|
|
بنات ابي رايكم بالقرار الخطير اللي اتخذته المديره الجديده للمدرسه تخيلة انها فجأه سوت تفتيش على الطلبه بالطابور على اللبس وعزكم الله الوان الجواتي كل هذا احنا معاها ماقلنه شي لكن ان المدرسه تتصل على اولياء الامور الساعه 8 الصبح لا ومشكلين الخط وبعدين من الخرعه ارد اتصل ترد علي المديره المساعده بنفس خااااايسه وتطلب مني اني استفسر شنو ولدي مخالف فيه من عند شؤون الطلبه المهم اتصل جان تقولي بصراحه ولدج مادري ليش مخالف مافي شي الا انه اظافره طويله
بالله عليكم يعني شقول
قتلها شتبون يعني اييبلكم مقراظه
يعني يسوى الخرعه من الصبح مشكلييين الخط علي عشان جذي سبب في شي اسمه ورقه تبعث لولي الامر او تبليغ الولد انه مايعيدها يعني لو الام بالمستشفى او شافت المسج مثل حلاتي وتتصل كله مشغول وتركب السياره وتروح طايره ويطلع السبب اظافر شسوي حزتها :
ياريت تقولولي يعني هذا صح التصرف من المديره الموقره
قبل الناظره كانت تسوي فينا جذي المقراضه ما تلحق ايبون مقص ويقصون الاظافر
وكانا كبرنا وتخرجنا وما صار فينا شي
شكلها شاده حيلها لانها يديده
والله انا من اشوف رقم المدرسه داق علي اموت خوف وقلبي يعورني
واخاف يكون فيه شي
واخرتها يدقون عليج عشان مخالف صج بعض المدارس ماعندهم سالفه زين اذا هو مخالف ادز معاه تعهد يسلمه لاهله وخلاص مو يخرعوننا على هالصبح ….ماقول غير الله يعينج على هالمدرسه
بعض الناظرات مادري شلون وصلو بصراحه هههههههههههههههه
اظافره طويله لشنووو وهوا بالابتدائي ؟؟؟
بالعكس تبي مصلحتهم ليش الاعتراض
عشان الاظافر طويله
تقول له تعال بكره قاصهم
ولا ترى بتتعااقب
…………..ز
بعض الناظرات
للاسف تعنت عالفاضي
الخرعة صج لي رد ولدج البيت ووجهه كله مخطط دم من اظافر رفيجة
صج هذي الحرة!
وزائد انا ما ارضى يقصون اظافر ولدي بالمدرسة وقايلة للأدارة ان لو انسى او اسهى وتطول اظافره مايقصونها
لان ما ادري مقراضة المدرسة اي فراشة مقرضة فيها قبل..ولا اي ياهل امه من هالديار العجيبة شنو ناقله لولدها..
عرفتي ليش مختبين؟؟
وتخيلي انه رفيجتي متصلين عليها علشان ولدها لابس جوتي اسود وفي خط اصفر شسالفه