ساكته
واحنا كلنا سكتنا انا اوختي واخوي وخالتي سااكتين الا منصدمين
نادينا اخوي الثاني خذا امي ونزلها طبعا امي صارت عيونهااا حمرااا وفيها بجيه بس مسكت نفسها
مرت اخوي لبست عبايتها ونزلت والساعه كانت 1 بليل وين تبي تروح الطيبه هالوقت
الاااا تروح بيت اهلها طبعا خالتي والله والله ركضت عندها وباست ايدها تقول لها بلا فضايح جان تطالع خالتي من فوق لي تحت وتقول لها لوسمحتي وخري عني
يااا اخوي اللي اهو زوجها يوم شافت جان تطيح تبجي تكفى تكفى خلك عندي ابي ارد بيتنا مااقدر عليهم كلهم علي
انا مسكت راسيي اول مره بحياتي اشوف نااس جذي والله لااعت جبدي من الموقف
المهم خذاها ووداها فوق شقتهم بعد نص ساعه رد ابوي وعرف السالفه
نادا اخوي وسولفوا
المهم ردت بيتنهم على ماخوي يدور شقه لهم براا
اهي ردت بيتهم طلعت عنا سوالف تمس كرامتنا وان احنا طردناها بالليل وطقيناها وسبيناها
تخيلوا سالفتنا وصلت والله لاهلنا اللي برا الكويت بس قليل اللي صدقوا والباااجي كلهم معانا
وفي ناس قالوا لها يابنت الحلال دوريلج احد ثاني تحطين بلاج عليه مالقيتوا الا هالمساكين
محد مصدق ان احنا نسوي جذي
الحمدلله هذا ان دل يدل على سمعتنا الزينه والطيبه عند الناس
اما اهما الحمدلله والشكر سمعه × المهم ابوها اللي اهو عمي ماصدق اول شي وطاح علينا
بعد فتره من السوالف
احنا قلنا بس نبيها تعترف انها غلطانه مانبي منها شيي وطبعا ماحصلنه اللي نبيه
تقولون شنو موقف اخوي ولااااا شي يقول مادري اصدق منو ولا منو
يعني تجذب امك وخوااتك !!!! شنو بنستفييد شنو نبي منهااا
المهم بعد فتره طاح مره ثانيه عمي علينا وهالمره كاان صج تعبان وقال ابي بنات اخوي وامهم اللي اهم احنا
بس طبعا عياله ماقالولنا وبنفس اليوم توفى الله يرحمه .. توفى ودرا ان بنته اهي الغلطانه
والحين ردت لشقتها ..,. واخوي راضاها وشرا لها تذاكر لايطاليا
واحنا حتى اعتذار ماوصل لنا
واعتذر عالاطاله
وخلوها مصيرها بتعرف قيمتكم
واللوم الاول والاخير على اخوج اهو الي مفروض يسنعها
ماكو شيئ اسمه اصدق امي ولا زوجتي
اهم شيئ خل تكفيكم شرها والله يعيينكم على هالنوعيات
تطلع تدخل تنام تقوم لاتعتبرونها ساكنه معاكم ولاتنادونها ولاتعزمونها ليما تنزل من نفسها وتقعد معاكم من نفسها
ووايد في من هالنوعيه مايتحملون كلمه من الحموله
الله لا يبلنا بمره اخو جذي
والله يا اختي صدو عنها شتسوون بعد
دام اخوج مرتاح وخلييه مردها الايام بتوريه معدنها
ماعليج كما تدين تداان
مثل ماتبلت عليكم راح يجي من يتبلا عليهاا
بس اللي مستغربه منه أخووج شلون طاوعه قلبه مايراضي امه …؟!
الله يهديه إن شاءالله..
بعيدين وسالمين
ماكبر راسها الا هو ولا لو حاسه ان رضاكم من رضاه جان ماسوت جذيه
مالكم الا انكم تطنشوها لوتشوفون بنتها مو برى الا فالشارع مالكم شغل فيها
ولا جنها موجوده واعلى مافي خيلها تركبه صج قهرتني
الحقران هو علاجها وعلاج زوجها وباجر بتشوفون حوبتكم فيها
الله يعينكم حبيبتي
صدقيني كأنها موموجودة راح تحتر
ولا تنادونها اذا عندكم احد
الغلط من اخووج اللي ساكت ..
خلاص يطلعها بروحهاا وفكووو عمركم
لانها ماتستحي على ويها واذا طلعوا بشقه بروحهم انتوا بترتاحون واهم بيرتاحون
المفروض من البدايه يسكنون بروحهم عشان ماتصير مشاكل ولا حجي وعوار راس
انا وحده ضد ان الجنه تسكن مع اهل زوجها لان حتى لو الجنه ملاك واهل زوجها زينين لابد اتصير مشاكل